ກອງທັບສະຫະລັດ ປ່ຽນຊື່ຂີປະນາວຸດ ລຸ້ນ LRHW ເປັນ Dark Eagle
ຕາມແຫຼ່ງຂ່າວ ນາວອລ ນິວສ໌ (Naval News) ລາຍງານເມື່ອທ້າຍເດືອນ ເມສາ ຜ່ານມາວ່າ: ຂີປະນາວຸດຄວາມໄວກວ່າສຽງ ລຸ້ນ
ໃໝ່ LRHW (Long Range Hypersonic Weapon) ຂອງສະຫະລັດອາເມຣິກາ ສາມາດບັນລຸຄວາມໄວໃນການປະ ຕິບັດການ
ໄດ້ຫຼາຍກວ່າ 5 ມັກ (ປະມານ3.836 ກິໂລແມັດຕໍ່ຊົວໂມງ, ສາມາດໃຊ້ຄວາມໄວສູງສຸດເກີນ 6.100 ກິໂລແມັດຕໍ່ຊົວໂມງ ແລະ ສາມາດ
ເຄື່ອນທີ່ໃນລະດັບຄວາມສູງ ທີ່ມີຄວາມໄວແຕກຕ່າງກັນ ເຮັດໃຫ້ລະບົບຣາດາກວດຈັບສັນຍານໄດ້ຍາກ (C-HGB) ຫຼື ເອີ້ນວ່າ ລະບົບ
(Common Hypersonic Glide Body) ທີ່ປະກອບດ້ວຍລະບົບຕິດຕັ້ງຫົວຮົບນິວເຄລຍ ແລະ ລະບົບນຳທາງດ້ວຍສາຍເຄເບີລ ທີ່
ຜະລິດ ແລະ ນຳມາພັດທະນາໂດຍ ບໍລິສັດ ລັອກມາຕິນ ແລະ ກຳແມນ.
ເຈົ້າໜ້າທີ່ກະຊວງປ້ອງກັນປະເທດອາເມຣິກາ ກ່າວວ່າ: ກອງທັບບົກສະຫະລັດ ໄດ້ນຳລະບົບ LRHW ເຂົ້າມາພັດທະນາ ເພື່ອປະ
ກອບເຂົ້າປະຈຳການໃນກອງທັບ, ເຊິ່ງຖືເປັນບາດກ້າວສຳຄັນທີ່ສຸດ, ໃນການພັດທະນາດ້ານຄວາມສາມາດ ຂອງຂີປະນາວຸດລຸ້ນໃໝ່ ທີ່ມີ
ຄວາມສາມາດໂຈມຕີເປົ້າໝາຍໃນໄລຍະໄກ ໄດ້ດີກວ່າລຸ້ນເກົ່າຫຼາຍເທົ່າເຊັ່ນ: ລະບົບຄວາມໄວ, ຄ່ອງແຄ້ວ ແລະ ຄວາມແມ່ນຢຳ ໃນ
ການດັບສູນເປົ້າໝາຍ, ກາຍເປັນອາວຸດທີ່ທັນສະໄໝທີ່ສຸດ ທີ່ເຂົ້າມາປະຈຳການໃນ ກອງທັບສະຫະລັດ ໃນປັດຈຸບັນ.
ແຫຼ່ງທີ່ມາ: ຂກທ
ວັນທີ 09/05/2025