ຫ້ອງການເມືອງ ກອງພົນທີ 2 ສໍາເລັດການເກັບກ່ຽວເຂົ້ານາປີ
ໃນເດືອນຕຸລາ 2024 ນີ້, ຫ້ອງການເມືອງ ກອງພົນທີ 2 ໄດ້ສຳເລັດການເກັບກ່ຽວເຂົ້ານາປີ ໂດຍການນຳພາຂອງຄະນະພັກ-ຄະ
ນະບັນຊາ ຫ້ອງການເມືອງ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ບຸນນ້ອຍ ພານິດ ຫົວໜ້າພະແນກບໍລິຫານ ຫ້ອງການເມືອງ ກອງພົນທີ 2 ໄດ້ໃຫ້ຮູ້ວ່າ: ເພື່ອປະຕິບັດຕາມທິດ
ນຳ ຂອງກົມໃຫຍ່ພະລາທິການກອງທັບວາງອອກ ກໍຄືແຜນການຂອງຫ້ອງພະລາທິການ ກອງພົນທີ 2 ໄດ້ວາງໄວ້ ບົນຈິດໃຈ ເພິ່ງຕົນ
ເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ; ຄະນະພັກ-ຄະນະບັນຊາຫ້ອງການເມືອງ ກອງພົນທີ 2 ໄດ້ເອົາໃຈໃສ່ນຳພາ
-ຊີ້ນຳພະນັກງານ- ນັກຮົບ ສຸມໃສ່ການປູກພືດລົ້ມລຸກຕາມລະດູການ ເພື່ອແກ້ໄຂຊີວິດການກິນຢູ່ຂອງພະນັກງານ-ນັກຮົບ ແລະ ສົ່ງ
ອອກຂາຍຕາມທ້ອງຕະຫຼາດ ເພື່ອສ້າງແຫຼ່ງລາຍຮັບເຂົ້າໃນການສ້າງສາພັດ ທະນາກົມກອງ, ທັງເປັນການສ້າງຜົນງານ ເພື່ອຂໍ່ານັບຮັບ
ຕ້ອນວັນສຳຄັນຕ່າງໆຂອງຊາດ, ຂອງພັກ, ຂອງກອງທັບ ແລະ ກອງປະຊຸມໃຫຍ່ຂອງອົງຄະນະພັກ ກອງພົນທີ 2 ຄັ້ງທີ VII ໂດຍສະ
ເພາະປີ 2024 ສຸມໃສ່ການປູກເຂົ້ານາປີ ໄດ້ເລີ່ມຕົ້ນປູກແຕ່ເດືອນ ມິຖຸນາ ໃນເນື້ອທີ່ 2,8 ເຮັກຕາ ນໍາໃຊ້ແນວປູກ 300 ກິໂລກຣາມ
ມາຮອດປັດຈຸບັນໄດ້ ເກັບກ່ຽວຜົນຜະລິດສຳເລັດສາມາດເກັບກູ້ຜົນຜະລິດໄດ້ 7 ໂຕນ ຄິດເປັນເງິນ 56 ລ້ານກີບ.
ສະຫາຍ ພັນໂທ ບຸນນ້ອຍ ພານິດ ຍັງໄດ້ກ່າວຕື່ມອີກວ່າ: ຜົນສຳເລັດດັ່ງກ່າວ, ຄະນະພັກ-ຄະນະບັນຊາຫ້ອງການເມືອງ ໄດ້ເອົາໃຈ
ໃສ່ຊີ້ນຳໃກ້ຊິດຕິດແທດ ພ້ອມທັງຍ້ອງຍໍຊົມເຊີຍຕໍ່ພະນັກງານ-ນັກຮົບ ທີ່ໄດ້ພ້ອມກັນທຸ່ມເທເຫື່ອແຮງເຂົ້າໃນການເກັບກູ້ເຂົ້ານາປີໃນ
ເທື່ອນີ້ຈົນສຳເລັດ.
ແຫຼ່ງທີ່ມາ: ສຸວັນໂນ ທະລັງສີ
ວັນທີ 31/10/2024