ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ມອບ-ຮັບ​ ໂຄງການ​ກໍ່ສ້າງ​ຄ້າຍ​ທະຫານ​ຊາຍ​ແດນ 320 ແຂວງສະຫວັນນະເຂດ


    ໃນ​ວັນ​ທີ 24 ທັນວາ 2022 ນີ້, ຢູ່ທີ່​ກອງຮ້ອຍ​ທະຫານ​ຊາຍ​ແດນ 320 ເມືອງ​ເຊ​ໂປນ, ແຂວງສະຫວັນ​ນະ​ເຂດ ໄດ້​ຈັດ​ພິທີ​ມອບ-ຮັບ​ໂຄງການ​ກໍ່ສ້າງ​ ຄ້າຍ​ທະຫານ​ຊາຍ​ແດນ 320 ແຂວງສະຫວັນນະເຂດ ຊຶ່ງ​ແມ່ນຂອງຂວັນ​ຈາກກະຊວງ​ປ້ອງ​ກັນ​ປະເທດ ສສ ຫວຽດນາມ, ໂດຍ​ການ​ເປັນ​ປະທານ​ຂອງ ສະ ຫາຍ ພົນ​ຕີ ຈັນ​ທອງ ສອນ​ຕະ​ອາດ ຮອງ​ລັດຖະມົນຕີ​ກະຊວງ​ປ້ອງ​ກັນ​ປະເທດ ​ແຫ່ງ ​ສປປ ລາວ, ມີ​ສະຫາຍ ພົນ​ຕີ ຫງວ​​ຽນ ຢວນ ແອ່ງ ຮອງ​ຫົວໜ້າ​ກົມ ​ໃຫຍ່ເສນາ​ທິ​ການກອງທັບ​ປະຊາຊົນ​ຫວຽດນາມ, ສະຫາຍ ພົນ​ຈັດຕະວາ ສົມ​ພອນ ມິດ​ຕະ​ພອນ ຮອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ​ປະຊາຊົນ​ ລາວ, ສະຫາຍ ພົນ​ຈັດຕະວາ ສີ​ພັນ ພຸດ​ທະ​ວົງ ​ຫົວໜ້າ​ກົມ​ທະຫານ​ຊາຍ​ແດນ ​ກອງທັບ​ປະຊາຊົນ​ລາວ, ສະຫາຍ ພົນ​ຈັດຕະວາ ເລ​ວັນ​ຟຸກ ຮອງ​ຜູ້​ບັນຊາ​ ການ​ທະຫານ​ຊາຍແດນ​ກອງທັບ​ປະຊາຊົນ​ຫວຽດນາມ, ສະຫາຍ ພົນ​ຈັດຕະວາ ສີ ທະວີ​ໄຊ ຫົວໜ້າ​ການເມືອງ ກອງ​ບັນຊາ​ການ​ທະຫານ​ແຂວງ​ສະຫວັນ​ນະ ​ເຂດ ພ້ອມ​ຄະນະ​ຝ່າຍ​ລາວ-ຫວຽດນາມ ແລະ ແຂກ​ທີ່​ຖືກ​ເຊີນ​ເຂົ້າ​ຮ່ວມ.

     ສະຫາຍ ພັນໂທ ເຈືອງກົງຖິງ ອຳນວຍການ ບໍລິສັດ ລາວິນໂກ 36 ກະຊວງປ້ອງກັນປະເທດ ຫວຽດນາມ ປະຈຳລາວ ໄດ້ລາຍງານກ່ຽວກັບໂຄງການກໍ່ ສ້າງຄ້າຍທະຫານຊາຍແດນ 320 ແມ່ນມີເນື້ອທີ່ທັງໝົດ 61.000 ຕາແມັດ, ເນື້ອທີ່ກໍ່ສ້າງແມ່ນ 22.260 ຕາແມັດ, ພື້ນທີ່ກໍ່ສ້າງ 1.375 ຕາແມັດ, ເຊິ່ງ ລາຍການກໍ່ສ້າງແມ່ນເປັນຕຶກອາຄານໜຶ່ງຊັ້ນ, ຫົນທາງປະກອບມີ: ສຳນັກງານຜູ້ບັນຊາ (1 ຫຼັງ), ເຮືອນພັກຂອງພະນັກງານ (2 ຫຼັງ), ສະໂມສອນ 100 ບ່ອນນັ່ງ (1 ຫຼັງ), ຫ້ອງອາຫານ (1 ຫຼັງ), ສາງອຸປະໂພກ (1 ຫຼັງ), ສາງອາວຸດ ແລະ ກໍາແພງປ້ອງກັນ, ຫ້ອງອາບນ້ຳລວມ (1 ຫຼັງ), ເຮືອນມ້ຽນລົດ, ປະຕູ ໂຂງ​ໃຫຍ່, ປະຕູໂຂງສຳຮອງ, ໝໍ້ແບ່ງໄຟ, ອ່າງເກັບນ້ຳ, ລະບົບໝໍ້ແບ່ງໄຟ, ຫົນທາງ ແລະ ຕົ້ນໄມ້ຕົບແຕ່ງຕ່າງໆ ລວມງົບກໍ່ສ້າງທັງໝົດ 1.252.388 ໂດ ລາ. ເຊິ່ງໄດ້ເລີ່ມລົງມືກໍ່ສ້າງແຕ່ເດືອນ ທັນວາ 2021 ຫາ ເດືອນ ຕຸລາ 2022 ໃຊ້ເວລາ 11 ເດືອນໃນການກໍ່ສ້າງຈົນສຳເລັດ.

     ສະຫາຍ ພົນ​ຕີ ຫງວ​​ຽນ ຢວນ ແອ່ງ ຮອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ​ປະຊາຊົນ​ຫວຽດນາມ ຕາງໜ້າ​ໃຫ້​ກະຊວງ​ປ້ອງ​ກັນ​ປະເທດ​ແຫ່ງ ​ສສ ຫວຽດນາມ ໄດ້​ຂຶ້ນ​ກ່າວ​ມອບໂຄງການ​ກໍ່ສ້າງ​ຄ້າຍ​ທະຫານ​ຊາຍ​ແດນ 320 ກອງ​ບັນຊາ​ການ​ທະຫານ​ແຂວງສະຫວັນ​ນະ​ເຂດ ເປັນ​ໂຄງການ​ໜຶ່ງ​ທີ່​ມີ​ຄວາມ​ ສຳຄັນ, ເປັນ​ຂອງຂວັນ​ພິເສດຈາກ​ກະຊວງ​ປ້ອງ​ກັນ​ປະເທດ ແຫ່ງ ​ສສ ຫວຽດນາມ ມອບ​ໃຫ້​ກະຊວງ​ປ້ອງ​ກັນ​ປະເທດ ແຫ່ງ ​ສປປ ລາວ ໃນ​ໂອກາດ​ທີ່​ສອງ ​ກະຊວງ​ປ້ອງ​ກັນ​ປະເທດ ລາວ-ຫວຽດນາມ​ ຈັດ​ຕັ້ງ​ພົບ​ປະ​ແລກປ່ຽນ​ວຽກ​ງານ​ປ້ອງ​ກັນ​ຊາດ, ປ້ອງ​ກັນ​ຊາຍ​ແດນຄັ້ງ​ທີ່ຢູ່​ບໍລິເວນ​ຊາຍ​ແດນແຂວງ​ສະຫວັນ​ນະ​ ເຂດ ກັບ ແຂວງກວາງຈິ ​ສສ ຫວຽດນາມ ໃນ​ທ້າຍ​ປີ 2021 ເຊິ່ງມີ​ມູນ​ຄ່າຫຼາຍ​ກວ່າ 27 ລ້ານດົງ ແລະ ໂຄງການ​ນີ້​ກໍໄດ້​ຈັດ​ຕັ້ງພິທີ​ວາງສີ​ລາ​ລຶກ​ໂຄງການ ​ກໍ່ສ້າງ​ໃນ​ວັນ​ທີ 12 ທັນວາ 2021 ພາຍ​ໃຕ້​ການ​ເປັນ​ປະທານ​ຮ່ວມ​ຂອງ ສະຫາຍ ພົນ​ເອກ ຈັນ​ສະໝອນ ຈັນ​ຍາ​ລາດ ຮອງ​ນາຍົກລັດຖະມົນຕີ ລັດຖະມົນ ຕີ​ກະຊວງ​ປ້ອງ​ກັນ​ປະເທດ ແຫ່ງ ​ສປປ ລາວ ແລະ ສະຫາຍ ພົນ​ເອກ ຟ້າມ​ວັນ​ຢາງ ລັດຖະມົນຕີ​ກະຊວງ​ປ້ອງ​ກັນ​ປະເທດ ແຫ່ງ ​ສສ ຫວຽດນາມ ແລະ ໄດ້​ ມອບ​ໃຫ້​ກົມ​ທະຫານ​ຊາຍ​ແດນ ກົມ​ໃຫຍ່​ເສນາ​ທິ​ການ​ກອງທັບ​ປະຊາຊົນ​ລາວ ເປັນ​ເຈົ້າ​ຂອງ​ໂຄງການ ເພື່ອ​ສົມທົບ​ກັບ​ຝ່າຍ​ຫວຽດນາມຈັດ​ຕັ້ງ​ປະຕິບັດ, ມາ​ຮອດ​ເດືອນ ພະຈິກ 2022 ໄດ້​ສຳເລັດ​ຢ່າງ​ສົມບູນ. ຈາກ​ນັ້ນ, ສະຫາຍ ພົນ​ຈັດຕະວາ ສົມ​ພອນ ມິດ​ຕະ​ພອນ ຮອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງ ທັບ​ປະຊາຊົນ​ລາວ ຕາງໜ້າ​ໃຫ້​ກະຊວງ​ປ້ອງ​ກັນ​ປະເທດ ແຫ່ງ ​ສປປ ລາວ ໄດ້​ຂຶ້ນ​ກ່າວ​ຮັບໂຄງການ​ກໍ່ສ້າງ​ຄ້າຍ​ທະຫານ​ຊາຍ​ແດນ 320 ກອງ​ບັນຊາ​ການ​ທະ ຫານ​ແຂວງ​ສະຫວັນ​ນະ​ເຂດ. ການມອບ-ຮັບໂຄງການ​ກໍ່ສ້າງຄ້າຍກອງຮ້ອຍ​ທະຫານ​ຊາຍ​ແດນ 320 ໃນ​ມື້ນີ້ ແມ່ນ​ສະແດງ​ໃຫ້​ເຫັນ​ເຖິງ​ການ​ພົວພັນ​ຮ່ວມ ​ມືຊ່ວຍເຫຼືອ​ອັນ​ຈິງ​ໃຈຖານ​ອ້າຍ​ນ້ອງ​ຮ່ວມ​ອຸທອນ​ດຽວ​ກັນຈາກ​ກະຊວງ​ປ້ອງ​ກັນ​ປະເທດຫວຽດນາມ ​ໃຫ້​ແກ່ກະຊວງ​ປ້ອງ​ກັນ​ປະເທດ ກໍຄືກົມ​ໃຫຍ່​ເສນາ​ທິ​ ການ​ກອງທັບ​ປະຊາຊົນ​ລາວ ເວົ້າ​ລວມ, ເວົ້າ​ສະເພາະ ​ໃຫ້​ແກ່​ເຫຼົ່າ​ຮົບ​ທະຫານ​ຊາຍ​ແດນ​ລາວ. ຕາງໜ້າ​ໃຫ້​ຄະນະ​ນຳ​ກະຊວງ​ປ້ອງ​ກັນ​ປະເທດ ກໍຄື​ກົມ​ໃຫຍ່​ເສ ນາ​ທິ​ການກອງທັບ​ປະຊາຊົນ​ລາວ ແລະ ເຈົ້າຂອງ​ໂຄງການຂໍ​ຮັບ​ເອົາ​ໂຄງການ​ກໍ່ສ້າງ​ຄ້າຍ​ກອງຮ້ອຍ​ທະຫານ​ຊາຍ​ແດນ 320 ນັບ​ແຕ່​ເວລາ​ນີ້​ເປັນຕົ້ນ​ໄປ ແລະ ຂໍ​ມອບ​ໃຫ້ກອງ​ບັນຊາ​ການ​ທະຫານ​ແຂວງສະຫວັນ​ນະ​ເຂດ ແລະ ກອງຮ້ອຍ​ທະຫານ​ຊາຍ​ແດນ 320 ປົກ​ປັກ​ຮັກສາ ແລະ ນຳ​ໃຊ້​ຕໍ່​ໄປ. ພ້ອມ​ທັງ, ​ໄດ້​ເຊັນ​ ບົດ​ບັນທຶກ​ມອບ-ຮັບ​ໂຄງການ​ກໍ່ສ້າງ​ຄ້າຍ​ທະຫານ​ຊາຍ​ແດນ 320 ແລະ ຕັດ​ແຖບ​ຜ້າຢ່າງ​ຈົບງາມ.

ແຫຼ່ງທີ່ມາ: ບຸນເກີດ
ວັນທີ 27/12/2022