ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ ເປີດ​ຊຸດ​ອົບຮົມ​ວຽກ​ງານ​ຂ່າວສານ​ໄລຍະ​ສັ້ນ ຊຸດ​ທີ III

 


     ພິທີ​ເປີດ​ຊຸດ​ອົບຮົມ​ວຽກ​ງານ​ຂ່າວສານ​ໄລຍະ​ສັ້ນ ຊຸດ​ທີ III ຂອງ​ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ ໄດ້​ຈັດ​ຂຶ້ນ​ໃນ​ວັນ​ທີ 10 ມັງກອນ 2023 ນີ້, ໂດຍ​ການ​ເປັນ​ປະທານ​ຂອງ ສະຫາຍ ພັນ​ໂທ ວິລະ​ສິນ ມິດ​ຕະ​ພອນ ຄະນະ​ພັກ​ກອງ​ບັນຊາ​ການ ຫົວໜ້າ​ຫ້ອງ​ການເມືອງ​ ກອງ​ບັນຊາ​ການ​ທະຫານ​ແຂວງ , ມີ​ສະຫາຍ ພັນ​ໂທ ຄອນ​ສະ​ຫວັນ ໄຊ​ຍະ​ລາດ ຄະນະ​ບັນນາທິການ ຫົວໜ້າ​ພະ​ແນກ​ຂ່າວ​ພາຍ​ໃນກອງໜັງສືພິມ​ກອງທັບ, ມີ​ຄະນະ​ ພັກ-ຄະນະ​ບັນຊາ, ພະແນກການຕະຫຼອດ​ຮອດ​ນັກ​ກ​ອົບຮົມ​ທີ່​ມາ​ຈາກ​ບັນດາ​ກົມ​ກອງ​ທົ່ວ​ທະຫານ​ແຂວງ​ເຂົ້າ​ຮ່ວມ. ສະຫາຍພັນ​ໂທ ທອງ​ໄຊ ໄພ​ຍະ​ສິດ ຫົວໜ້າ​ພະ​ແນກ​ໂຄ ສະນາ​ອົບຮົມ​ທະ ຫານ​ແຂວງ ໄດ້​ຜ່ານ​ຂໍ້​ຕົກ ລົງ​ຂອງ​ກອງ​ບັນຊາ​ການ​ທະຫານ​ແຂວງ ວ່າ​ດ້ວຍ​ການ​ອາ​ນຸ​ມັດ​ໃຫ້​ພະ​ແນກ​ໂຄສະນາ​ອົບຮົມ ເປີດ​ຊຸດ​ເຝິກອົບ ຮົມ​ວຽກ​ງານ​ຂ່າວສານ​ໄລຍະ​ສັ້ນ ໃຫ້​ແຕ່​ລະອົງການ, ກົມ​ກອງ​ທົ່ວ​ທະຫານ​ແຂວງ, ເຊິ່ງ​ການ​ອົບຮົມ​ໃນ​ຄັ້ງ​ນີ້ຈະ​ໄດ້ ​ຮຽນ​ຮູ້​ກ່ຽວ​ກັບ ຈັນ​ຍາ​ບັນຂອງ​ນັກ ​ຂ່າວ, ເຕັກນິກ​ການ​ຂຽນ​ຂ່າວ, ບົດຮຽນ​ການ​ຂຽນ​ຂ່າວ​ວຽກ​ດີ​ຄົນ​ເດັ່ນ, ເຕັກນິກ​ການ​ຖ່າຍຮູບ-ຖ່າຍ​ທຳ, ບົດຮຽນ​ການ​ຂຽນ​ບົດ​ລາຍ​ງານ​ຂ່າວ. ທັງ​ນີ້, ກໍ​ ເພື່ອ​ເປັນ​ການ​ຍົກ​ລະດັບ​ຄວາມ​ຮູ້​ ຄວາມ​ສາມາດ​ໃຫ້​ແກ່​ພະ ນັກງານ​ທີ່​ເຮັດ​ວຽກ​ງານ​ວິຊາ​ສະເພາະ ມີ​ຄວາມ​​ຊຳນານໃນ​ການເຄື່ອນ ໄຫວ​ເຮັດ​ໜ້າທີ່​ການ ເມືອງຂອງ​ຕົນ ໃຫ້​ມີ​ປະ​ສິດ ທິ​ຜົນ ໂດຍ​ສະເພາະ​ແມ່ນ​ເປັນ​ການ​ປັບປຸງ​ວຽກ​ງານ​ຂ່າວສານ ທົ່ວ​ທະຫານ​ແຂວງ ໃຫ້​ມີ​ຄວາມ​ແຂງແຮງ ແລະ ມີ​ຄຸນ​ນະ​ພາບ ​ສູງ. ໂອກາດ​ດຽວ​ກັນ​ນີ້, ສະຫາຍ ພັນ​ໂທ ວິລະ​ສິນ ມິດ​ຕະ​ພອນ ກໍ​ໄດ້​ອະທິບາຍ​ກ່ຽວ​ກັບ​ຈຸດປະສົງ​ຂອງ​ການເຝິກ​ອົບຮົມ​ໃນ​ຄັ້ງ​ນີ້, ເຊິ່ງໄດ້​ຍົກ​ໃຫ້​ເຫັນ ​ຄວາມ​ໝາຍ ຄວາມ​ສຳຄັນ​ຂອງ​ວຽກ​ງານ​ວຽກ​ງານ​ຂ່າວສານ, ເພາະ​ແມ່ນ​ວຽກ​ງານ​ໜຶ່ງ​ທີ່​ເປັນ​ກະບອກ​ສຽງ​ໃນ​ການ​ເຜີຍແຜ່​ຂໍ້​ມູນ​ຂ່າວສານຕ່າງໆ, ພ້ອມ​ທັງ ​ ຮຽກຮ້ອງ​ໃຫ້​ນັກ​ສຳ​ມະ​ນາ​ກອນ​ທຸກ​ສະຫາຍ ຈົ່ງ​ພ້ອມ​ກັນ​ຍົກ​ສູງຄວາມ​ຮັບຜິດຊອບ ເປັນ​ເຈົ້າ​ການ​ໃນ​ການ​ປະຕິ​​ບັດ ເວລາ​ຂຶ້ນ​ຫ້ອງ. ພ້ອມ​ດຽວກັນ​ນີ້, ກໍ​ ຕ້ອງ​ໄດ້​ຄວາມສາມັກຄີ​ພາຍ​ໃນ​ໃຫ້​ແໜ້ນ​ແຟ້ນ, ພ້ອມ​ກັນ​ສຸມ​ສະຕິ​ປັນຍາ ເຂົ້າ​ໃນ​ການ​ຄົ້ນ​ຄວ້າ​ຮ່ຳຮຽນ, ກຳ​ແໜ້ນ​ໄດ້​ທິດສະ​ດີ​ຫຼັກການ ນຳໄປ​ໝູນ​ໃຊ້​ ໃຫ້​ສອດຄ່ອງກັບ​ໜ້າທີ່​ວິຊາ​ສະເພາະ​ຂອງ​ຕົນ​ຢູ່​ບັນດາ​ກົມ​ກອງ​ໃຫ້​ມີ​ແບບແຜນ​ທີ່​ທັນ​ສະໄໝ​ຂຶ້ນ​ເປັນ​ກ້າວໆ ພ້ອມ​ທັງ​ໄດ້​ກ່າວ​ເປີດ​ການ​ເຝີກ​ອົບຮົມ​ຂຶ້ນ​ຢ່າງ ​ເປັນ​ທາງ​ການ.

 

ແຫຼ່ງທີ່ມາ: ບຸນ​ເພັງ ວົງ​ແກ້ວ​ມະນີ