ຫວຽດນາມ ໄດ້ຮັບຍົນເຝິກບິນ 5 ລຳ ຈາກ ອາເມຣິກາ
ຕາມແຫຼ່ງຂ່າວຂອງຫວຽດນາມ ໄດ້ລາຍງານວ່າ: ເມື່ອບໍ່ດົນມານີ້ ຍົນເຝິກບິນ Beechraft T-6cTenxan II ຂອງສະຫະລັດ ອາ
ເມຣິກາ ໄດ້ຈັດສົ່ງມອບໃຫ້ກັບ ກອງທັບອາກາດຫວຽດນາມ ຈຳນວນ 5 ລຳ ໄດ້ມາເຖິງສະໜາມບິນ ເຕີນເຊີນເຢີນ ໃນນະຄອນໂຮຈິມິນ.
ຍົນ Beechcraft T-6 Texan II ແມ່ນຍົນ turboprop ເຄື່ອງຈັກດຽວທີ່ຜະລິດໂດຍ ບໍລິສັດ ເທັກຕຣອນ ອາເວຊັນ
(Textron Aviation), ເປັນການພັດທະນາຕໍ່ຍອດຈາກ ຍົນ Pilatus PC-9 ຂອງປະເທດ ຊູແອັດ ທີ່ສົ່ງເຂົ້າໄປແຂ່ງຂັນການບິນສະ
ແດງຢູ່ກອງທັບອາກາດສະຫະລັດ ໃນຊຸມປີ 1990. ຍົນລຸ້ນນີ້ ແມ່ນໃຊ້ເຝິກບິນໂດຍສະເພາະ ເພື່ອເຝິກບິນໂຈມຕີໃຊ້ອາວຸດເບົາ, ດ້ວຍ
ການພັດທະນານຳໃຊ້ລະບົບເຊັນເຊີ, ປ່ຽນລັກຊະນະຕິດຕັ້ງອາວຸດ, ເພີ່ມແຮງບິນຈາກປົກກະຕິ 820 ກິໂລວັດ ມາເປັນ 1.193 ກິໂລວັດ.
ສະມັດຕະພາບຂອງຍົນ Beechcraft T-6 Texan II, ມີນັກບິນ 2 ຄົນ, ຄວາມຍາວ ຍົນ 10,16 ແມັດ, ຄວາມກວ້າງຂອງປີກ 10,19
ແມັດ, ລວງສູງ 3,25 ແມັດ, ມີນ້ຳໜັກ 2,135 ໂດຍບໍ່ລວມຕິດອາວຸດ, ບັນຈຸນ້ຳມັນເຊື້ອໄຟໄດ້ 677,5 ລິດ, ມີຄວາມສາມາດບິນໄດ້ໄວ
ສູງສຸດ 586 ກິໂລແມັດຕໍ່ຊົວໂມງ.
ຍົນລຸ້ນນີ້ ເໝາະກັບການເຝິກບິນເພື່ອໃຊ້ໃນການເຝິກແອບນັກບິນ ໂດຍສະເພາະນັກບິນທີ່ຂັບຍົນສູ້ຮົບຂອງສະຫະລັດ ເຊັ່ນ F-16.
ເຈົ້າໜ້າທີ່ກະຊວງປ້ອງກັນປະເທດຫວຽດນາມ ກ່າວອີກວ່າ: ການສັ່ງຊື້ຍົນເຝິກບິນລຸ້ນນີ້ ຊີ້ໃຫ້ເຫັນຄວາມເປັນໄປໄດ້ໃນອະນາຄົດຂອງ
ກອງທັບອາກາດຫວຽດນາມ ທີ່ອາດຈະມີການສັ່ງຊື້ຍົນ F-16 ເພື່ອມາເສີມ ແລະ ປັບປຸງກອງທັບອາກາດໃຫ້ທັນສະໄໝໃນຕໍ່ໜ້າ.
ແຫຼ່ງທີ່ມາ: ຂກທ
ວັນທີ 06/05/2025