ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ວພກ ປິດ​ຂະ​ບວນ​ການ​ແຂ່ງຂັນ​ກິລາ​ມວນ​ຊົນ

 


    ໃນ​ບໍ່​ດົນ​ມາ​ນີ້, ວິທະຍາຄານ​ພະລາທິການ​ກອງທັບ (ວພກ) ໄດ້​ປິດ​ຂະ​ບວນ​ການ​ແຂ່ງຂັນ​ກິລາ​ມວນ​ຊົນ ໂດຍ​ການ​ເປັນ​ປະທານ​ຂອງ ສະຫາຍ ພັນ​ເອກ ບຸນ​ກ້ຽງ ວົງສາ​ ລາດ ຫົວໜ້າ​ການເມືອງ ​ວິທະຍາຄານ​ພະລາທິການ​ກອງທັບ, ມີ​ບັນດາ​ຄະນະ​ພັກ-ຄະນະ​ບັນຊາ 6 ຫ້ອງ 2 ກອງພັນ ພ້ອມ​ດ້ວຍ​ນັກ​ກິລາ ເຂົ້າຮ່ວມ. ຂະ​ບວນ​ການ​ແຂ່ງ​ກິ ລາ​ມວນ​ຊົນ ​ປະຈຳ​ປີ 2022 ຂອງ​ວິທະຍາຄານ​ພະລາທິການ​ກອງທັບ ​ໄດ້​ໄຂ​ຂຶ້ນ​ໃນ​ວັນ​ທີ 21 ພະຈິກ​ຜ່ານ​ມາ ແລະ ສຳເລັດ​ດ້ວຍ​ບັນຍາກາດ​ການ​ແຂ່ງຂັນ​ຄຶກຄື້ນ​ມ່ວນ ຊື່ນ ຕະຫຼອດ​ການ​ແຂ່ງຂັນ ເພື່ອ​ເປັນ​ການ​ສ້າງ​ບັນຍາກາດ​ຟົດຟື້ນ​ມ່ວນຊື່ນ​ຂ່ຳນັບ​ຮັບ​ຕ້ອນ​ວັນ​ປະຫວັດສາດ​ຂອງ​ຊາດ​ ຂອງ​ພັກ​ ຂອງ​ກອງທັບ​ເວົ້າ​ລວມ​ ເວົ້າ​ສະເພາະ​ວັນ​ ສ້າງຕັ້ງ​ກອງທັບ​ປະຊາຊົນ​ລາວ ຄົບ ຮອບ 74 ປີ​ທີ່​ຈະ​ມາ​ເຖິງ​ໃນ​ມໍ່ໆ​ນີ້ ໃຫ້​ມີ​ບັນຍາກາດ​ຟົດຟື້ນ​ມ່ວນຊື່ນ ແລະ ມີ​ຄວາມ​ໝາຍ​ເລິກເຊິ່ງ. ການ​ແຂ່ງຂັນ​ກີລາ​ໃນ​ຄັ້ງ​ນີ້ ປະ ກອບ​ມີ 5 ປະເພດ​ກິລາ: ບານເຕະ, ບານສົ່ງ​ຊາຍ-ຍິງ, ບານສົ່ງ​ອາວຸໂສ, ເປ​ຕັງ​ຊາຍ-ຍິງ, ເປ​ຕັງ​ປະສົມ​ຍິງ-ຊາຍ, ກະຕໍ້ ແລະ ກິລາ​ນັກຮົບ​ແຂງ​ແຮງ. ຜ່ານ​ການ​ແຂ່ງຂັນ​ຕົວ​ ຈິງ​ສາມາດ​ສະຫຼຸບ​ໄດ້​ດັ່ງນີ້: ກິລາ​ບານເຕະ​ຊະນະ​ເລີດ​ໄດ້ແກ່​ກອງພັນ​ທີ II, ທີ II ໄດ້ແກ່​ກອງພັນ​ທີ I ,ອັນ​ດັບ​ທີ III ໄດ້ແກ່​ຫ້ອງ​ອົບຮົມ, ອັນ​ດັບ​ທີ IV ໄດ້ແກ່​ປະສົມ 3 ຫ້ອງ; ບານສົ່ງ​ຊາຍ​ຊະນະ​ເລີດ ໄດ້ແກ່​ກອງພັນ​ທີ II, ທີ II ໄດ້ແກ່​ກອງພັນ​ທີ I, ທີ III ໄດ້ແກ່​ຫ້ອງ​ອົບຮົມ, ທີ IV ໄດ້ ແກ່​ຫ້ອງການ; ບານສົ່ງ​ຍິງ​ຊະນະ​ເລີດ​ໄດ້ແກ່​ຫ້ອງ​ອົບ ຮົມ, ທີ II ໄດ້ແກ່​ກອງພັນ​ທີ II, ທີ III ໄດ້ແກ່​ຫ້ອງ​ການເມືອງ, ທີ IV ໄດ້ແກ່​ຫ້ອງການ; ບານສົ່ງ​ອາວຸໂສ​ຊະນະ​ເລີດ​ໄດ້ແກ່​ຫ້ອງ​ການເມືອງ, ທີ II ໄດ້ແກ່​ກອງພັນ​ທີ I, ທີ III ໄດ້ແກ່​ຫ້ອງ​ອົບຮົມ, ທີ IV ໄດ້ແກ່​ຫ້ອງ​ເຕັກນິກ; ເປ​ຕັງ​ຊາຍ​ຊະນະ​ເລີດ​ໄດ້ແກ່​ກອງພັນ​ທີ I, ທີ II ໄດ້ແກ່​ກອງພັນ​ທີ II, ທີ III ໄດ້ ແກ່​ຫ້ອງການ, ທີ IV ໄດ້ແກ່​ຫ້ອງ​ວິທະຍາ ສາດ​ປະ​ຫັວດ​ສາດ; ເປ​ຕັງ​ຍິງ​ຊະນະ​ເລີດ​ໄດ້ແກ່​ຫ້ອງ​ການເມືອງ, ທີ II ໄດ້ແກ່​ກອງພັນ​ທີ II, ທີ III ໄດ້ແກ່​ຫ້ອງ​ວິທະຍາສາດ​ປະ​ຫັວດ​ສາດ, ທີ IV ໄດ້ແກ່​ຫ້ອງ​ເຕັກນິກ; ເປ​ ຕັງ​ປະສົມ​ຊະນະ​ເລີດ​ໄດ້ ແກ່​ກອງພັນ​ທີ I, ທີ II ໄດ້ແກ່​ຫ້ອງ​ພະລາທິການ, ທີ III ໄດ້ແກ່​ຫ້ອງ​ອົບຮົມ, ທີ IV ໄດ້ແກ່​ຫ້ອງ​ວິທະຍາສາດ​ປະ​ຫັດ​ສາດ;ກະຕໍ້​ຊະນະ​ເລີດ ໄດ້ແກ່​ ກອງພັນ​ທີ II, ທີ II ໄດ້ແກ່​ຫ້ອງ​ພະ​ລາ, ທີ III ໄດ້ແກ່ ກອງພັນ​ທີ I, ທີ IV ໄດ້ແກ່​ຫ້ອງ ການ.

ແຫຼ່ງທີ່ມາ: ບຸນປອນ ພັນດາລາ