ຄະນະພັກຮາກຖານໂຮງຮຽນເຫຼົ່າຮົບຊ່າງແສງ 506
ດຳເນີນກອງປະຊຸມໃຫຍ່ສະມາຊິກພັກ ຄັ້ງທີ VI

    ໃນວັນທີ 29 ສິງຫາ 2024 ນີ້, ຄະນະພັກຮາກຖານໂຮງຮຽນເຫຼົ່າຮົບຊ່າງແສງ 506 ໄດ້ດຳເນີນກອງປະຊຸມໃຫຍ່ສະມາຊິກພັກ ຄັ້ງທີ VI,
ໂດຍການເປັນປະທານຂອງ ສະຫາຍ ພົນຕີ ສົມພອນ ມິດຕະພອນ ກຳມະການຄະນະພັກ ກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາ
ທິການກອງທັບ, ມີຄະນະພັກ-ຄະນະບັນຊາ, ແຂກຖືກເຊີນພ້ອມດ້ວຍສະມາຊິກພັກສົມບູນ-ສຳຮອງ ເຂົ້າຮ່ວມ.

     ສະຫາຍ ພັນໂທ ວຽງສະຫວັນ ດາລາແສນ ເລຂາຄະນະພັກຮາກຖານ ໂຮງຮຽນເຫຼົ່າຮົບຊ່າງແສງ 506 ໄດ້ຂຶ້ນຜ່ານບົດລາຍງານການເມືອງ
ທັງສອງພາກ ຖືເອົາວຽກງານສຶກສາອົບຮົມການເມືອງ-ແນວຄິດ, ເພື່ອເຮັດໃຫ້ພະນັກງານ-ນັກຮົບ ກໍຄືຄູອາ-ຈານ ແຕ່ລະສະຫາຍ ໃຫ້ກຳແໜ້ນ
ແນວທາງນະໂຍບາຍຂອງພັກ, ກົດໝາຍຂອງລັດ, ມີສະຕິຕື່ນຕົວສູງ, ມີຄວາມຮັບຜິດຊອບຕໍ່ພາລະໜ້າທີ່ຂອງຕົນເອງ, ໃນນີ້ ໂຮງຮຽນເຫຼົ່າຮົບ
ຊ່າງແສງ ມີ 1 ຄະນະພັກຮາກຖານ, ມີ 6 ໜ່ວຍພັກຂຶ້ນກັບ, ມີຈຳນວນສະມາຊິກພັກທັງໝົດ 171 ສະຫາຍ, ຍິງ 30 ສະຫາຍ, ສຳຮອງ 13 ສະ
ຫາຍ, ຍິງ 2 ສະຫາຍ, ໄດ້ເປີດຮຽນສະໜັບສະໜູນ ໃຫ້ນັກຮຽນທີ່ຮຽນຈົບ 5 ຊຸດ ຈໍານວນ 95 ສະຫາຍ, ຮັບມະຫາຊົນເຂົ້າພັກໄດ້ ຈໍານວນ 72
ສະຫາຍ, ເລື່ອນສະມາຊິກພັກສຳຮອງ ຂຶ້ນເປັນສະມາຊິກພັກສົມບູນ ຈໍານວນ 70 ສະຫາຍ, ສາມາດແບ່ງສະມາຊິກພັກແຂງ: 171 ສະຫາຍ, ຍິງ
30 ສະຫາຍ ເທົ່າກັບ 71.54% ພ້ອມນັ້ນ ຍັງປະຕິບັດຕາມແຜນການກໍ່ສ້າງ ແລະ ຄຸ້ມຄອງພະນັກງານໃນໄລຍະໃໝ່ ກໍ່ສ້າງພະນັກງານ 3 ຮຸ່ນ,
ໃຫ້ມີຄວາມຮູ້ຄວາມສາມາດ, ມີຄຸນສົມບັດ-ສິນທຳປະຕິວັດ, ໄດ້ສະເໜີຂັ້ນເທິງມອບໝາຍໜ້າທີ່, ຂັ້ນພະແນກ 1 ສະຫາຍ ແລະ ຫົວໜ້າຂະ
ແໜງ 40 ສະຫາຍ, ສົ່ງໄປຮຽນພາຍໃນ ແລະ ຕ່າງປະເທດ 41 ສະຫາຍ, ໃນໄລຍະ 5 ປີຜ່ານມາ ໂຮງຮຽນໄດ້ຮັບການຍ້ອງຍໍປະເພດຕ່າງໆ ນັບ
ທັງບຸກຄົນ ແລະ ລວມໝູ່ ມີຄື: ຍ້ອງຍໍກະຊວງປ້ອງກັນປະເທດ 35 ໃບ, ຍ້ອງຍໍກົມໃຫຍ່ການເມືອງກອງທັບ 42 ໃບ, ຍ້ອງຍໍປະຈໍາປີຂັ້ນໂຮງ
ຮຽນເຫຼົ່າຮົບຊ່າງແສງ 73 ໃບ, ໃບຊົມເຊີຍ 55 ໃບ, ນອກນີ້ ຍັງໄດ້ສ້າງລາຍຮັບ ຈາກການປູກ ການລ້ຽງ ຂອງນັກຮຽນ ລວມມູນຄ່າທັງໝົດ
223.941.000 ກີບ, ໃນພິທີ ໄດ້ພ້ອມກັນໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະພັກຮາກຖານຊຸດໃຫມ່ໃນຄັ້ງນີ້ຄັດເລືອກໄດ້: ສະ
ຫາຍ ພັນໂທ ວຽງສະຫວັນ ດາລາແສນ ເປັນເລຂາໜ່ວຍພັກ, ສະຫາຍ ພັນໂທ ບຸນທັນ ພະສະຫວັດ ເປັນຮອງເລຂາ, ສະຫາຍ ພັນໂທ ບຸນຮອງ
ບຸນຄຳ ເປັນກຳມະການກວດກາ, ສະຫາຍ ພັນໂທ ພົມມະນີ ລາດສະບຸດ ເປັນກຳມະການຈັດຕັ້ງ, ສະຫາຍ ພັນໂທ ບຸນກອງ ສີວົງຊໍາ ເປັນກຳມະ
ການປ້ອງກັນ, ສະຫາຍ ພັນໂທ ເພັດສະໝອນ ແພງສະຫວັນ ເປັນກຳມະການໂຄສະນາ, ສະຫາຍ ພັນໂທ ຄຳແສງ ຊຸມພົນພັກດີ ເປັນກຳມະການ
ການຄັງ.

ແຫຼ່ງຂ່າວໂດຍ ຂກທ
ວັນທີ 28/08/2024