ກອງພັນໃຫຍ່ 642 ປິດຊຸດອົບຮົມ-ຫັດແອບທະຫານໃໝ່ ( ພັນທະປີ 2019 )
ສະຫາຍ ພັນໂທ ຄໍາໃສ ແພງຄູນ ໃຫ້ກຽດຂຶ້ນມອບໃບຢັ້ງຢືນໃຫ້ອ້າຍນ້ອງທະຫານໃໝ່
ວັນທີ 16 ມິຖຸນາ 2020 ນີ້, ກອງພັນໃຫຍ່ 642 ໄດ້ປິດອົບຮົມ-ຫັດແອບທະຫານໃໝ່ (ພັນທະປີ 2019), ໂດຍການເປັນປະທານຂອງສະຫາຍ ພັນໂທ ຄໍາໃສ
ແພງຄູນ ຫົວໜ້າ ການເມືອງກອງພັນໃຫຍ່ 642 ມີຄະນະພັກ-ຄະນະບັນຊາກອງຮ້ອຍທະຫານໃໝ່, ອະນຸກໍາມະການ, ຄູ-ອາຈານ ຕະຫຼອດຮອດອ້າຍນ້ອງທະຫານໃໝ່
ເຂົ້າຮ່ວມ.
ສະຫາຍ ຮ້ອຍເອກ ອານັນ ລົມພະຈັນ ຊ່ວຍວຽກຂະແໜງອົມຮົບ ໄດ້ຂຶ້ນຜ່ານບົດສະຫຼຸບການຮຽນ-ການສອນໃນໄລຍະ 3 ເດືອນ, ມີອ້າຍນ້ອງທະຫານໃໝ່ 35
ສະຫາຍ, ວິຊາຮຽນທີ່ນໍາມາອົບຮົມມີຄື: ການເມືອງ, ສິລະປະຍຸດທະຫານຮາບ, ກີລາການທະຫານ, ກີລາກາຍະບໍລິຫານ, ປ້ອງກັນອາກາດ, ອຸປະໂພກ, ການເງິນ, ເສ
ນາຮັກ, ຂໍ້ກໍານົດກົດລະບຽບ, ລະບຽບຮູບແຖວ, ຄຸ້ມຄອງລົດ ແລະ ວິຊາຍຸດໂທ; ການອົບຮົມ-ຫັດແອບໄລຍະ 90 ວັນ. ແຕ່ລະສະຫາຍໄດ້ເອົາໃຈໃສ່ຄົ້ນຄວ້າຮໍ່າຮຽນ
ຢ່າງເປັນຂະບວນການ, ປະຕິບັດລະບຽບວິໄນໄດ້ດີຟັງຄຳສັ່ງສອນຂອງການຈັດຕັ້ງກໍຄື: ຄະນະກອງຮ້ອຍທະຫານໃໝ່ ຜ່ານການ ອົບຮົມ-ຫັດແອບທະຫານໃໝ່ (ພັນທະ
ປີ 2019) ໃນຊຸດນີ້ທັງສອງພາກສາມາດສະເລ່ຍຜົນໄດ້ຮັບຄື: ພາກທິດສະດີຜົນໄດ້ຮັບ 99,79%, ພາກປະຕິບັດຕົວຈິງ 74,28%. ຈາກນັ້ນສະຫາຍ ພັນໂທ ຄໍາໃສ
ແພງຄູນ ໄດ້ໃຫ້ກຽດຂຶ້ນມອບໃບຢັ້ງຢືນໃຫ້ອ້າຍນ້ອງທະຫານໃໝ່ອີກດ້ວຍ.