ກອງທັບຟີລິບປິນ ໄດ້ຮັບລົດຕັງລຸ້ນໃໝ່ ຈາກອິດສະຣາແອນ
ສຳນັກຂ່າວເຈນລາຍງານໃນວັນທີ 4 ມັງກອນນີ້ວ່າ: ກະຊວງປ້ອງກັນປະເທດຟີລິບປິນໄດ້ອອກຖະແຫຼງການສະບັບໜຶ່ງ ໂດຍມີເນື້ອໃນລະບຸວ່າ: ໃນໄລຍະຜ່ານມາບໍ່ພ ໍ ເທົ່າໃດມື້ກອງທັບຍານເກາະຂອງຟີລິບປິນໄດ້ຮັບລົດຕັງລຸ້ນ ASCOD II ຊຸດທຳອິດຈາກອິດສະຣາແອນ. ຕາມການຄາດການເບື້ອງຕົ້ນລົດຕັງລຸ້ນດັ່ງກ່າວນີ້ ຈະຖືກນຳໄປ ປະຈຳການຢູ່ທີ່ກອງພັນໃຫຍ່ທີ 1 ຂອງກອງທັບຍານເກາະກະຊວງປ້ອງກັນປະເທດຟີລິບປິນ, ຈາກຂໍ້ມູນໄດ້ລະບຸວ່າ ກອງທັບຟີລິບປິນໄດ້ເຊັນສັນຍາສັ່ງຊື້ລົດຕັງຈາກອິດ ສະຣາແອນ ຈຳນວນ 18 ຄັນ, ໂດຍແບ່ງອອກເປັນ 2 ຊຸດ, ຊຸດທີ 1 ຈະໄດ້ຮັບ 10 ຄັນ ແລະ ຊຸດທີ 2 ຈະໄດ້ຮັບ 8 ຄັນ. ສຳລັບລົດຕັງລຸ້ນນີ້ມີນໍ້າໜັກລວມປະມານ 33 ໂຕນ, ລວງ ຍາວ 8,36 ແມັດ (ນັບແຕ່ປາຍ ປືນ) ລວງກວ້າງ 2,76 ແມັດ, ລວງສູງ 3,67 ແມັດ, ໃຊ້ພົນປະຈຳການ 3 ຄົນ, ສ່ວນລະບົບອາວຸດແມ່ນຕິດຕັ້ງປືນໃຫຍ່ຂະ ໜາດ 105 ມມ 1 ກະບອກ ປືນ ກົນຂະໜາດ 7,62 ມມ 1 ກະ ບອກ, ສາມາດແລ່ນດ້ວຍຄວາມ ໄວສູງສຸດ 72 ກິໂລແມັດຕໍ່ຊົ່ວ ໂມງ.
ແຫຼ່ງທີ່ມາ: ໜັງສືພິມກອງທັບ