ຜູ້ນຳ ສປປ ເກົາຫຼີ ຕິດຕາມຄວບຄຸມການທົດລອງ ໂດຣນໂຈມຕີ
ທ່ານ ຄິມ ຈອງອຸນ ຜູ້ນຳສູງສຸດ ສປປ ເກົາຫຼີ ໄດ້ລົງຕິດຕາມເບິ່ງການທົດລອງໂດຣນໂຈມຕີ (Drone- UAVs) ດ້ວຍຕົນເອງ ໃນວັນ
ທີ 27 ສິງຫາ 2024 ນີ້, ເຊິ່ງດຳເນີນການທົດລອງໂດຍສະຖາບັນຄົ້ນຄວ້າ ໂດຣນ ຂອງສະຖາບັນປ້ອງກັນປະເທດ ເກົາຫຼີ. ການທົດລອງໂດຣນ
ຄັ້ງນີ້, ຜູ້ນຳເກົາຫຼີ ພ້ອມດ້ວຍເຈົ້າໜ້າທີ່ຂັ້ນສູງຂອງພັກແຮງງານ ເກົາຫຼີ ໄດ້ຮູ້ຈັກ ແລະ ສຳຜັດກັບ ໂດຣນ ທີ່ກຳລັງພັດທະນາ ແລະ ຊີ້ນຳການທົດ
ສອບ. ເຊິ່ງໂດຣນ ມີຫຼາຍຮຸ້ນທີ່ອອກແບບມາແຕກຕ່າງກັນ ເພື່ອໂຈມຕີເປົ້າໝາຍຂອງສັດຕູ ທັງທາງບົກ, ທາງທະເລ ແລະ ບິນໄປຕາມເສັ້ນທາງ
ທີ່ກຳນົດໄວ້ລ່ວງໜ້າ ດ້ວຍການຈື່ຈຳເປົ້າໝາຍ ແລະ ດັບສູນເປົ້າໝາຍເຫຼົ່ານັ້ນໄດ້ຢ່າງແມ້ນຢຳ. ໂດຣນ ຫຼື ເອີ້ນອີກຊື່ໜຶ່ງວ່າ: ຍານຍົນບໍ່ມີຄົນຂັບ
(UAVs), ໄດ້ກາຍມາເປັນສ່ວນປະກອບສຳຄັນໃນສົງຄາມຍຸກໃໝ່, ໂດຍປະຕິວັດວິທີການປະຕິບັດງານຂອງກຳລັງທະຫານ ເພື່ອຫຼຸດຄວາມສ່ຽງ
ສູນເສຍຂອງກໍາລັງໃນສະໜາມຮົບ.
ຜູ້ນຳເກົາຫຼີ ໄດ້ສະແດງຄວາມເພິ່ງພໍໃຈຕໍ່ລັກສະນະທາງຍຸດທະສາດ ແລະ ເຕັກນິກຂອງ ໂດຣນ ຮຸ້ນໃໝ່. ຜູ້ນຳ ເກົາຫຼີ ສັງເກດເຫັນວ່າ:
ໂດຍອີງໃສ່ປະສົບການ, ການສູ້ຮົບ ແລະ ທ່າອ່ຽງທາງທະຫານ, ການພັດທະນາຂອງໂດຣນປະເພດຕ່າງໆ ແລະ ການປັບປຸງຄຸນລັກສະນະຂອງໂດຣນ
ນັ້ນ "ມີສ່ວນສຳຄັນໃນການກຽມພ້ອມສູ້ຮົບ ເມື່ອເກີດສົງຄາມ." ເນື່ອງຈາກໂດຣນ ສາມາດໃຊ້ສຳລັບການສອດແນມ, ພາລະກິດການໂຈມຕີ ແລະ
ການຈັດສົ່ງຄວາມຊ່ວຍເຫຼືອດ້ານມະນຸດສະທຳ, ຊ່ວຍໃຫ້ກອງທັບສາມາດເກັບກຳຂໍ້ມູນສະຕິໃນເວລາທີ່ແທ້ຈິງ, ກຳນົດເປົ້າຫມາຍຕຳແຫນ່ງຂອງສັດ
ຕູ ທີ່ມີຄວາມຊັດເຈນ ແລະຕອບສະຫນອງຢ່າງໄວວາກັບສະຖານະການທີ່ເກີດຂຶ້ນ. ທ່ານ ຄິມ ຈອງອຸນ ເນັ້ນໜັກວ່າ: ຍ້ອນມີທີ່ຕັ້ງພູມສາດຂອງປະ
ເທດຢູ່ແຫຼມ ເກົາຫຼີ, ມັນຈຳເປັນຕ້ອງ “ບໍ່ອິດເມື່ອຍ” ບໍ່ພຽງແຕ່ພັດທະນາອາວຸດໃຕ້ນ້ຳຍຸດທະສາດ, ລູກສອນໄຟນິວເຄລຍ ເທົ່ານັ້ນ, ຫາກຍັງລວມ
ເຖິງ ໂດຣນ ໂຈມຕີ kamikaze ຢູ່ໃຕ້ນ້ຳ, ພ້ອມທັງນຳເຕັກໂນໂລຊີ ປັນຍາປະດິດເຂົ້າມາໃຊ້ໃນການພັດທະນາຢ່າງແຂງແຮງ. ພ້ອມນັ້ນຍັງສັ່ງໃຫ້
ພັດທະນາ ແລະ ເພີ່ມກໍາລັງການຜະລິດ ໂດຣນ ປະເພດຕ່າງໆຢ່າງຫ້າວຫັນ.
ແຫຼ່ງທີ່ມາ: ຂກທ
ວັນທີ 09/09/2024