ຣັດເຊຍ ເຕືອນປະເທດຕາເວັນຕົກຢຸດສົ່ງອາວຸດ ໃຫ້ອູແກຣນໃນໄລຍະຢຸດຍິງ
ວັນທີ 31 ພຶດສະພາ 2025 ທ່ານ ວາສຊິລີ ເນເບນຊີ ເອກອັກຄະລັດຖະທູດຜູ້ແທນຖາວອນ ຣັດເຊຍ ປະຈຳ ສະຫະປະຊາຊາດ ກ່າວວ່າ:
ຣັດເຊຍ ພ້ອມຈະພິຈາລະນາການຢຸດຍິງຢູ່ ອູແກຣນ ເພື່ອປູທາງໄປສູ່ການເຈລະຈາຢຸດຄວາມຂັດແຍ່ງແບບຍືນຍົງ, ແຕ່ໃນລະຫວ່າງການຢຸດຍິງ
ນັ້ນ ຣັດເຊຍ ຕ້ອງການໃຫ້ປະເທດຕາເວັນຕົກຢຸດຈັດສົ່ງອາວຸດໃຫ້ອູແກຣນ ແລະ ອູແກຣນ ຈະຕ້ອງບໍ່ມີການລະດົມກຳລັງທະຫານ.
ທ່ານ ເນເບນຊີ ກ່າວຕໍ່ກອງປະຊຸມສະພາຄວາມໝັ້ນຄົງແຫ່ງສະຫະປະຊາຊາດວ່າ: ການຢຸດຍິງພຽງຢ່າງດຽວຍັງບໍ່ພຽງພໍຈະຢຸດສົງຄາມທີ່
ດຳເນີນມາກວ່າ 3 ປີ. “ ເພື່ອຢຸດວິກິດຢູ່ອູແກຣນແບບຍືນຍົງ ພວກເຮົາຈຳເປັນຕ້ອງແກ້ໄຂຢູ່ຕົ້ນຕໍຂອງບັນຫາ ສິ່ງທີ່ພວກເຮົາກຳລັງສະເໜີຄືການ
ເຈລະຈາຮອບ 2 ພວກເຮົາສາມາດແລກປ່ຽນບັນທຶກຄວາມເຂົ້າໃຈກ່ຽວກັບແນວທາງຂອງທັງສອງຝ່າຍຕໍ່ຂະບວນການເຈລະຈາ.
ທັງນີ້, ອາເມຣິກາຕ້ອງການໃຫ້ຣັດເຊຍຢຸດຍິງຄວບຄຸມທັງທາງບົກ, ທາງອາກາດ, ທາງທະເລ ແລະ ໂຄງລ່າງພື້ນຖານທີ່ສຳຄັນ ເປັນໄລຍະ
ເວລາ 30 ວັນ ໂດຍການເຈລະຈາໂດຍກົງຮອບທຳອິດລະຫວ່າງ ຣັດເຊຍ ກັບອູແກຣນໃນ ວັນທີ 16 ພຶດສະພາ ທັງສອງຝ່າຍຍັງບໍ່ສາມາດບັນ
ລຸຂໍ້ຕົກລົງຢຸດຍິງແຕ່ຢ່າງໃດ.
ແຫຼ່ງທີ່ມາ: ຂກທ
ວັນທີ 03/06/2025