ກອງທັບຣັດເຊຍ ໄດ້ຮັບລົດຕັງ ແລະ ລົດສູ້ຮົບໃໝ່
ບໍລິສັດອຸດສາຫະກຳປ້ອງກັນປະເທດ Rostec ຂອງຣັດເຊຍ ໄດ້ປະກາດວ່າ: ບໍລິສັດໄດ້ສົ່ງລົດຕັງ BMD-4M ແລະ ລົດສູ້ຮົບ
BMP-3 ໃໝ່ໃຫ້ແກ່ກອງທັບຣັດເຊຍ. ລົດສູ້ຮົບເຫຼົ່ານີ້ໄດ້ຮັບການຍົກລະດັບໃນການປ້ອງກັນເພີ່ມຕື່ມ ເພື່ອປ້ອງກັນການໂຈມຕີຈາກ
ເຮືອບິນບໍ່ມີຄົນຂັບ (UAV) ແລະ ຫົວຮົບເຈາະເກາະຂອງສັດຕູ. ໃນ 7 ເດືອນຕົ້ນປີ 2024 ນີ້, ຈຳນວນລົດສູ້ຮົບທີ່ Rostec ມອບ
ໃຫ້ແກ່ກອງທັບຣັດເຊຍ ແມ່ນຫຼາຍກວ່າ 1,5 ເທົ່າຂອງຈຳນວນທີ່ສົ່ງໄປໃນປີ 2022 ຜ່ານມາ.
ປັດຈຸບັນ, ບໍລິສັດຜະລິດລົດ Kurganmashzavod (ສາຂາໜຶ່ງຂອງກຸ່ມ Rostec) ສະໜອງລົດສູ້ຮົບ BMP-3 ຈໍານວນ
ໜຶ່ງຊັກຊ້າເກີນກຳນົດເວລາທີ່ໄດ້ຕົກລົງໄວ້ໃນເບື້ອງຕົ້ນກັບກອງທັບ, ສະເລ່ຍແຕ່ລະເດືອນ ລົດທີ່ Kurganmashzavod ຜະລິດ
ແລະ ຈັດສົ່ງມີປະມານ 80-100 ຄັນ ລວມທັງ BMP-3 ແລະ BMD-4M ທີ່ຍົກລະດັບ. ບໍລິສັດ Kurganmashzavod ກຳ
ລັງຜະລິດດ້ວຍການປະສົມປະສານເຕັກໂນໂລຊີທີ່ກ້າວໜ້າ ເພື່ອເພີ່ມກຳລັງການຜະລິດໃຫ້ຫຼາຍຂຶ້ນ ເພື່ອສະໜອງໃຫ້ແກ່ກອງທັບ
ກຽມພ້ອມສູ້ຮົບ. ລົດສູ້ຮົບ BMD-4M ແລະ BMP-3 ຂອງຣັດເຊຍ ທີ່ກຳລັງປະຕິບັດໜ້າທີ່ພິເສດທາງການທະຫານ, ໄດ້ດຶງດູດ
ຄວາມສົນໃຈຂອງບັນດານັກຊ່ຽວຊານການທະຫານຕາເວັນຕົກຢ່າງ ຫຼວງຫຼາຍເພາະວ່າລົດສູ້ຮົບເຫຼົ່ານີ້ໄດ້ຮັບການຍົກລະດັບມາດຕະ
ຖານ ເພື່ອຄວາມສາມາດໃນການປ້ອງກັນໄພຂົ່ມຂູ່ຈາກເຮືອບິນທີ່ທັນສະໄໝ.
ແຫຼ່ງທີ່ມາ: ຂກທ
ວັນທີ 02/10/2024