ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກອງ​ປະຊຸມ​ພົບ​ປະ​ແລກປ່ຽນ​ສະພາບການ ຄັ້ງ​ທີ 16
ລະ​ຫວ່າງ​ທະຫານ​ແຂວງ​ສະ​ຫວັນ​ນະ​ເຂດ ​ແລະ​ ທະຫານ​ແຂວງ​ກວາງ​ຈິ​ ປະຈຳ​ປີ 2022


    ວັນ​ທີ 25 ພະຈິກ 2022 ນີ້, ຢູ່​ທີ່​ຫ້ອງ​ປະຊຸມ​ໂຮງແຮມ​ແພ​ໄໝ 2 ນະຄອນ​ໄກສອນ​ພົມວິຫານ, ແຂວງ​ສະ​ຫວັນ​ເຂດ ໄດ້​ຈັດ​ກອງ​ປະຊຸມ​ພົບ​ປະແລກ ປ່ຽນ​ສະພາບການ ລະຫວ່າງ​ຄະນະ​ຜູ້​ແທນກອງ​ບັນຊາ​ການ​ທະຫານ​ແຂວງກວາງ​ຈິ ກອງທັບ​ປະຊາຊົນຫວຽດນາມ ນຳ​ໂດຍ ສະຫາຍ ພັນເອກ ຫງວ​​ຽນ ຫິວ ດ່ານ ກຳມະການຄະນະ​ປະຈຳ​ພັກ​ແຂວງ​ ຫົວໜ້າ​ການ​ທະຫານ ກອງບັນຊາການທະຫານແຂວງ​ກວາງ​ຈິ ແລະ ຄະນະ​ຜູ້​ແທນ​ກອງ​ບັນຊາການທະຫານ​ແຂວງ​ ສະຫວັນ​ນະ​ເຂດ​ ນຳ​ໂດຍ​ ສະຫາຍ ພົນ​ຈັດຕະວາ ສີ ທະວີ​ໄຊ ກຳມະການຄະນະ​ປະຈຳ​ພັກ​ແຂວງ ພ້ອມ​ຄະນະ ​ແລະ​ ແຂກຖືກ​ເຊີນ​ຈາກ​ຫ້ອງ​ວ່າການ​ ແລະ ​ຫ້ອງການ​ພົວພັນ​ຕ່າງປະເທດ​ແຂວງ.

     ໃນ​ພິທີ​ ສະຫາຍ​ຫົວໜ້າ​ຄະນະ​ທັງ​ສອງ​ຝ່າຍ​ໄດ້​ຜັດປ່ຽນ​ກັນ​ຂຶ້ນ​ສະຫຼຸບ​ຕີ​ລາຄາ​ໝາກຜົນ​ການ​ພົວພັນ​ຮ່ວມ​ມື​ ແລະ​ ການ​ປະ​​​ຕິ​ບັດ​ເນື້ອ​ໃນ​ບົດ​ບັນທຶກ ​ ຊ່ວຍ​ຈຳ​ກອງ​ປະຊຸມ​ພົບ​ປະ​ແລກປ່ຽນ​ສະພາບ​ຄັ້ງ​ທີ 15 ປະຈຳ​ປີ 2019 ຮອດ​ປັດຈຸບັນ. ທັງ​ສອງ​ຝ່າຍ​ຍັງໄດ້ສົມທົບ​ກັນ​ເປັນ​ເຈົ້າ​ການ​ຕ້ານ​ການ​ລະບາດ​ຂອງ​ ພະຍາດ​ໂຄ​ວິດ-19 ທີ່​ໄດ້​ສົ່ງ​ຜົນ​ກະທົບ​ໂດຍກົງຕໍ່ການ​ພັດທະນາ​ເສດຖະກິດ​ສັງຄົມ ​ແລະ​ ຊີວິດ​ການ​ເປັນ​ຢູ່​ຂອງ​ປະຊາຊົນ ໃນ​ນັ້ນ, ຫວຽດນາມ ​ຍັງ​ໄດ້​ຊ່ວຍ ເຫຼືອ​ອຸປະກອນ​ການ​ເພດ​ ແລະ ​ເຄື່ອງບໍລິໂພກໃຫ້​ກອງບັນຊາ​ການ​ທະຫານ​ແຂວງ ແລະ ປະຊາຊົນ​ແຂວງ​ສະຫວັນ​ນະເຂດຫຼາຍລາຍການ, ທັງ​ການຟື້ນຟູ​ເສດ ຖະກິດ-ວັດທະນະທຳ-ສັງຄົມ​ໃຫ້​ເຂົ້າສູ່​ສະພາບ​ປົກກະຕິ, ປະສານ​ສົມທົບ​ກັນ​ຢ່າງ​ແໜ້ນ​ແຟ້ນ​ໃນ​ການ​ປະຕິ​ບັດ​ວຽກ​ງານ​ຢ່າງມີສະຕິ​ສູງ​ ມີ​ຄວາມ​ເປັນ​ລະບຽບ ​ຮຽບ​ຮ້ອຍ​ທາງ​ສັງຄົມ ເປັນຕົ້ນການເຄື່ອນໄຫວ​ຕ້ານ​ອາ​ຊະ​ຍາ​ກຳ​ການ​ຂົນສົ່ງ, ຊື້​ຂາຍ, ນຳ​ໃຊ້​ອາວຸດ, ທາດ​ແຕກ ​ແລະ​ ຢາ​ເສບ​ຕິດ​ປະເພດ​ຕ່າງໆ, ການ​ເຂົ້າ ອອກ​ເມືອງ​ຜິດ​ກົດໝາຍ, ການຄ້າເຖື່ອນ, ສິນຄ້າ​ຫຼີກເວັ້ນພາສີ, ຢູ່​ເຂດສອງ​ແຂວງ​ມີ​ຄວາມ​ສະຫງົບ​ປອດ​ໄພ 100 %. ໃນ​ໄລຍະ​ຜ່ານ​ມາ, ກອງບັນຊາ​ການ ​ທະຫານ​ແຂວງ​ສະ​ຫວັນ​ນະ​ເຂດ ​ຍັງ​ໄດ້​ສ້າງ​ເງື່ອນໄຂ​ອຳນວຍ​ຄວາມ​ສະດວກ​ໃຫ້​ແກ່​ກອງ​ຂຸດ​ຄົ້ນ​ອັດຖິ 584 ຂອງ​ກອງ​ບັນຊາ​ການ​ທະຫານ​ແຂວງ​ກວາງ​ຈິ​ ປະຈຳ​ແຂວງ​ສະ​ຫວັນ​ນະ​ເຂດ, ການ​ສຳ​ຫຼວດ​ເອົາ​ຂໍ້​ມູນ, ຊອກ​ຫາ, ຂຸດ​ຄົ້ນ ​ແລະ​ ທ້ອນໂຮມອັດຖິ​ນັກຮົບ​ນິລະນາມ ທີ່​ເສຍ​ຊີວິດ​ຢູ່​ເຂດ​ແຂວງ​ສະ​ຫວັນ​ນະ ​ເຂດ ໄລຍະ​ແຕ່​ປີ 2019-2022 ໄດ້​ຈຳນວນ 45 ອັດຖິ. ຄະນະ​ປະຕິບັດ​ງານ​ພິເສດ​ສອງ​ແຂວງ​ໄດ້​ຈັດ​ພິທີ​ມອບ-ຮັບ, ນຳ​ສົ່ງ​ກົບ​ຄືນ​ປະເທດ​ຢ່າງ​ສົມ​ກຽດ. ໃນ​ນັ້ນ​ທັງ​ສອງ​ຝ່າຍ​ມີ​ຄວາມ​ເປັນ​ເອກ​ກະ​ພາບ​ສູງ​ທີ່​ຈະ​ພ້ອມ​ກັນ​ສືບຕໍ່ປະຕິບັດ​ເນື້ອ​ໃນ​ການ​ພົວພັນ​ຮ່ວມ​ມື​ຮອບດ້ານ​ໃຫ້​ເກີ​ດອກ​ອອກ​ຜົນ ​ແລະ ​ປະສົບ​ຜົນ ສຳເລັດ​ໃນ​ໄລຍະ​ຕໍ່ໜ້າ. ຈາກ​ນັ້ນ​ໃນ​ກອງ​ຊຸມ​ກໍ​ໄດ້​ມີ​ການ​ສະເໜີ​ປະກອບ​ຄຳ​ຄິດ​ຄຳ​ເຫັນ​ໃສ່​ບົດ​ບັກ​ທຶກ​ຊ່ວຍ​ຈຳ​ຢ່າງ​ກົງ​ໄປ​ກົງ​ມາ​ ເພື່ອ​ໃຫ້​ມີ​ເນື້ອ​ໃນ​ຂຶ້ນ​ຕື່ມ ​ແລະ ​ພ້ອມ​ກັນ​ວາງ​ທິດ​ທາງ​ແຜນການ​ໃຫ້​ເກີດ​ດອກ​ອອກ​ຜົນ​ຂຶ້ນ​ເປັນ​ກ້າວໆ. ໃນ​ນີ້​ທັງ​ສອງ​ຄະນະໄດ້​ລົງ​ນາມ​ເຊັນ​ບົດ​ບັນທຶກ​ຜົນສຳເລັດ​ຂອງ​ກອງ​ປະຊຸມ​ພົບ ​ປະ​ແລກປ່ຽນ ​ຄັ້ງ​ທີ 16 ໄວ້​ເປັນ​ຫຼັກ​ຖານ​ ພ້ອມ​ທັງ ​ມອບ-ຮັບ. ຈາກ​ນັ້ນ​ກໍ​ໄດ້​ມອບ​ຂອງ​ຂວັນ​ທີ່​ລະນຶກ​ໃຫ້​ເຊິ່ງ​ກັນ​ ແລະ ​ກັນ​ອີກ​ດ້ວຍ.

ແຫຼ່ງທີ່ມາ: ຄຳໃສ
ວັນທີ 30/11/2022