ອັງກິດ ຈະສ້າງເຮືອບິນໃຊ້ພະລັງງານ ໄຮໂດຣເຈນສາມາດບິນໄກໄດ້ເຄິ່ງໂລກ
ສະຖາບັນອະວາກາດສະຕາອັບ ຂອງອັງກິດໄດ້ເປີດໂຕເຄື່ອງບິນຂົນສົ່ງຊະນິດໃໝ່ທີ່ໃຊ້ພະລັງງານໄຮໂດຣເຈນ ສາມາດຮອງຮັບຜູ້ໂດຍສານໄດ້ 279
ຄົນ ພ້ອມທັງບິນໄກໄດ້ 11 ຊົ່ວ ໂມງດ້ວຍການເຕີມເຊື້ອໄຟພຽງໜຶ່ງຄັ້ງ ພ້ອມກັບການອອກແບບຮູບຊົງທີ່ແປກຕາສົມກັບເປັນເຄື່ອງບິນແຫ່ງອະນາຄົດ.
ເຄື່ອງບິນລຸ້ນນີ້ມີຊື່ວ່າ FlyZero ອີງຕາມຂໍ້ມູນຈາກຜູ້ຜະລິດໃຫ້ຮູ້ວ່າ: ເຄື່ອງບິນດັ່ງກ່າວສາມາດເດີນທາງຈາກນະຄອນຫຼວງລອນດອນ ໄປຍັງນະຄອນ
ຊານຟຼານຊິດສ໌ໂກໃນສະຫະລັດອາເມຣິກາດ້ວຍໄລຍະທາງ 8.600 ກິໂລແມັດ ໂດຍບໍ່ຕ້ອງເຕີມເຊື້ອໄຟລະວ່າງທາງ. FlyZero ໃຊ້ເຊື້ອໄຟແບບໄຮໂດຣ
ເຈນແຫຼວ ພາຍໃນເຄື່ອງບິນຈະມີຖັງເກັບຂະໜາດໃຫຍ່ທີ່ຮັກສາດ້ວຍອຸນຫະພູມ -250 ອົງສາ ຖືກຕິດຕັ້ງຢູ່ທາງດ້ານຫຼັງຂອງເຄື່ອງບິນ ຈຳນວນ 4 ຖັງ
ແລະ ຢູ່ທາງດ້ານຂ້າງ 2 ຖັງ, ເຊິ່ງການຕິດຕັ້ງແບບນີ້ກໍ່ເພື່ອຄວາມສົມດູນຂອງເຄື່ອງບິນ. ສ່ວນເຄື່ອງຈັກຈະເປັນແບບໃບພັດຄູ່ທີ່ຕິດຢູ່ທ້າຍລຳໂຕສ່ວນປີກ
ແຕ່ລະຂ້າງ ຍາວ 54 ແມັດ ເຮັດໃຫ້ເຄື່ອງບິນສາມາດຮັບນ້ຳໜັກໄດ້ຢ່າງມະຫານສານ. ທັງນີ້ທາງຜູ້ຜະລິດເຊື່ອວ່າໂຄງການນີ້ຈະເຕີບໃຫຍ່ຢ່າງວ່ອງໄວ ພາຍ
ໃນປີ 2030, ເຊິ່ງຈະເຮັດໃຫ້ບໍລິສັດໄດ້ຮັບເງິນທຶນພັດທະນາຢ່າງໜ້ອຍ 1.950 ລ້ານປອນ (ສະກຸນເງິນອັງກິດ). FlyZero ຖືກເປີດໂຕຄັ້ງທຳອິດ ໃນປີ
2021 ເຊິ່ງປັດຈຸບັນຢູ່ໃນລະຫວ່າງການພັດນາຮູບແບບຂອງເຄື່ອງຈັກ ແລະ ການປັບປຸງອອກແບບຕ່າງໆ ພາຍຫລັງທີ່ສາມາດສະຫລຸບຕົ້ນແບບໄດ້ ເມື່ອ
ຕົ້ນເດືອນມີນາທີ່ຜ່ານມາ ແລະ ຍັງມີການຕໍ່ຍອດເຄື່ອງບິນໃຊ້ພະລັງງານໄຮໂດຣເຈນຢູ່ຕະຫລອດເວລາ ເພື່ອໃຫ້ເປັນເຮືອບິນຂົນສົ່ງແບບໃໝ່ ແລະ ປະ
ຫຍັດຕົ້ນທຶນຫຼາຍທີ່ສຸດໃນອະນາຄົດ.
ແຫຼ່ງທີ່ມາ: ໜັງສືພິມກອງທັບ
ວັນທີ 14/02/2023