ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຄະນະຜູ້ແທນ 4 ປະເທດ ເຂົ້າຮ່ວມຮັບຊົມການສະແດງກວດກາທາງບົກ-ທາງນຳ້ຢູ່ສູນປະສານງານ ລາວ-ຈີນ


    ວັນ​ທີ 21 ທັນວາ 2021 ນີ້, ຄະ​​ນ​ະຜູ້​ແທນ 4 ປະເທດ (ຈີນ, ລາວ, ມຽນ​ມາ ແລະ ໄທ) ໄດ້​ເຂົ້າ​ຮ່ວມ​ຮັບ​ຊົມ​ການສະແດງ​ກວດກາ​ທາງບົກ-ທາງນ້ຳ​ ຢູ່​ສູນ​ປະສານ​ງານ​ລາວ-ຈີນ ບ້ານ​ມອມ ເມືອງ​ຕົ້ນ​ເຜິ້ງ ແຂວງ​ບໍ່​ແກ້ວ. ຝ່າຍ​ຈີນ​ນຳ​ໂດຍ ທ່ານ ພົນ​ຕີ ຢວນ​ຢາ​ພິງ ຫົວໜ້າ​ກອງ​ບັນຊາ​ການ​ຕຳຫຼວດ​ລາດຕະ ເວນ​ທາງນ້ຳ ແຂວງ​ຢູນ​ນານ ​ສປ ຈີນ, ຝ່າຍ​ລາວ ນຳ​ໂດຍ ທ່ານ ພັນ​ເອກ ທອງ​ໄຂ ສີ​ຍາ​ລາດ ຫົວໜ້າ​ການ​ທະຫານ ກອງ​ບັນຊາ​ການ​ທະຫານ​ແຂວງ​ບໍ່​ແກ້ວ, ຝ່າຍ​ໄທ​ນຳ​ໂດຍ ທ່ານ ພັນ​ຕຳຫຼວດ​ເອກ ສຸລິຍົງ ຮອງ​ຜູ້​ບັງຄັບ​ການ​ສູນ​ເຝິກ​ຕຳຫຼວດ​ພູທອນ​ພາກ 5, ຝ່າຍ​ມຽນ​ມາ​ນຳ​ໂດຍ ທ່ານ ພັນ​ໂທ ອາງ​ໂຈ​ໂມ ຫົວ ໜ້າ​ກອງ​ບັນຊາ​ການ​ຕຳຫຼວດ​ນ້ຳ​ບ້ານ​ປຸງ​.

     ລາຍການ​ທີ່​ນຳ​ມາ​ສະແດງ​ໃນ​ຄັ້ງ​ນີ້​ປະກອບ​ມີ: ການ​ດັກ​ສະກັດ​ລົດ​ທີ່​ມີ​ສິ່ງ​ຜິດ​ກົດໝາຍ​ຕາມ​ເສັ້ນທາງ ແລະ ເຂົ້າ​ຄົ້ນ​ເຮືອ​ຂອງ​ໜ່ວຍ​ລາດຕະເວນ​ທາງ ນ້ຳຂອງ 4 ປະເທດ​ ທີ່​ພົບ​ເຮືອ​ຕ້ອງ​ສົງໄສ ໃນ​ການ​ມາ​ເຄື່ອນ​ໄຫວ​ຊົມ​ການສະແດງ​ຂອງ​ຄະນະ​ດັ່ງກ່າວ ​ແມ່ນ​ເພື່ອ​ປະຕິບັດ​ສັນຍາ​ວ່າ​ດ້ວຍ​ການ​ລາດຕະເວນ ​ ຮ່ວມ​ທາງນ້ຳ​ຕະຫຼອດ​ໄລຍະ​ຜ່ານ​ມາໃນ​ການ​ຮ່ວມ​ມື 4 ຝ່າຍ ຄັ້ງ​ທີ 124 ເຫັນ​ໄດ້​ເຖິງ​ຜົນ ສຳເລັດ ພິເສດ​ແມ່ນ 4 ຝ່າຍ, ນັ້ນ​ແມ່ນ​ຂີດ​ໝາຍ​ການ​ເພີ່ມພູນ ​ຄູນ​ສ້າງ​ມູນເຊື້ອ​ອັນ​ດີງາມ​ໃນ​ການ​ແກ້​ໄຂ​ບັນຫາ​ສະພາບ​ການ​ຂ້າມ​ຊາຍ​ແດນ​ຜິດ​ກົດໝາຍ, ຄ້າຂາຍ​ເຖື່ອນ, ຄ້າຂາຍ​ຢາ​ເສບ​ຕິດຕາມ​ຊາຍ​ແດນ​ທີ່​ໄດ້​ມີ​ການ ​ພົວພັນ​ປະສານ​ສົມທົບ​ກັນ​ຢ່າງ​ແໜ້ນ​ແຟ້ນ​ໃນ​ການ​ປະຕິບັດ​ກົດໝາຍ​ລາດຕະເວນ​ຮ່ວມ​ກັນ​ເພື່ອ​ຮັກສາ​ຄວາມ​ສະຫງົບ, ຄວາມ​ເປັນ​ລະບຽບ​ຮຽບ​ຮ້ອຍ​ຕາມ ​ແມ່ນ້ຳ​ລ້ານ​ຊ້າງ-ແມ່ນ້ຳ​ຂອງ ຂອງ 4 ປະເທດ, ການ​ພົວພັນ​ຮ່ວມ​ມື​ຊ່ວຍເຫຼືອ​ເຊິ່ງ​ກັນ ແລະ ກັນ ບົນ​ພື້ນຖານ​ຈິດໃຈ​ສາມັກຄີ, ມິດຕະພາບ ແລະ ການ​ຮ່ວມ ​ມື​ຮອບດ້ານ, ຍົກ​ລະດັບ​ການ​ພົວພັນ​ຮ່ວມ​ມື​ປະສານ​ສົມທົບ​ລະຫວ່າງ​ກຳລັງ​ປ້ອງ​ກັນ​ຊາຍ​ແດນ​ຂອງ 4 ປະເທດ ໃຫ້​ນັບ​ມື້​ກ້າວ​ເຂົ້າ​ສູ່​ລວງ​ເລິກ​ເພື່ອ​ພ້ອມ​ກັນ​ ສ້າງ​ຊາຍ​ແດນ (ຈີນ, ລາວ, ມຽນ​ມາ ແລະ ໄທ) ໃຫ້​ເປັນ​ຊາຍ​ແດນ​ສັນຕິພາບ, ມິດຕະພາບ ແລະ ການ​ຮ່ວມ​ມື​ພັດທະນາ​ຮອບດ້ານ.

ແຫຼ່ງທີ່ມາ: ສົມໄຊ ສີລາຈັນ
ວັນທີ 26/12/2022