ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ທະຫານແຂວງສາລະວັນ ຢ້ຽມຢາມ ​ແລະ ​ເຮັດ​ວຽກ
ຢູ່ທະຫານຊາຍແດນແຂວງ ເທື່ອທຽນເຫວ້ ສສ ຫວຽດນາມ


    ໃນຕົ້ນເດືອນພະຈິກ 2022 ນີ້, ທະຫານແຂວງສາລະວັນ ເດີນທາງຢ້ຽມຢາມ ​ແລະ ​ເຮັດ​ວຽກ ຢູ່ທະຫານຊາຍແດນແຂວງ ເທື່ອທຽນເຫວ້ ສສ ຫວຽດ ນາມ ເນື່ອງໃນໂອກາດສະເຫຼີມສະຫຼອງວັນປະຫັວດສາດ ຂອງສອງຊາດ ຄື: ວັນສ້າງຕັ້ງສາຍພົວພັນການທູດລາວ-ຫວຽດນາມ-ຄົບຮອບ 60 ປີ (5 ກັນຍາ 1962-5 ກັນຍາ 2022) ແລະ ວັນເຊັນສົນທິສັນຍາຮ່ວມມືມິດຕະພາບ ລາວ-ຫວຽດນາມ ຄົບຮອບ 45 ປີ (18 ກໍລະກົດ1977-18 ກໍລະກົດ 2022) ເຊິ່ງນຳໂດຍ ສະຫາຍ ພັນເອກ ໂສພາ ໂພໄຊຍະວົງ ຄະນະປະຈຳພັກ ຮອງຫົວໜ້າການເມືອງ ຫົວໜ້າຫ້ອງການເມືອງທະຫານແຂວງສາລະວັນ ພ້ອມດ້ວຍ ຄະນະ, ໂດຍມີ ສະຫາຍ ພັນເອກ ດັ້ງອັກຮ້ຽວ ຄະນະປະຈຳພັກ ຮອງຫົວໜ້າການເມືອງ ກອງບັນຊາການທະຫານຊາຍແດນແຂວງ ເທື່ອທຽນເຫວ້ ພ້ອມ ດ້ວຍຄະນະ ໃຫ້ກຽດຕ້ອນຮັບຢ່າງອົບອຸ່ນ.

     ໃນການເຄື່ອນໄຫວຢ້ຽມຢາມ ແລະ ເຂົ້າຮ່ວມພິທີພົບປະສົນທະນາແລກປ່ຽນ ເພື່ອສະເຫຼີມສະຫຼອງສອງວັນປະຫວັດສາດໃນຄັ້ງນີ້ ຢູ່ໃນທ່າມກາງບັນ ຍາກາດທີ່ທົ່ວພັກ, ທົ່ວລັດ, ທົ່ວກອງທັບ ແລະ ປະຊາຊົນທັງສອງຊາດ ລາວ-ຫວຽດນາມ ເບີກບານມ່ວນຊື່ນ ເພື່ອຂ່ຳນັບຮັບຕ້ອນວັນປະຫວັດສາດອັນຍິ່ງ ໃຫຍ່ ແລະ ເປັນຂີດໝາຍອັນສຳຄັນແຫ່ງປະຫວັດສາດ ຂອງສອງຊາດ ໂດຍສະເພາະແມ່ນກອງບັນຊາການທະຫານແຂວງສາລະວັນ ແລະ ກອງບັນຊາການ ທະຫານຊາຍແດນແຂວງ ເທື່ອທຽນເຫວ້ ດ້ວຍນ້ຳໃຈທີ່ຮັກແພງອັນດີງາມຊ່ວຍເຫຼືອເຊິ່ງກັນ ແລະ ກັນ ພ້ອມກັນສືບຕໍ່ເພີ່ມພູນຄູນສ້າງສາຍພົວພັນມິດຕະ
ພາບອັນຍິ່ງໃຫຍ່ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງຊາດ ຂອງພວກເຮົາໃຫ້ນັບມື້ໄດ້ຮັບການເສີມສ້າງພັດທະນາໄປສູ່ ບາດກ້າວໃໝ່ໃຫ້ໃຫຍ່ກວ່າເກົ່າ ແລະ ເພື່ອຈາລຶກຄວາມສຳພັນສາມັກຄີຮັກແພງໄວ້ເປັນມູນເຊື້ອໃຫ້ບັນດາຄົນຮຸ່ນຫຼັງໄດ້ສືບທອດຮຽນຮູ້ ພ້ອມກັນປົກປັກ ຮັກສາໃຫ້ໝັ້ນຄົງຍືນນານຕໍ່ກັນໄປໃນແຕ່ລະຮຸ່ນ ດັ່ງຄຳກອນທີ່ ປະທານ ​ໂຮ່ຈິ​ມິນ ຂຽນ​ໄວ້ວ່າ: ຮັກຫອມກັນໝາຍໝັ້ນຫຼາຍສັນພູກໍປີນໄຕ່ ຫຼາຍຫ້ວຍ ໃຫຍ່ ແລະ ໂຄກຄ້ອຍຂວາງກັ້ນກໍດຸ່ງໄປ ສອງຊາດ ລາວ-ຫວຽດ ໄດ້ຝັງຄວາມຮັກໃນຫົວໃຈ ຮົ່ງຮາທັງແມ່ຂອງບໍ່ເລິກປຸນປານໄດ້ ແລະ ຄຳເວົ້າສຸດທີ່ມີ ຄວາມໝາຍອັນເລິກເຊິ່ງຂອງ ປະທານ ໄກສອນ ພົມວິຫານ ໄດ້ກ່າວໄວ້ວ່າ: ພູອາດຈະຖືກເຊາະເຈື່ອນ ແມ່ນ້ຳລຳເຊອາດເຫືອດແຫ້ງ ແຕ່ນ້ຳໃຈສາຍພັນ ລາວ-ຫວຽດນາມ ຈະໝັ້ນຄົງທະນົງແກ່ນກວ່າພູຜາ ແລະ ແມ່ນ້ຳລຳເຊໄປຊົ່ວກາລະນານ.

ແຫຼ່ງທີ່ມາ: ບຸນກອງ ຄຳປະສົງ
ວັນທີ 29/11/2022