ຣັດເຊຍ ນຳໃຊ້ຍົນບໍ່ມີຄົນຂັບລາດຕະເວນ ຍາມຝັ່ງທະເລ
ກອງທັບເຮືອຣັດເຊຍ ໄດ້ເລີ່ມນຳໃຊ້ຍົນບໍ່ມີຄົນຂັບ Orion (UAV), ທີ່ເອີ້ນກັນວ່າ Inokhodets, ເພື່ອປະຕິບັດພາລະກິດສຳຫຼວດ,
ການລາດຕະເວນ ແລະໂຈມຕີ ໃນກໍລະນີທີ່ມີເປົ້າໝາຍລ່ວງລ້ຳຊາຍແດນທາງທະເລ. ຍົນລຸ້ນນີ້, ອອກແບບມາ ເພື່ອລາດຕະເວນທາງໜ້ານ້ຳ
ແລະ ຕ້ານໄພຂົ່ມຂູ່ທາງທະເລ ໂດຍສະເພາະ ເຊັ່ນ: ຕິດຕາມກວດຈັບພາຫະນະໃຕ້ນ້ຳທີ່ບໍ່ມີຄົນຂັບ, ເຊິ່ງ Inokhodets ສາມາດປະຕິບັດ
ງານໃນເຂດຫ່າງໄກສອກຫຼີກ, ເປັນຍາມເຝົ້າລະວັງຢ່າງຕໍ່ເນື່ອງເຂດທະເລທີ່ກວ້າງຂວາງສຳຄັນທາງຍຸດທະສາດ.
ໜຶ່ງໃນຈຸດເດັ່ນທີ່ສຳຄັນຂອງ Inokhodets ແມ່ນສາມາດຕິດຕັ້ງ ແລະ ປະສານກັບລູກສອນໄຟ Kh-UAV, ເຊິ່ງເປັນລູກສອນໄຟ
ຕ້ານລົດຕັງ Kornet-D ທີ່ປ່ຽນແປງມາຈາກ UAV ໂຈມຕີ ແລະ ເຮລີກົບແຕ, ມີໄລຍະຍິງໄກເຖິງ 8 ກິໂລແມັດ. ເມື່ອປະສານກັບລູກ
ສອນໄຟທີ່ແມ້ນຢຳນີ້ ເຮັດໃຫ້ Inokhodets ມີຄວາມສາມາດທີ່ຈະປະຕິບັດການໂຈມຕີເປົ້າໝາຍທາງອາກາດ ແລະ ໜ້າດິນໄດ້ຢ່າງບໍ່
ພາດເປົ້າ ທັງເປັນອາວຸດທີ່ມີອະນຸພາບຂອງຍຸກທັນສະໄຫມ.
ຍົນບໍ່ມີຄົນຂັບ Inokhodets ແມ່ນພາຫະນະທາງອາກາດ ທີ່ມີກ້ອງຖ່າຍຮູບທີ່ບັນທຶກພາບໄດ້ ທັງກາງເວັນ ແລະ ກາງຄືນ
electro-optical ແລະ infrared, ສາມາດສະໜອງຂໍ້ມູນ-ພາບທີ່ຊັດເຈນໃຫ້ກັບຜູ້ບັນຊາ. ພາຫະນະບໍ່ມີຄົນຂັບແບບນີ້, ສາມາດປະ
ຕິບັດພາລະກິດເປັນຜູ້ເຝົ້າຍາມໄດ້ເປັນເວລາຫຼາຍຊົ່ວໂມງ ຢູ່ເທິງເວຫາຕິດຕາມເບິ່ງຜູ້ບຸກລຸກທາງທະເລອັນກວ້າງໄກ.
ແຫຼ່ງທີ່ມາ: ຂກທ
ວັນທີ 01/04/2025