ຣັດເຊຍ ທົດລອງຖານຍິງລູກສອນໄຟ Tornado-S
ສຳນັກຂ່າວຫວຽດນາມລາຍງານໃຫ້ຮູ້ວ່າ: ຣັດເຊຍ ໄດ້ທົດລອງຖານຍິງລະບົບລູກສອນໄຟ ລຸ້ນ Tornado-S ຈຳນວນ ຫຼາຍຄັ້ງ,
ເຊິ່ງລູກສອນໄຟຊະນິດນີ້ ໄດ້ຮັບການພັດທະນາຈາກລະບົບລູກສອນໄຟນຳວິຖີ ລຸ້ນ MB-30 Smerch ທີ່ຜະລິດໂດຍສະຫະພາບໂຊ
ວຽດ ແລະ ໄດ້ຍົກລະດັບໃຫ້ເປັນລູກສອນໄຟ Tornado-S ທີ່ທັນສະໄໝທີ່ສຸດໃນປັດຈຸບັນ.
ລະບົບລູກສອນໄຟ Tornado-S ມີນ້ຳໜັກລວມປະມານ 25 ໂຕນ, ມີທໍ່ຍິງຂະໜາດ 300 ມມ ຈຳນວນ 12 ທໍ່ຍິງ, ມີໄລຍະ
ຍິງໄກປະມານ 120 ກິໂລແມັດ. ລະບົບຂອງລູກສອນໄຟຊະນິດນີ້ ສາມາດໃຊ້ຮ່ວມກັບຖານຍິງລູກສອນໄຟນຳທາງຊຸດໃໝ່ໄດ້ ເປັນຕົ້ນ
ແມ່ນ: ລຸ້ນ 9M542, 9M544 ແລະ ລຸ້ນ 9M549. ລູກສອນໄຟລຸ້ນນີ້ ບໍ່ຄືກັບລູກສອນໄຟແບບດັ້ງເດີມ, ເນື່ອງຈາກ Tornado-S
ໄດ້ຖືກອອກແບບມາເພື່ອໂຈມຕີເປົ້າໝາຍທີ່ກຳລັງເຄື່ອນໄຫວໄດ້ຢ່າງແມ່ນຢຳ ຄ້າຍຄືກັບລະບົບ HIMARS ທີ່ຜະລິດໂດຍ ສະຫະລັດ
ອາເມຣິກາ.
ລູກສອນໄຟ Tornado-S ຖືກຜະລິດ ແລະ ປະສົມປະສານກັບເຄື່ອງມືນຳທາງທີ່ມີຄວາມທັນສະໄໝ, ລວມທັງຍັງຕິດຕັ້ງລະບົບ
ດາວທຽມນຳທາງລຸ້ນ GLONASS ແລະ gyro compass ເຮັດໃຫ້ສາມາດຊອກຄົ້ນຫາເປົ້າໝາຍໄດ້ເປັນຢ່າງດີ ແລະ ທໍາລາຍໄດ້
ຢ່າງມີປະສິດທິພາບສູງ.
ແຫຼ່ງທີ່ມາ: ຂກທ
ວັນທີ 06/11/2024