ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ທະຫານແຂວງຈຳປາສັກ ສຳເລັດກອງປະຊຸມຄົບຄະນະບໍລິຫານງານພັກກາງສະໄໝ


    ກອງປະຊຸມຄົບຄະນະບໍລິຫານງານພັກ ຂອງກອງບັນຊາການທະຫານແຂວງຈຳປາສັກ ກາງສະ​ໄໝ ຄັ້ງທີ V ໄດ້ໄຂຂຶ້ນ ແລະ ອັດລົງດ້ວຍສຳເລັດລົງອັນ ຈົບງາມ ໃນວັນທີ 4 ພະຈິກ 2022 ນີ້, ພາຍ ຫຼັງທີ່ໄດ້ດຳເນີນມາເປັນເວລາ 2 ວັນເຕັມ. ໂດຍການເປັນປະທານຂອງ ສະຫາຍ ສະນັ່ນ ສີພາ ພົມມະຈັນ ຮອງເລຂາພັກແຂວງ, ຮອງປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງ ຫົວໜ້າຄະນະຈັດຕັ້ງແຂວງຈຳປາສັກ, ມີສະຫາຍ ພົນຈັດ ຕະວາ ສຸໄກ ພິມມະສານ ຄະນະປະຈຳພັກແຂວງ ຮອງປະທານຜູ້ປະຈຳການ, ຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງ ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງຈຳປາສັກ, ມີຄະນະປະຈຳພັກກອງບັນຊາການ, ກຳມະການພັກ, ມີເລຂາ-ຮອງເລຂາຄະນະພັກຮາກຖານ, ຄະນະກຳມະການຮັບຜິດຊອບຊີ້ນຳກອງປະຊຸມຂັ້ນແຂວງ, ຕະຫຼອດຮອດແຂກທີ່ຖືກເຊີນຈາກຫ້ອງການ ປກຊ-ປກສ ແຂວງ, ຫ້ອງການກໍ່ສ້າງຮາກຖານການ ເມືອງ, ສະຫະພັນນັກຮົບເກົ່າແຂວງ ແລະ ສະພາທ້ອງຖິ່ນແຂວງຈຳປາສັກເຂົ້າຮ່ວມ.

     ສະຫາຍ ພັນເອກ ແຫວນຄຳ ຈະເລີນວົງ ຮອງເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງຈຳປາສັກ ໄດ້ຍົກໃຫ້ເຫັນຫຼາຍບັນ ຫາ, ຈຸດດີ, ຈຸດອ່ອນ, ຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້ໃນໄລຍະຜ່ານມາ ເປັນຕົ້ນແມ່ນການສຸມໃສ່ການສຶກສາອົບຮົມ-ການເມືອງ-ນຳພາ ແນວຄິດ ໂດຍຈັດຕັ້ງຜັນຂະຫຍາຍຕາມ 4 ໜ້າທີ່ໃຫຍ່ 26 ແຜນງານ ຂອງອົງຄະນະພັກກະຊວງປ້ອງກັນປະເທດວາງອອກຢ່າງເຄັ່ງຄັດ, ສາມາດຈັດຕັ້ງປະ ຕິບັດເຊື່ອມຊຶມເຜີຍແຜ່ບັນດາມະຕິ, ຄຳສັ່ງຕ່າງໆຂອງຂັ້ນເທີງ ແລະ ປາຖະກະຖາຫວນຄືນມູນເຊື້ອວັນສຳຄັນຂອງຊາດ-ຂອງພັກ, ຂອງກອງທັບ ແລະ ສາ ກົນໄດ້ເປັນປົກກະຕິ ແລະ ທົ່ວເຖິງ ເຊັ່ນ: ໄດ້ສຳເລັດການເຜີຍແຜ່ມະຕິ, ລະບຽບຂອງພັກ ສະໄໝທີ XI, ແຜນເສດຖະກິດ-ສັງຄົມ 05 ປີ ຄັ້ງທີ IX, ເຜີຍ ແຜ່ຜົນສຳເລັດກອງປະຊຸມສາມັນ ຄັ້ງທີ 02, ວິສາມັນ ຄັ້ງທີ 01 ຂອງສະພາແຫ່ງຊາດ ຊຸດທີ IX, ກອງປະຊຸມສາມັນ ຄັ້ງທີ 02 ຂອງສະພາປະຊາຊົນແຂວງ ຊຸດທີ II ພິເສດ ແມ່ນໄດ້ສຳເລັດການຈັດຕັ້ງພິທີສະເຫຼີມສະຫຼອງວັນສ້າງຕັ້ງກອງບັນຊາການທະຫານແຂວງຈຳປາສັກ ຄົບຮອບ 60 ປີ ແລະ ສອງວັນປະ ຫວັດສາດ ລາວ-ຫວຽດນາມ, ໄປພ້ອມໆກັບບັນດາມະຕິກອງປະຊຸມໃຫຍ່ຂອງພັກໃນແຕ່ລະຂັ້ນ, ໂດຍໄດ້ຮັບການຈັດຕັ້ງທັງໝົດຈຳນວນ 65 ຄັ້ງ, ເປີດ ຮຽນສະໜັບສະໜູນໄດ້ 126 ສະຫາຍ, ຍິງ 10 ສະຫາຍ, ຂະຫຍາຍອະນຸມັດເລື່ອນມະຫາຊົນກ້າວໜ້າເປັນສະມະຊິກພັກ 91 ສະຫາຍ, ຍິງ 06 ສະຫາຍ, ເລື່ອນສຳຮອງຂຶ້ນສົມບູນ 91 ສະຫາຍ, ຍິງ 12 ສະຫາຍ, ຈັດແບ່ງຄຸນນະພາບຂອງຄະນະພັກຮາກຖານປະເພດແຂງ ຈຳນວນ 16 ຄະນະພັກຮາກຖານ, ກາງ 06 ຄະນະພັກຮາກຖານ, ຈັດແບ່ງໜ່ວຍພັກປະເພດແຂງ ຈຳນວນ 81 ໜ່ວຍ, ກາງ 29 ໜ່ວຍ, ປັດຈຸບັນທົ່ວກົມກອງມີສະມາຊິກພັກແຂງ 2.008 ສະ ຫາຍ, ຍິງ 283 ສະຫາຍ, ກາງ 336 ສະຫາຍ, ຍິງ 35 ສະຫາຍ, ສຳລັບວຽກງານຊາວໜຸ່ມ ແລະ ແມ່ຍິງ, ຕະຫຼອດໄລຍະ 01 ປີຜ່ານມາ ແມ່ນໄດ້ເອົາໃຈ ໃສ່ເຄື່ອນໄຫວນຳພາ-ຊີ້ນຳທາງດ້ານວຽກງານຕ່າງໆຈົນສາມາດເຮັດສຳ ເລັດໜ້າທີ່ຕາມຂັ້ນເທິງໄດ້ມອບໝາຍໃຫ້ ແລະ ມີຜົນສຳເລັດເລື້ອຍມາ ສາມາດ ຄັດເລືອກສະມາຊິກຊາວໜຸ່ມໃນທົ່ວກົມກອງປະເພດແຂງໄດ້ຈຳນວນ 1.582 ສະຫາຍ, ໄດ້ຮັບໃບຢັ້ງຢືນໜ່ວຍພັກຮາກຖານ 3 ດີ ປະເພດ I ຈຳນວນ 18 ໜ່ວຍ, ປະເພດ II ຈຳນວນ 2 ໜ່ວຍ, ທົ່ວກົມກອງມີສະມາຊິກສະຫະພັນແມ່ຍິງທັງໝົດຈຳນວນ 186 ສະຫາຍ, ຈັດແບ່ງຄຸນນະພາບແມ່ຍິງ 03 ດີ 200 ສະຫາຍ, ກາງ 80 ສະຫາຍ, ນອກຈາກຜົນງານການເຄື່ອນໄຫວທີ່ກ່າວມາຂ້າງເທິງນີ້, ຍັງໄດ້ເອົາໃຈໃສ່ລົງປະສານສົມທົບກັບກຳລັງຫຼວງ-ກຳລັງ ປກສ ແລະ ອົງການປົກຄອງທ້ອງຖິ່ນທີ່ກ່ຽວຂ້ອງໃນແຕ່ລະຂັ້ນກຳແໜ້ນທຸກເປົ້າໝາຍຕ້ານ ແລະ ສະກັດກັ້ນບັນຫາປາກົດການຫຍໍ້ທໍ້ຕ່າງໆທີ່ອາດຈະເກີດ ຂຶ້ນ ເປັນຕົ້ນແມ່ນ: ຂະບວນການເຄື່ອນໄຫວຄ້າຂາຍມົ້ວສຸມຢາເສບຕິດ, ຂະບວນການຄ້າຂາຍເຖື່ອນປະເພດລົດໃຫຍ່ ລັກລອບຂ້າມຊາດເປັນຕົ້ນ ແລະ ສຳລັບທິດທາງແຜນການນຳພາກາງສະໄໝນັບແຕ່ 03 ເດືອນທ້າຍປີ 2022-2024 ແມ່ນຈະສຸມໃສ່ເຮັດໃຫ້ສະພາບໃນທົ່ວແຂວງມີຄວາມສະຫງົບສຸມ ໃສ່ການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານໃນທົ່ວແຂວງຢ່າງເປັນປົກກະຕິ, ມີຄວາມສົມດຸນທາງເສດຖະກິດ- ສັງຄົມ ແລະ ອື່ນໆ, ເສີມຂະຫຍາຍກຳລັງແຮງສັງລວມໃນອົງຄະນະພັກ-ສະມາຊິກພັກ, ພະນັກງານ-ນັກຮົບນຳໃຊ້ທ່າແຮງບົ່ມຊ້ອນ ເພື່ອພັດທະນາ ແລະ ສ້າງສາປະເທດຊາດໃຫ້ມີຄວາມຈະເລີນຍິ່ງໆຂຶ້ນ.

     ໂອກາດນີ້, ສະຫາຍ ພັນໂທ ກອງແກ້ວ ວຽງໄຊຍະສອນ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງຈຳປາສັກ ກໍໄດ້ຂຶ້ນຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການມອບຫຼຽນໄຊພິລະອາດຫານ ຊັ້ນ I, ຊັ້ນ III ແລະ ໃບຍ້ອງຍໍໃຫ້ບຸກຄົນ ແລະ ກົມກອງລວມໝູ່, ໃນນັ້ນກະຊວງ ປ້ອງກັນປະເທດ ຕົກລົງມອບຫຼຽນໄຊພິລະອາດຫານ ຊັ້ນ I ໃຫ້ແກ່ກົມທະຫານຊາຍແດນ ກົມໃຫຍ່ເສນາທິການກອງທັບ, ມອບຫຼຽນໄຊພິລະອາດຫານ ຊັ້ນ III ໃຫ້ແກ່ກົມກອງລວມໝູ່ ຈຳນວນ 141 ກົມກອງ, ສະເພາະຢູ່ກອງບັນຊາການທະຫານແຂວງຈຳປາສັກ ແມ່ນມີ 12 ກົມກອງ ຄື: ກອງບັນຊາການ,
ພະແນກທະຫານຊາຍແດນກອງບັນຊາການທະຫານແຂວງຈຳປາສັກ, ກອງຮ້ອຍທະຫານຊາຍແດນ 09 ກົມກອງ ແລະ 01 ກອງພັນ ຄື: ກອງພັນ 28 ທະ ຫານແຂວງຈຳປາສັກ, ຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມຈາກ ສະຫາຍ ສະນັ່ນສີພາ ພົມມະຈັນ ເພື່ອເປັນທິດທາງໃນການນຳໄປຈັດຕັ້ງ ປະຕິບັດ​ເຂົ້າໃນແຜນການຕໍ່ໜ້າໃຫ້ມີຜົນສຳເລັດສູງ.

ແຫຼ່ງທີ່ມາ: ວິໄລພອນ ວົງວິສອນ
ວັນທີ 10/11/2022