ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ໂຮງຮຽນ​ການ​ທະຫານ​ທ້ອງຖິ່ນ​ແຂວງ​ຈຳປາ​ສັກ ປິດ​ຊຸດ​ຮຽນ​ກໍ່ສ້າງ​ນາຍ​ສິບ ຊຸດ​ທີ XII


    ໃນ​ວັນ​ທີ 17 ຕຸລາ 2022, ຢູ່​ໂຮງຮຽນ​ການ​ທະຫານ​ທ້ອງຖິ່ນ​ແຂວງ​ຈຳປາ​ສັກ ໄດ້​ມີ​ພິທີ​ປິດ​ຊຸດ​ອົບຮົມ​ກໍ່ສ້າງ​ນາຍ​ສິບ ຊຸດ​ທີ XII ລະບົບ 1 ປີ ປະຈຳ ​ ສົກຮຽນ 2021-2022, ໂດຍ​ການ​ເປັນ​ປະທານ​ຂອງ ສະຫາຍ ພົນ​ຈັດຕະວາ ສຸ​ໄກ ພິມ​ມະ​ສານ ຫົວໜ້າ​ການ​ທະຫານ​ກອງ​ບັນຊາ​ການ​ທະຫານ​ແຂວງຈຳ ປາ​ສັກ , ມີ​ຄະນະ​ພັກ-ຄະນະ​ບັນຊາ​ອົງການ 5 ຫ້ອງ, ກຳລັງ​ຫຼວງ-ກຳລັງ​ທ້ອງຖິ່ນ, ກຳລັງ ປກສ-ອຳນາດ​ການ​ປົກຄອງ​ຂັ້ນ​ແຂວງ, ພະ​ແນກ​ໂຮງຮຽນ, ຄະນະ ​ ອຳນວຍ​ການ​ໂຮງຮຽນ, ແລະ ພະແນກການ​ທີ່​ກ່ຽວຂ້ອງ, ຄູ-ອາຈານ​ຕະຫຼອດ​ຮອດ​ນັກຮຽນເຂົ້າ​ຮ່ວມ.

     ສະຫາຍ ພັນ​ໂທ ຄຳ​ເຮົ້າ ວົງ​ພົມ ຮອງ​ຫົວໜ້າ​ຫ້ອງເສນາທິ​ການ ກອງ​ບັນຊາ​ການ​ທະຫານ​ແຂວງ​ຈຳປາ​ສັກ ໄດ້​ຂຶ້ນ​ຜ່ານ​ຂໍ້​ຕົກລົງ​ຂອງ​ກົມ​ໃຫຍ່​ເສນາ​ທິ​ ການ​ກອງທັບ ວ່າ​ດ້ວຍ​ການ​ອະນຸມັດ​ປິດ​ຊຸດ​ຮຽນ​ກໍ່ສ້າງນາຍສິບ​ທະຫານ​ຮາບ​ຊຸດ​ທີ XII ຂອງ​ໂຮງຮຽນ​ທະຫານ​ທ້ອງຖິ່ນ​ແຂວງ​ຈຳປາ​ສັກ, ຈາກ​ນັ້ນ ສະຫາຍ ພັນ​ໂທ ສີສະ​ໄໝ ວັນ​ນິ​ວົງ​ຄຳ ຮອງ​ຫົວໜ້າ​ການ​ທະຫານໂຮງຮຽນ​ການ​ທະຫານ​ທ້ອງຖິ່ນແຂວງ​ຈຳປາ​ສັກ , ໄດ້​ຜ່ານ​ບົດ​ສະຫຼຸບ​ການຈັດຕັ້ງ​ອົບຮົມ-ຫັດ​ແອບ ​ໃນ​ໄລຍະ 1 ປີ ຜ່ານ​ມາ, ໂດຍ​ຍົກ​ໃຫ້​ເຫັນ​ດ້ານ​ດີ, ດ້ານ​ອ່ອນ, ຂໍ້ຄົງຄ້າງ ແລະ ບາງ​ບົດຮຽນ​ທີ່​ຖອດ​ຖອນ​ໄດ້, ເຊີ່ງ​ມັນ​ສະແດງ​ອອກ​ໃນ​ການ​ເຝິກອົບຮົມຕົວ ​ ຈິງເຫັນ​ວ່າ​ບັນດາ​ນັກຮຽນ​ທຸກ​ສະຫາຍ​ໄດ້​ເອົາໃຈໃສ່​ຄົ້ນຄວ້າ​ສຶກ​ສາ​ຮ່ຳຮຽນ ແລະ ຫ້າວຫັນປະຕິບັດ​ຕາມ​ໂມງ​ເວລາ ລະບຽບ​ວິໄນ​ຂອງ​ໂຮງຮຽນ​ໄດ້​ເປັນຢ່າງ ​ດີ ແລະ ຜົນ​ການ​ສອບເສັງເຫັນ​ວ່າ​ທຸກ​ສະຫາຍ​ສາມາດ​ຍາດ​ໄດ້​ຄະແນນ​ດີ, ຄະແນນ​ເກັ່ງ. ສຳລັບ​ຊຸດ​ອົບຮົມ​ຄັ້ງ​ນີ້, ມີນັກຮຽນ​ທັງໝົດ 134 ສະຫາຍ, ຫຼັກ ສູດການ​ຮຽນ-ການ​ສອນ​ແມ່ນ​ໄດ້ປະຕິບັດ​ຕາມ​ກົມ​ໃຫຍ່​ເສນາທິການ​ກອງທັບ​ວາງ​ອອກ​ຢ່າງເຂັ້ມງວດ, ຜ່ານ​ການອົບຮົມສາມາດສະຫຼຸບ​ຕີ​ລາຄາ​ຜົນ​ໄດ້​ຮັບ ຄື: ຜົນ​ການ​ສອບເສັງຕົວຈິງພາກຮຽນ​ ທີ I ຂັ້ນ​ເກັ່ງ 03 ສະຫາຍ, ເທົ່າ​ກັບ 2,23 % ກາງ 67 ສະຫາຍ 50 % ແລະ ຜົນ​ການ​ສອບ​ເສງ​ຈົບ​ຊັ້ນ​ຂັ້ນ​ເກັ່ງ​ມີ 14 ສະຫາຍ ເທົ່າ​ກັບ 10,45 %, ກາງ 76 ສະຫາຍ ເທົ່າ​ກັບ 56,71 % ຕີ​ລາຄາ​ຄຸນທາດ​ການເມືອງ​ຂອງ​ນັກຮຽນ​ປະເພດ​ແຂງ​ມີ 109 ສະຫາຍ ເທົ່າ​ກັບ 81,35%, ກາງ 25 ສະຫາຍ ເທົ່າ​ກັບ 18,58% ສ້າງ​ຄູ​ສອນ​ດີ, ສອນ​ເກັ່ງ​ຈຳນວນ 08 ສະຫາຍ ເທົ່າ​ກັບ 20,51 %. ໃນ​ພິທີ​ຍັງ​ໄດ້​ປະກາດ​ການ​ເລື່ອນ​ ຊັ້ນ ສິບ​ຕີ​ຂຶ້ນ​ສິບ​ເອກ​ຈຳນວນ 47 ສະຫາຍ, ສິບ​ໂທ​ຂຶ້ນ​ສິບ​ເອກ​ຈຳນວນ 61 ສະຫາຍ ແລະ ມອບ​ໃບ​ປະກາສະນີຍະບັດ​ໃຫ້​ແກ່​ນັກຮຽນ​ທັງ​ໝົດ​ຈຳນວນ 134 ສະຫາຍ ເຊີ່ງ​ມອບ​ໂດຍ ສະຫາຍ ພັນ​ໂທ ວິໄລ​ສັກ ກິ່ງ​ແກ້ວ ຫົວໜ້າ​ການ​ທະຫານໂຮງຮຽນ​ການ​ທະຫານ​ທ້ອງຖິ່ນ​ແຂວງ​ຈຳປາ​ສັກ.

     ໂອກາດ​ດັ່ງກ່າວ, ສະຫາຍ ພົນ​ຈັດຕະວາ ສຸ​ໄກ ພິມ​ມະ​ສານ ໄດ້​ມີ​ຄຳ​ເຫັນ​ໂອ້​ລົມ ແລະ ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຄູ-ອາຈານ ແລະ ນັກຮຽນທີ່​ໄດ້ ພ້ອມກັນ​ຜ່ານ​ຜ່າ​ອຸປະສັກຄວາມ​ຫຍຸ້ງຍາກນານາປະການ ແລະ ພ້ອມ​ໃຈກັນ​ປະຕິບັດ​ຕາມແຜນການ​ຮຽນ-ການ​ສອນ ເຮັດ​ໃຫ້ການ​ອົບຮົມ​ຄັ້ງ​ນີ້ປະສົບ​ຜົນ ສຳເລັດ​ໄດ້​ຕາມ​ຄາດໝາຍ​ທີ່​ວາງ​ໄວ້, ນອກ​ນີ້​ກໍ​ຮຽກຮ້ອງ​ໃຫ້​ນັກຮຽນ​ທຸກ​ສະຫາຍ ຈົ່ງ​ນຳ​ເອົາ​ຄວາມ​ຮູ້, ຄວາມ​ສາມາດ​ທີ່​ຄູ-ອາຈານຖ່າຍ​ທອດ​ໃຫ້ນຳໄປ​ຈັດ ​ ຕັ້ງ​ຜັນ​ຂະຫຍາຍ​ເຂົ້າ​ໃນ​ໜ້າທີ່​ວຽກ​ງານ​ຕົວ​ຈິງຢູ່​ພາຍ​ໃນ​ກົມ​ກອງ​ຂອງ​ຕົນ​ໃຫ້​ເກີດ​ດອກ​ອອກ​ຜົນ ແລະ ພັດທະນາ​ກົມ​ກອງ​ໃຫ້​ດີ​ຂຶ້ນ​ເທື່ອ​ລະ​ກ້າວ.

ແຫຼ່ງທີ່ມາ: ວິໄລພອນ ວົງວິສອນ
ວັນທີ 24/10/2022