ກົມພົວພັນຕ່າງປະເທດ ເປີດເຝິກອົບຮົມ ວຽກງານການຕ່າງປະເທດ

ສະຫາຍ ພົນຕີ ໄພວັນ ຈັນທະພົມມາ ຫົວໜ້າຫ້ອງວ່າການ ກະຊວງປ້ອງກັນປະເທດ ​ເປັນ​ປະທານ ໃນວັນທີ 28 ເມສາ 2026

    ໃນວັນທີ 28 ເມສາ 2026 ນີ້, ກົມພົວພັນຕ່າງປະເທດ ກະຊວງປ້ອງກັນປະເທດ ໄດ້ເປີດຊຸດເຝິກອົບຮົມ ວຽກງານການຕ່າງປະເທດ ໃຫ້
ພະນັກງານກົມພົວພັນຕ່າງປະເທດ ແລະ ພະແນກພົວພັນຕ່າງປະເທດ ກົມກອງກຳລັງຫຼວງ ໃນຂອບເຂດນະຄອນຫຼວງວຽງຈັນ, ໂດຍການເປັນ
ປະທານຂອງ ສະຫາຍ ພົນຕີ ໄພວັນ ຈັນທະພົມມາ ຫົວໜ້າຫ້ອງວ່າການ ກະຊວງປ້ອງກັນປະເທດ, ມີຄະນະພັກ-ຄະນະບັນຊາ, ນັກວິທະຍາ
ກອນ ແລະ ສຳມະນາກອນ ເຂົ້າຮ່ວມ.

     ສະຫາຍ ພົນຕີ ໄພວັນ ຈັນທະພົມມາ ໄດ້ກ່າວວ່າ: ການເປີດເຝີກອົບຮົມ ວຽກງານການຕ່າງປະເທດຄັ້ງນີ້ ເປັນການຈັດຕັ້ງປະຕິບັດມະຕິກອງ
ປະຊຸມໃຫຍ່ ຂອງຄະນະພັກກະຊວງປ້ອງກັນປະເທດ ໂດຍສະເພາະແມ່ນໜ້າທີ່ໃຫຍ່ທີ IV ວຽກງານພົວພັນ ແລະ ຮ່ວມມືສາກົນ ທີ່ນອນຢູ່ໃນ 4
ໜ້າທີ່ໃຫຍ່ 26 ແຜນງານ ຂອງກອງທັບປະຊາຊົນລາວ ໃຫ້ປະກົດຜົນເປັນຈິງ, ເຊິ່ງບັ້ນອົບຮົມ​ໃນ​ຄັ້ງ​ນີ້, ນັກສຳມະນາກອນຈະໄດ້ອົບຮົມບັນດາຫົວ
ຂໍ້ທີ່ສຳຄັນ ເປັນຕົ້ນແມ່ນ ແນວທາງການຕ່າງປະເທດຂອງພັກ-ລັດ, ພາລະບົດບາດຂອງກົມພົວພັນຕ່າງປະເທດ, ວຽກງານພິທີການ, ວຽກງານສຳ
ເນົາເອກະສານ, ການວິເຄາະວິໄຈຂ່າວ, ວຽກງານອາຊຽນ ແລະ ອື່ນໆ. ບັນດາຫົວຂໍ້ທີ່ໄດ້ກ່າວມານັ້ນ ລ້ວນແຕ່ເປັນຫົວຂໍ້ທີ່ສຳຄັນ ແລະ ຕິດພັນໂດຍ
ກົງກັບວຽກງານພົວພັນຕ່າງປະເທດ. ສະນັ້ນ, ຈຶ່ງຮຽກຮ້ອງໃຫ້ບັນດານັກເຝິກອົບຮົມເອົາໃຈໃສ່ປະຕິບັດໂມງເວລາຂຶ້ນຫ້ອງ ແລະ ຕັ້ງໃຈຄົ້ນຄວ້າແລກ
ປ່ຽນບົດຮຽນເຊິ່ງກັນ ແລະ ກັນ ເພື່ອພ້ອມກັນຖອດຖອນເອົາເປັນບົດຮຽນ ນຳໄປໝູນໃຊ້ເຂົ້າໃນວຽກງານຕົວຈິງ ໃຫ້ໄດ້ຮັບໝາກຜົນສູງ. ບັ້ນເຝິກ
ອົບຮົມຈະໄດ້ດຳເນີນເປັນເວລາ 3 ວັນ.

ແຫຼ່ງຂ່າວໂດຍ ນາງ ໜູແດງ
ວັນທີ 29/04/2026