ອິນເດຍ ສຳເລັດການທົດລອງ ລົດຕັງ ລຸ້ນໃໝ່
ອົງການຄົ້ນຄວ້າ ແລະ ການພັດທະນາດ້ານປ້ອງກັນຊາດຂອງອິນເດຍ ປະກາດວ່າ: ໄລຍະທົດລອງພາກສະໜາມຄັ້ງທຳອິດຂອງໂຄງ
ການລົດຕັງ ໂຊຣາວາ (Zorawar) ລຸ້ນໃໝ່ໄດ້ປະສົບຜົນສຳເລັດ. ອີງຕາມຂໍ້ມູນຈາກຂອງກອງທັບຂອງປະເທດອິນເດຍ ໃຫ້ຮູ້ວ່າ: ການ
ທົດລອງໄດ້ດຳເນີນຂຶ້ນໃນສະພາບທະເລຊາຍ ແລະ ບັນລຸເປົ້າໝາຍທີ່ກຳນົດໄວ້ທັງໝົດ. ຜົນການທົດລອງໄດ້ສະແດງໃຫ້ເຫັນຄວາມສາ
ມາດ ແລະ ຄວາມແຂງແຮງຂອງລົດຕັງຊະນິດນີ້, ເຊິ່ງໄດ້ຖືກອອກແບບມາເພື່ອເສີມຂະຫຍາຍຄວາມສາມາດ ໃນການປະຕິບັດງານໃນ
ພື້ນທີ່ທີ່ຫຍຸ້ງຍາກກັນດານ. ແຫຼ່ງຂ່າວຢືນຢັນວ່າ, ບໍລິສັດຂອງອິນເດຍ Larsen&Toubro ໄດ້ຖືກເລືອກເປັນຄູ່ຮ່ວມພັດທະນາສຳລັບ
ການຜະລິດພະຫະນະສູ້ຮົບໃຫ້ແກ່ກອງທັບ.
ບົດຂ່າວທີ່ເຜີຍແຜ່ໃນສື່ສັງຄົມເຫັນວ່າ, ນັບແຕ່ເດືອນ ເມສາ 2023 ເປັນຕົ້ນມາ, ກອງທັບ ອິນເດຍ ມີແຜນຈະຈັດວາງລົດຕັງຂະ
ໜາດນີ້ 700 ຄັນ, ເພື່ອເສີມຂະຫຍາຍກຳລັງປະກອບອາວຸດໃຫ້ແກ່ກອງລົດຕັງທີ່ມີຢູ່ ເຊັ່ນ T-72, T-90, Arjun Mk1 ແລະ Mk2.
ໂຄງການຜະລິດລົດຕັງ Zorawar ຂອງກອງທັບອິນເດຍ ແມ່ນໜຶ່ງໃນຄວາມພະຍາຍາມປັບປຸງລະບົບລົດຫຸ້ມເກາະຂອງປະເທດ ນີ້
ໃຫ້ທັນສະໄໝ, ອອກແບບສະເພາະ ເພື່ອປັບປຸງການກຽມພ້ອມສູ້ຮົບໃນເຂດທະເລຊາຍ. ຫຼັງຈາກສຳເລັດຂັ້ນຕອນການທົດລອງແລ້ວ,
ລົດຕັງ Zorawar ຄາດວ່າຈະເຂົ້າປະຈຳການໃນປີ 2027, ໂດຍມີປະມານ 354 ຄັນ. ລົດຕັງ Zorawar ໃຊ້ເຄື່ອງຈັກນ້ຳມັນກາຊວນ,
ຖືກຕັ້ງຕາມຊື່ນາຍພົນ Zorawar Singh, ນາຍທະຫານທີ່ມີຊື່ສຽງຂອງອິນເດຍ ໃນສະຕະວັດທີ 19, ລົດຊະນິດນີ້ ມີນ້ຳໜັກປະມານ
25 ໂຕ້ນ, ມີປືນກົນ 105 ມມ, ສາມາດຂົນສົ່ງໄດ້ທາງອາກາດ, ມີຄວາມທົນທານແຂງແກ່ນໃນການປ້ອງກັນຕອບໂຕ້ໄພຂົ່ມຂູ່ຈາກສັດຕູ.
ແຫຼ່ງທີ່ມາ: ຂກທ
ວັນທີ 03/10/2024