ສ ເກົາຫຼີ ກຳລັງພັດທະນາຍົນບໍ່ມີຄົນຂັບ ເພື່ອການສູ້ຮົບທາງອາກາດ
ຕາມຂ່າວສານຊິນຮວາ ລາຍງານ, ໂດຍອີງຕາມຖະແຫຼງການຂອງບໍລິສັດການບິນຂອງ ສ ເກົາຫຼີ (Korean Air) ໃຫ້ຮູ້ວ່າ: ບໍລິສັດຈະພັດ
ທະນາຍົນບໍ່ມີຄົນຂັບ 3-4 ລຳ ທີ່ສາມາດສະໜັບສະໜູນການປະຕິບັດໜ້າ ທີ່ການຊ່ວຍໜູນທາງອາກາດ ເຊັ່ນ: ການສອດແນມ ແລະ ການໂຈມ
ຕີ ທາງອາກາດ.
ນັກວິເຄາະດ້ານການທະຫານ ແລະ ປ້ອງກັນຊາດ ຈາກສູນຄົ້ນຄວ້າ ແລະ ພັດທະນາອາວຸດຂອງອາເມຣິກາ ທີ່ບໍ່ປະສົງອອກນາມ ກ່າວວ່າ:
ສ ເກົາຫຼີ ຫວັງຈະນຳໃຊ້ຍົນສູ້ຮົບແບບໃໝ່ ເພື່ອປະຕິບັດພາລະກິດການສູ້ຮົບທາງອາກາດກັບສັດຕູ ຊ່ວຍໃຫ້ຕົນມີຄວາມໄດ້ປຽບທາງດ້ານອາກາດ
ແລະ ເປີດຊ່ອງທາງໃຫ້ເຮືອບິນຮົບລຳອື່ນໆ ປະຕິບັດໜ້າທີ່ຢູ່ໃນເຂດນ່ານຟ້າຂອງຕົນ ເພື່ອກວດຫາ ແລະ ກຳນົດເປົ້າໝາຍ ສຳລັບການເຝົ້າລະວັງ ຫຼື
ການໂຈມຕີໄລຍະໄກຈາກພາຍນອກ.
ຖ້າ ສ ເກົາຫຼີ ປະສົບຜົນສຳເລັດໃນການພັດທະນາຍົນບໍ່ມີຄົນຂັບລຸ້ນນີ້, ເຊິ່ງເປັນຜະລິດຕະພັນພາຍໃນປະເທດ ຈະຊ່ວຍໃຫ້ຄວາມຕ້ອງການ
ຊື້ຍົນຮົບ ລຸ້ນໃໝ່ ທີ່ມີລາຄາແພງຈາກຕ່າງປະເທດ ແລະ ທັງຈະຫຼຸດຄ່າໃຊ້ຈ່າຍລົງໄດ້ຢ່າງມະຫາສານ.
ແຫຼ່ງທີ່ມາ: ຂກທ
ວັນທີ 10/02/2025