ກົມ ວສ-ປສ ການທະຫານ ປາຖະກະຖາມູນເຊື້ອ ວັນສ້າງຕັ້ງ
ພັກກອມມູນິດຫວຽດນາມ ຄົບຮອບ 93 ປີ
ໃນວັນທີ 9 ກຸມພາ 2023 ນີ້, ກົມວິທະຍາສາດ-ປະຫວັດສາດການທະຫານ ໄດ້ຈັດຕັ້ງປາຖະກະຖາມູນເຊື້ອວັນສ້າງຕັ້ງພັກກອມມູນິດຫວຽດນາມ ຄົບ
ຮອບ 93 ປີ ( 3/2/1930-3/2/2023) ໂດຍການເປັນປະທານ ແລະ ປາຖະກະຖາຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາ
ສາດ-ປະຫວັດສາດ ການທະຫານ, ມີຄະນະຫ້ອງ, ພະແນກການ ແລະ ພະນັກງານ-ນັກຮົບພາຍໃນກົມເຂົ້າຮ່ວມ.
ສະຫາຍ ພົນຈັດຕະວາ ວຽງໄຊ ສົມວິຈິດ ໄດ້ເລົ່າຫວນຄືນເຖິງການຕໍ່ສູ້ກູ້ຊາດອັນຢືດເຍື້ອຍາວນານຢ່າງພິລະອາດຫານ ເຊິ່ງສະແດງໃຫ້ເຫັນເຖິງຄວາມ ສາມັກຄີປອງດອງຂອງກອງທັບປະຊາຊົນຫວຽດນາມ ທີ່ຍາດເອົາໄຊຊະນະອັນໃຫຍ່ຫຼວງໃນພາລະກິດປົດປ່ອຍຊາດທີ່ພັກ ແລະ ປະຊາຊົນມອບໝາຍໃຫ້ໄດ້ ຢ່າງສົມບູນ, ພ້ອມກັນປະກອບສ່ວນສ້າງຕັ້ງພັກກອມມູນິດອິນດູຈີນ ຫຼື ພັກກອມມູນິດຫວຽດນາມ. ໃນປັດຈຸບັນຂຶ້ນໃນວັນທີ 3 ກຸມພາ 1930 ທີ່ກິວ ລອງ (ປະເທດຈີນ) ໂດຍແມ່ນປະທານ ໂຮ່ຈິມິນ ເປັນຜູ້ສ້າງຕັ້ງຂຶ້ນ. ພ້ອມທັງໄດ້ຍົກໃຫ້ເຫັນຜົນງານການນຳພາຂອງພັກກອມມູນິດຫວຽດນາມ ທີ່ຍາດ ມາໄດ້ເປັນແຕ່ລະໄລຍະທີ່ມີຂະບວນການລຸກຮື້ຂຶ້ນຕໍ່ສູ້ຂອງມະຫາຊົນຂະຫຍາຍຕົວຢ່າງກວ້າງຂວາງ, ໄດ້ນຳພາການຕໍ່ສູ້ປົກປັກຮັກສາທີ່ດຳເນີນການຕໍ່ສູ້ ຕ້ານພວກຈັກກະພັດລ່າເມືອງຂຶ້ນຝຣັ່ງໄລຍະປີ 1945-1954 ແມ່ນໄລຍະພັກກອມມູນິດຫວຽດນາມ ໄດ້ປະຕິບັດໜ້າທີ່ອັນຮີບດ່ວນດ້ານການເມືອງ, ການທະຫານ, ເສດຖະກິດ, ການຕ່າງປະເທດ ແລະ ໄດ້ນຳພາການປະຕິວັດສັງຄົມນິຍົມຢູ່ພາກເໜືອ ແລະ ນຳພາຕໍ່ສູ້ປົດປ່ອຍພາກໃຕ້ຈົນສາມາດຍາດໄດ້ ຄວາມເປັນເອກະພາບໃນຊາດ ໃນໄລຍະປີ 1954-1975, ເວລານັ້ນແມ່ນມີຄວາມຫຍຸ້ງຍາກຫຼາຍດ້ານ ແລະ ໄດ້ນຳພາສ້າງສາລັດທິສັງຄົມນິຍົມ.
ໂອກາດນີ້, ສະຫາຍ ພົນຈັດຕະວາ ວຽງໄຊ ສົມວິຈິດ ຍັງໄດ້ເນັ້ນໜັກວ່າ: ການປາຖະກະຖາໃນຄັ້ງນີ້ກໍເພື່ອເປັນການສຶກສາອົບຮົມໃຫ້ພະນັກງານ-ນັກ ຮົບພາຍໃນກົມໄດ້ຮັບຮູ້ເຂົ້າໃຈ ແລະ ກຳແໜ້ນມູນເຊື້ອ, ການກຳເນີດເຕີບໃຫຍ່ຂະຫຍາຍຕົວຂອງພັກກອມມູນິດຫວຽດນາມໃຫ້ກວ້າງຂວາງເລິກເຊິ່ງ ເພື່ອພ້ອມກັນປຸກລະດົມມູນເຊື້ອທາດແທ້ປະຕິວັດຂອງກອງທັບຫວຽດນາມໃນການຕໍ່ສູ້ກູ້ຊາດ ແລະ ເປັນການເພີ່ມພູນຄູນສ້າງການພົວພັນຮ່ວມມື, ຄວາມສາມັກຄີພິເສດເພື່ອນມິດຍຸດທະສາດລະຫວ່າງສອງຊາດ, ສອງກອງທັບ ລາວ-ຫວຽດນາມ ໃຫ້ດີຂຶ້ນເລື້ອຍໆ.
ແຫຼ່ງທີ່ມາ: ວົງວິໄລ ບຸນລືໄຕ
ວັນທີ 13/02/2023