ອາເມຣິກາ ໄດ້ອະນຸມັດສົ່ງລູກສອນໄຟ ໄລຍະໄກ ERAM 3.350 ລູກໃຫ້ອູແກຣນ
ອີງຕາມໜັງສືພິມ World Street Journal ສະຫະລັດ ອາເມຣິກາ ລາຍງານວ່າ: ລັດຖະບານອາເມຣິກາ ໄດ້ອະນຸມັດຢ່າງເປັນທາງ
ການຊຸດຊ່ວຍເຫຼືອທີ່ມີມູນຄ່າ 850 ລ້ານໂດລາ, ໂດຍແມ່ນທຶນງົບປະມານສ່ວນຫຼາຍຈາກບັນດາປະເທດເອີຣົບ ເພື່ອໂອນລູກສອນໄຟນຳວິຖີ
ERAM ຈຳນວນ 3.350 ລູກໄປໃຫ້ອູແກຣນ, ເຊິ່ງການຈັດສົ່ງຊຸດທຳອິດຄາດວ່າຈະໄປຮອດອູແກຣນພາຍໃນທ້າຍເດືອນນີ້.
ການຈັດສົ່ງລູກສອນໄຟນຳວິຖີ ERAM ໃຫ້ແກ່ອູແກຼນ ເພື່ອໂຈມຕີເປົ້າໝາຍທີ່ມີມູນຄ່າສູງ ທັງເພື່ອປ້ອງກັນເຮືອຍົນອອກຈາກເຂດສູ້
ຮົບທາງອາກາດຂອງສັດຕູ. ERAM ເປັນລູກສອນໄຟປະສົມປະສານ ລະຫວ່າງລູກລະເບີດ ແລະ ລູກສອນໄຟນຳວິຖີ, ມີໄລຍະຍິງໄກສູງສຸດ
ປະມານ 460 ກິໂລແມັດ, ມີຄວາມໄວ 760 ກິໂລແມັດຕໍ່ຊົ່ວໂມງ, ນ້ຳໜັກປະມານ 225 ກິໂລກຣາມ, ເຊິ່ງຖືກອອກແບບເພື່ອຍິງຈາກຍົນ
ສູ້ຮົບໄດ້ຫຼາຍລຸ້ນ ລວມທັງຍົນ F-16 ທີ່ ອູແກຣນ ກຳລັງນໍາໃຊ້ຢູ່. ລູກສອນໄຟລຸ້ນນີ້, ມີລະບົບນຳທາງດ້ວຍ GPS ຢູ່ປາຍຫົວແຫຼມຂອງລູກ
ສອນ, ການຍິງເປົ້າໝາຍມີຄວາມແມ່ນຢຳສູງ ເຖິງແມ່ນວ່າຈະຢູ່ໃນສະພາບແວດລ້ອມທີ່ມີການຕິດຂັດທາງເອເລັກໂຕຣນິກ. ການອອກແບບ
ຍັງເໝາະສົມກັບພາລະກິດການທຳລາຍບັງເກີໃຕ້ດິນ, ສູນບັນຊາການ ແລະ ລະບົບຣາດາ ປ້ອງກັນປະເທດທາງອາກາດ.
ແຫຼ່ງທີ່ມາ: ຂກທ
ວັນທີ 09/09/2025