ປະກາດບົ່ງຕົວແຕ່ງຕັ້ງປ່ຽນແທນກໍາມະການຄະນະພັກ
ແລະ ປະກາດແຕ່ງຕັ້ງນາຍທະຫານ ຂັ້ນບັນຊາ-ນໍາພາຢູ່ ກອງພັນໃຫຍ່ 605

     ໃນວັນທີ 24 ຕຸລາ 2024 ນີ້, ກອງພັນໃຫຍ່ 605 ໄດ້ຈັດພິທີປະກາດການບົ່ງຕົວແຕ່ງຕັ້ງປ່ຽນກໍາມະການຄະນະພັກ ແລະ ປະກາດແຕ່ງ
ຕັ້ງນາຍທະຫານຂັ້ນບັນຊາ-ນໍາພາ. ໂດຍການເປັນປະທານຂອງ ສະຫາຍ ພົນຕີ ວົງສອນ ອິນປານພິມ ກໍາມະການຄະນະປະຈໍາພັກ ກະຊວງປ້ອງ
ກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີຕາງໜ້າກົມຈັດຕັ້ງພັກກົມໃຫຍ່ການເມືອງກອງທັບ, ມີຕາງໜ້າກົມປືນໃຫຍ່ໜ້າດິນ,
ມີຄະນະພັກ-ຄະນະບັນຊາ, ພະແນກການ, ກົມກອງ ແລະ ສະມາຊິກພັກ-ພະນັກງານຫຼັກແຫຼງ ເຂົ້າຮ່ວມ.

     ສະຫາຍ ພັນໂທ ສົມເພັດ ຈັນທະພິມ ຕາງໜ້າກົມຈັດຕັ້ງພັກກົມໃຫຍ່ການເມືອງກອງທັບ, ໄດ້ຜ່ານມະຕິຕົກລົງກະຊວງປ້ອງກັນປະເທດ
ວ່າດ້ວຍການແຕ່ງຕັ້ງປ່ຽນແທນກໍາມະການຄະນະພັກກອງພັນໃຫຍ່ 605, ອີງຕາມກົດລະບຽບຂອງພັກປະຊາຊົນປະຕິວັດລາວ, ອີງຕາມ ໜັງ
ສືສະເໜີຂອງກົມໃຫຍ່ການເມືອງກອງທັບ, ໃນນີ້ຄະນະພັກກະຊວງປ້ອງກັນປະເທດ ຕົກລົງແຕ່ງຕັ້ງ ສະຫາຍ ພັນໂທ ສີໃສ ວິໄລພັນ ຮອງຫົວ
ໜ້າພະແນກການເມືອງ ເປັນກໍາມະການຄະນະພັກກອງພັນໃຫຍ່ 605, ພ້ອມນີ້ ສະຫາຍ ພັນໂທ ທອງສອນ ທໍາມະວົງ ຫົວໜ້າຂະແໜງພະ
ນັກງານກອງພັນໃຫຍ່ 605 ໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຮອງຫົວໜ້າພະແນກເສນາທິການກອງພັນ
ໃຫຍ່ 605, ອີງຕາມກົດໝາຍນາຍທະຫານກອງທັບປະຊາຊົນລາວ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ອີງຕາມທິດທາງການປັບປຸງ
ບູລະນະການຈັດຕັ້ງນໍາພາ-ບັນຊາ ໃນກໍາລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ີອເຮັດສໍາເລັດໜ້າທີ່ປົກປັກຮັກສາ ແລະ ພັດ
ທະນາປະເທດຊາດ, ອີງຕາມ ການສະເໜີຂອງກົມປືນໃຫຍ່ໜ້າດິນກົມໃຫຍ່ເສນາທິການກອງທັບ, ໃນນີ້ ກົມໃຫຍ່ການເມືອງກອງທັບ ຕົກລົງ
ແຕ່ງຕັ້ງ ສະຫາຍ ພັນໂທ ຄໍາທອນ ຫຼ້າຊໍາ ເປັນຮອງຫົວໜ້າພະແນກເສນາທິການກອງພັນໃຫຍ່ 605, ສະຫາຍ ພັນໂທ ເກສອນ ສົມສີອອນ
ເປັນຫົວໜ້າການທະຫານກອງພັນທີ 2, ສະຫາຍ ຮ້ອຍເອກ ພູທອນ ກັນຍາວົງ ເປັນຮອງຫົວໜ້າການທະຫານກອງພັນທີ 2 ກອງພັນໃຫຍ່
605, ຂໍ້ຕົກລົງຂອງກອງພັນໃຫຍ່ 605 ວ່າດ້ວຍການແຕ່ງຕັ້ງໜ້າທີ່ບັນຊາຂັ້ນກອງພັນນ້ອຍ. ໃນນີ້, ກອງພັນໃຫຍ່ 605 ຕົກລົງແຕ່ງຕັ້ງ ສະ
ຫາຍ ຮ້ອຍເອກ ສຸກຂີ ແສງສອນ ເປັນຫົວໜ້າການທະຫານກອງຮ້ອຍ 2 ກອງພັນນ້ອຍທີ 2, ສະຫາຍ ຮ້ອຍເອກ ສຸດໃຈ ວົງຄໍາຊາວ ເປັນຮອງ
ການທະຫານກອງຮ້ອຍ 3, ສະຫາຍ ຮ້ອຍໂທ ອຸຍນະກອນ ຈິດຕະນົນ ເປັນຮອງການທະຫານກອງຮ້ອຍ 2, ສະຫາຍ ຮ້ອຍຕີ ສີເຫັ່ງ ຄໍາສຸລິຍະ
ວົງສາ ເປັນຫົວໜ້າໝວດບັນຊາກອງພັນທີ 2 ກອງພັນໃຫຍ່ 605, ຄໍາສັ່ງຍົກຍ້າຍ ສະຫາຍ ຮ້ອຍໂທ ແສງສຸລິນ ວອນມີໄຊ ກອງຮ້ອຍວັດແທກ
ໄປຊ່ວຍວຽກພັກ-ພະນັກງານກອງພັນທີ 3, ສະຫາຍ ພັນຕີ ສອນສັກສິດ ຊາມົນຕີ ເປັນຫົວໜ້າຂໍ1 ກອງຮ້ອຍ1 ກອງພັນທີ 3 ແລະ ແຕ່ງຕັ້ງໜ້າ
ທີ່ຂັ້ນຫົວໜ້າໝວດ, ຮອງໝວດ ຢູ່ກອງພັນທີ 3 ຂຶ້ນກັບກອງພັນໃຫຍ່ 605, ພ້ອມນີ້ ກໍ່ຍັງໄດ້ຜ່ານຂໍ້ຕົກລົງຂອງຄະນະພັກກອງພັນໃຫຍ່ 605
ວ່າດ້ວຍການບົ່ງຕົວແຕ່ງຕັ້ງປ່ຽນແທນຄະນະພັກຮາກຖານ ແລະ ຄະນະໜ່ວຍພັກພະແນກການເມືອງ, ຄະນະພັກກອງພັນໃຫຍ່ 605 ຕົກລົງ
ແຕ່ງຕັ້ງ ສະຫາຍ ພັນໂທ ໄຊຍະພອນ ປະທິລາດ ເປັນເລຂາຄະນະພັກຮາກຖານປ່ຽນແທນ ສະຫາຍ ພັນໂທ ໄມສີ ມາວັນດີ, ສະຫາຍ ພັນໂທ
ສີໃສ ວິໄລພັນ ເປັນຮອງເລຂາຄະນະພັກຮາກຖານປ່ຽນແທນ ສະຫາຍ ພັນໂທ ໄຊຍະພອນ ປະທິລາດ, ສະຫາຍ ພັນໂທ ທອງສອນ ທໍາມະວົງ
ເປັນກຳມະການໂຄສະນາປ່ຽນແທນ ສະຫາຍ ພັນໂທ ສີໃສ ວິໄລພັນ ແລະ ບົ່ງຕົວແຕ່ງຕັ້ງ ສະຫາຍ ພັນຕີ ອາໂລ ໄຊຍະຈັກ ເປັນເລຂາໜ່ວຍພັກ
ທີ 1, ສະຫາຍ ພັນໂທ ສີສະຫວາດ ລາດຕະສິນ ເປັນເລຂາໜ່ວຍພັກທີ 2, ສະຫາຍ ພັນໂທ ສະໄໝ ວັນນະປະເສີດ ເປັນຮອງເລຂາໜ່ວຍພັກທີ
2 ແລະ ສະຫາຍ ຮ້ອຍເອກ ຄໍາຖະໜອມ ສິມມະວົງ ເປັນກໍາມະການ-ການຄັງໜ່ວຍພັກທີ 2, ຮາກຖານພັກພະແນກການເມືອງ, ສະຫາຍ ພັນ
ໂທ ຄໍາທອນ ຫຼ້າຊໍາ ເປັນຮອງເລຂາຄະນະພັກຮາກຖານ ພະແນກເສນາ, ສະຫາຍ ພັນໂທ ເກສອນ ສົມສີອອນ ເປັນເລຂາຄະນະພັກຮາກຖານ
ກອງພັນທີ 2, ສະຫາຍ ຮ້ອຍເອກ ພູທອນ ກັນຍາວົງ ເປັນກໍາມະການກວດກາຄະນະພັກຮາກຖານ ແລະ ສະຫາຍ ຮ້ອຍເອກ ສຸກຂີ ແສງສອນ
ເປັນຮອງເລຂາໜ່ວຍພັກທີ 2 ຮາກຖານພັກກອງພັນທີ 2 ກອງພັນໃຫຍ່ 605.

     ໂອກາດນີ້, ສະຫາຍ ພົນຕີ ວົງສອນ ອິນປານພິມ ກໍ່ໄດ້ເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນ, ສະມາຊິກພັກ, ພະນັກງານ-ນັກຮົບ
ທຸກສະຫາຍ ເອົາໃຈໃສ່ສຶກສາອົບຮົມການເມືອງນໍາພາ-ແນວຄິດ ຕິດພັນກັບການປະຕິບັດໜ້າທີ່ການເມືອງຂອງກົມກອງ, ມີຄວາມຈົງຮັກພັກດີ
ຕໍ່ປະເທດຊາດ, ຕໍ່ພັກ-ລັດ ແລະ ຕໍ່ປະຊາຊົນ, ມີຄວາມເປັນເອກະພາບຕໍ່ແນວທາງນະໂຍບາຍປ່ຽນແປງໃໝ່ຂອງພັກ, ສຸມໃສ່ປັບປຸງກໍ່ສ້າງພັກໃຫ້
ປອດໃສ, ເຂັ້ມແຂງ, ໜັກແໜ້ນ, ເອົາໃຈໃສ່ແກ້ໄຂປະກົດການຫຍໍ້ທໍ້ພາຍໃນພັກ, ເອົາໃຈໃສ່ວຽກງານຂະຫຍາຍພັກຮັບປະກັນໄດ້ທັງປະລິມານ
ແລະ ຄຸນນະພາບຂອງສະມາຊິກພັກ, ຍົກສູງວຽກງານສ້າງພະນັກງານສືດທອດປ່ຽນແທນໃນແຕ່ລະຂັ້ນໃຫ້ຮັບປະກັນຄຸນນະພາບ, ມີຄວາມຮູ້
ຄວາມສາມາດ, ເອົາໃຈໃສ່ປະຕິບັດໜ້າທີ່ການເມືອງຂອງກົມກອງ, ເອົາໃຈໃສ່ເຄື່ອນໄຫວຫັນເອົາກໍາລັງລົງກໍ່ສ້າງຮາກຖານການເມືອງຕາມຂອບ
ເຂດກົມກອງຮັບຜິດຊອບ ແລະ ຂອບເຂດກົມກອງຕັ້ງທັບໃຫ້ມີຄວາມສະຫງົບໂດຍພື້ນຖານ, ຕິດພັນກັບວຽກງານສ້າງເສດຖະກິດແກ້ໄຂຊີວິກ
ການເປັນຢູ່ຂອງກົມກອງບົນຈິດໃຈກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ສຸມໃສ່ວຽກງານ 4 ປູກ 4 ລ້ຽງຕາມທິດ
ຂອງກົມໃຫຍ່ພະລາທິການວາງອອກ, ໂດຍສະເພາະຜູ້ທີ່ໄດ້ຮັບໜ້າທີ່ໃໝ່ ສືບຕໍ່ຊີ້ນໍານໍາພາ-ຊີ້ນໍາ ກົມກອງເຮັດສໍາເລັດໜ້າທີ່ການເມືອງຕາມການ
ຈັດຕັ້ງຂັ້ນເທິງມອບໝາຍໃຫ້, ປັບປຸງກໍ່ສ້າງກົມກອງໃຫ້ມີຄວາມເຕີບໃຫຍ່ເຂັ້ມແຂງ ໜັກແໜ້ນ, ມີແບບແຜນທັນສະໄໝຂຶ້ນໄປເລື້ອຍໆ.

ແຫຼ່ງຂ່າວໂດຍ ນ. ໜູແດງ ລາດສະແກ້ວ+ເພັງ ມະນີລະສິດ
ວັນທີ 29/10/2024