ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ໂຮງຮຽນກໍ່ສ້າງນາຍສິບເລກ 1 ປາຖະກະຖາ 4 ວັນປະຫວັດສາດ ສຳຄັນ


    ຜ່ານມານີ້, ໂຮງຮຽນກໍ່ສ້າງນາຍສິບເລກ 1 ໄດ້ປາຖະກະຖາ 4 ວັນປະຫວັດສາດ ສຳຄັນ ໂດຍການເປັນປະທານ ແລະ ປາຖະກະຖາຂອງ ສະຫາຍ ພົນ ຈັດຕະວາ ສີລາວົງ ບຸນມີໄຊ ຫົວໜ້າການເມືອງໂຮງຮຽນ, ມີຄະນະພັກ-ຄະນະອຳນວຍການໂຮງຮຽນ, ອົງການ 5 ຫ້ອງ, 4 ກອງພັນ, ກອງຮ້ອຍ ຕະຫຼອດ ຮອດພະນັກງານ-ນັກຮົບເຂົ້າຮ່ວມ.

     ການປາຖະກະຖາໃນຄັ້ງນີ້ ໄດ້ຫວນຄືນມູນເຊື້ອວັນປະກາດເອກະລາດ ຄົບຮອບ 77 ປີ (12 ຕຸ ລາ 1945-12 ຕຸລາ 2022), ວັນສ້າງຕັ້ງການທູດ ລາວ ຄົບຮອບ 47 ປີ (12 ຕຸລາ 1975-12 ຕຸລາ 2022), ວັນກຳລັງອາສາສະໝັກ ແລະ ຊ່ຽວຊານຫວຽດນາມ ໃນພາລະກິດປະຕິວັດຂອງປະຊາຊົນ ລາວບັນດາເຜົ່າ ຄົບຮອບ 73 ປີ (30ຕຸລາ1949-30 ຕຸລາ 2022) ແລະ ວັນຊາດ ສປ ຈີນ ຄົບຮອບ 73 ປີ (1 ຕຸລາ 1949-1 ຕຸລາ2022).

     ທັງນີ້ ກໍເພື່ອເປັນການທົບທວນຫວນຄືນມູນເຊື້ອວັນສຳຄັນດັ່ງກ່າວ ໃຫ້ນາຍທະຫານຢູ່ໂຮງ ຮຽນກໍ່ສ້າງນາຍສິບເລກ1 ໄດ້ຮັບຮູ້, ເຊື່ອມຊຶມ, ເຂົ້າໃຈ ເຖິງບັນດາເຫດການ, ການເຄື່ອນໄຫວໃນແຕ່ລະໄລຍະ ບົນເສັ້ນທາງປະຕິວັດອັນລະອິດລະອ້ຽວ, ເສຍສະຫຼະເລືອດເນື້ອເພື່ອການປະຕິວັດ ເຊິ່ງໄດ້ເປັນຂີດ ໝາຍແຫ່ງໄຊຊະນະຕໍ່ສູ້ກູ້ຊາດອັນພິລະອາດຫານ, ນ້ຳໃຈອັນບໍລິສຸດຜຸດຜ່ອງດ້ວຍຄວາມສາມັກຄີ ແລະ ເສຍສະຫຼະອັນໃຫຍ່ຫຼວງຂອງກອງທັບ ປະຊາຊົນ ລາວ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ສາມາດປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາເປັນປະເທດ ສາທາລະນະລັດ ປະ ຊາທິປະໄຕ ປະຊາຊົນລາວ ໃນວັນທີ 2 ທັນວາ ປີ 1975 ແລະ ພັກໄດ້ວາງແນວທາງປ່ຽນແປງໃໝ່ຮອບດ້ານ ໂດຍເລີ່ມຈາກການປ່ຽນແປງດ້ານເສດຖະ ກິດຊຸກຍູ້ວຽກງານຫັນເຂົ້າສູ່ອຸດສາຫະກຳ, ທັນສະໄໝ ແລະ ສືບຕໍ່ຫັດແໜ້ນສາຍພົວພັນຮ່ວມມືກັບບັນດາປະເທດ ເພື່ອນມິດຍຸດທະສາດ, ມູນເຊື້ອສາຍ ສຳພັນສູ້ຮົບ ລະຫວ່າງກອງທັບປະຊາຊົນລາວ ກັບ ກອງທັບປະຊາຊົນຫວຽດນາມ ທີ່ໄດ້ດຳເນີນການຕໍ່ສູ້ຕ້ານພວກລ່າເມືອງຂຶ້ນແບບເກົ່າ ແລະ ແບບໃໝ່ ທີ່ຮຸກຮານລາວ ນັ້ນບັນດາກອງກຳລັງອາສາສະໝັກ ແລະ ຊ່ຽວຊານຫວຽດນາມ ເຊິ່ງເປັນພາກສ່ວນໜຶ່ງຂອງກອງທັບປະຊາຊົນຫວຽດນາມ ວິລະຊົນໄດ້ ຄຽງບ່າຄຽງໄຫຼ່ສູ້ຮົບຜ່ານຜ່າຄວາມຫຍຸ້ງຍາກນານາປະການ ແລະ ສືບຕໍ່ຫັດແໜ້ນສາຍສຳພັນໃຫ້ນັບມື້ມີຄວາມແໜ້ນແຟ້ນ ແລະ ຂະຫຍາຍຕົວຂຶ້ນຢ່າງ ບໍ່ຢຸດຢັ້ງ ຮ່ວມມືສາຍສຳພັນ ລາວ-ຈີນ ສິ່ງສຳຄັນແມ່ນມີພັກກອມມູນິດນຳພາການປະຕິວັດ ຄືກັນ ພັກ-ລັດຖະບານ ແລະ ປະຊາຊົນຈີນ ອ້າຍນ້ອງໄດ້ຢູ່ ຄຽງຂ້າງ ແລະ ໃຫ້ການສະໜັບສະໜູນຊ່ວຍເຫຼືອແກ່ການປະຕິວັດໃນປັດຈຸບັນ.

ແຫຼ່ງທີ່ມາ: ນ້ອຍຈັນໄພ ແກ້ວວັນເຮືອງ
ວັນທີ 09/11/2022