3 ໜ່ວຍພັກ ທີ່ຂຶ້ນກັບຄະນະພັກຮາກຖານ ໂຮງງານປະສານເຫຼົ່າພາກໄຕ້ ສະຫຼຸບຖອດຖອນ
ບົດຮຽນການປັບປຸງກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2024

ສະຫາຍ ພົນຈັດຕະວາ ທອງພັນ ສຸທໍາມະວົງ ຄະນະພັກກະຊວງປ້ອງກັນປະເທດ ​ເປັນ​ປະທານ

    ວັນທີ 20 ມິຖຸນາ 2024 ນີ້, 3 ໜ່ວຍພັກທີ່ຂຶ້ນກັບຄະນະພັກຮາກຖານ ໂຮງງານປະສານເຫຼົ່າພາກ​ໃຕ້ ໄດ້ສະຫຼຸບຖອດຖອນບົດຮຽນການປັບ
ປຸງກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2024 ໂດຍການເປັນປະທານຂອງ ສະຫາຍ ພົນຈັດຕະວາ ທອງພັນ ສຸທໍາມະວົງ ຄະ
ນະພັກກະຊວງປ້ອງກັນປະເທດ ຮັກສາການຫົວໜ້າກົມໃຫຍ່ເຕັກນິກກອງທັບ, ມີ ສະຫາຍ ພັນເອກ ສັກສີ ຈັນທະບັນດິດ ເລຂາຄະນະພັກຮາກຖານ
ຫົວໜ້າອໍານວຍການ ໂຮງງານປະສານເຫຼົ່າພາກ​ໃຕ້ ພ້ອມດ້ວຍຄະນະ, ມີຄະນະກວດກາການປັບປຸງກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ,
ຄະນະໜ່ວຍພັກທັງ 3 ໜ່ວຍ ແລະ ພະແພກການ ຕະຫຼອດຮອດພະນັກງານສະມາຊິກພັກເຂົ້າຮ່ວມ.

     ສະຫາຍ ພັນເອກ ສັກສີ ຈັນທະບັນດິດ ເລຂາຄະນະພັກຮາກຖານ ອໍານວຍການໂຮງງານປະສານເຫຼົ່າພາກໃຕ້ ໄດ້ຂຶ້ນລາຍງານຜົນການຕີລາຄາ
ການປັບປຸງກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ທັງ 3 ໜ່ວຍພັກ ເຊິ່ງຄະນະພັກຮາກຖານໂຮງງານປະສານເຫຼົ່າພາກ​ໃຕ້ ມີສະມາຊິກພັກ
ທັງໝົດ 63 ສະຫາຍ, ຍິງ 9 ສະຫາຍ, ສະມາຊິກພັກສຳຮອງ 07 ສະຫາຍ, ລວມມີ 3 ໜ່ວຍພັກທີ່ຂື້ນກັບຄະນະພັກຮາກຖານ ແຕ່ລະໜ່ວຍພັກ
ໄດ້ຈັດແບ່ງປະເພດສະມາຊິກພັກຖືກຕ້ອງຕາມລະບຽບຫຼັກການຂອງພັກ, ເຊີ່ງມີສະມາຊິກພັກແຂງກວມເອົາສ່ວນຫຼາຍຢູ່ໃນແຕ່ລະໜ່ວຍພັກ ແລະ
ສະເໜີຮັບຮອງເປັນໜ່ວຍພັກແຂງຫຼາຍສະໄໝຕິດຕໍ່ກັນ, ໃນກອງປະຊຸມ ສະຫາຍ ພັນເອກ ວຽງທອງ ພັດທະສິດ ຮອງຫ້ອງການເມືອງ ກົມໃຫ່ຍ
ເຕັກນິກກອງທັບ ຍັງໄດ້ຂຶ້ນອ່ານຂໍ້ຕົກລົງຂອງ ກະຊວງປ້ອງກັນປະເທດ ວ່າດ້ວຍການເລື່ອນຊັ້ນ, ທຽບຊັ້ນໃຫ້ນາຍທະຫານ ຢູ່ກົມໃຫຍ່ເຕັກນິກ ອີງ
ຕາມ ກົດໝາຍນາຍທະຫານກອງທັບປະຊາຊົນລາວ. ສະບັບເລກທີ 43/ສພຊ ລົງທີ 14 ມິຖຸນາ 2018 ໃນພາກທີ II ແລະ ໜວດທີ 3 ມາດຕາ 22
ແລະ ມາດຕາ 23 ວ່າດ້ວຍການເລື່ອນຊັ້ນ ນາຍທະຫານ ແລະ ຂໍ້ຕົກລົງ ວ່າດ້ວຍການອະນຸມັດໃຫ້ນາຍທະຫານພັກການຮັບບໍານານ ອີງຕາມກົດໝາຍ
ວ່າດ້ວຍນາຍທະຫານ ກອງທັບປະຊາຊົນລາວ ເລກທີ 43/ສພຊ ລົງວັນທີ14/06/2018 ອີງຕາມຂໍ້ຕົກລົງ ລັດຖະມົນຕີກະຊວງປ້ອງກັນປະເທດ ເລກ
ທີ 307 1/08/2017 ອີງຕາມການຄົ້ນຄວ້າ ແລະ ນໍາສະເໝີຂອງ ກົມໃຫ່ຍການເມືອງກອງທັບ. ໃນນີ້ເລື່ອນຊັ້ນ ຮ້ອຍເອກ ຂຶ້ນເປັນຊັ້ນ ພັນຕີ ຈຳນວນ
02 ສະຫາຍ, ເລື່ອນຊັ້ນ ຮ້ອຍໂທ ຂຶ້ນເປັນຊັ້ນ ຮ້ອຍເອກ ຈຳນວນ 02 ເລື່ອນຊັ້ນ ຮ້ອຍຕີ ຂຶ້ນເປັນຊັ້ນຮ້ອຍໂທ ຈໍານວນ 03 ສະຫາຍ. ແລະ ພັກການ
ຮັບບໍານານ ຈໍານວນ 01 ສະຫາຍຄື: ສະຫາຍ ພັນໂທ ສົມຈິດ ຄໍາບຸດດີ ຫົວໜ້າຂະແໜງວັດຖຸໂຮງງານປະສານເຫຼົ່າພາກ​ໃຕ້.

     ໂອກາດນີ້, ສະຫາຍ ພົນຈັດຕະວາ ທອງພັນ ສຸທໍາມະວົງ ຄະນະພັກກະຊວງປ້ອງກັນປະເທດ ຮັກສາການຫົວໜ້າ ກົມໃຫ່ຍເຕັກນິກກອງທັບ ກໍ່
ໄດ້ມີຄໍາເຫັນໂອ້ລົມຕໍ່ກອງປະຊຸມ ເຊິ່ງກ່ອນອື່ນໜົດສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ບັນດາໜ່ວຍພັກຍາດມາໄດ້ພ້ອມທັງຮຽກ
ຮ້ອງໃຫ້ ຄະນະພັກ-ຄະນະບັນຊາ ທຸກຂັ້ນ ແລະສະມາຊິກພັກແຕ່ລະສະຫາຍເອົາໃຈໃສ່ກໍາແໜ້ນຄວາມໝາຍ, ຄວາມສຳຄັນໃນການປັບປຸງກໍ່ສ້າງໜ່ວຍ
ພັກ ປອດໃສ, ເຂັ້ມແຂງ, ໜັກແໜ້ນ, ໂດຍປະຕິບັດຕາມ 5 ຫຼັກການ 3 ທິດນຳຂອງພັກ, ພະນັກງານໃນການຈັດຕັ້ງປະຕິບັດໃຫ້ຖືກຕ້ອງຕາມລະບຽບ
ຫຼັກການ, ແນໃສ່ໃຫ້ການຈັດແບ່ງປະເພດສະມາຊິກພັກ, ໜ່ວຍພັກໃຫ້ໄດ້ຮັບຄຸນນະພາບດີ, ເປັນເຈົ້າການສຶກສາອົບຮົມຄຸນທາດການເມືອງນຳພາແນວ
ຄິດໃຫ້ ໜັກແໜ້ນ ເຂັ້ມແຂງ ຮອບດ້ານ, ເຮັດໃຫ້ສະມາຊິກພັກແຕ່ລະຂັ້ນມີຄວາມອຸນອ່ຽນທຸ່ນທ່ຽງ, ບໍ່ຫວັ່ນໄຫວຄອນແຄນຕໍ່ກົນອຸບາຍການຫັນປ່ຽນ
ໂດຍສັນຕິຂອງສັດຕູ, ມີສະຕິຕໍ່ການຈັດຕັ້ງປະຕິບັດຂໍ້ກຳນົດກົດລະບຽບຂອງກົມກອງວາງອອກຢ່າງເຂັ້ມງວດ, ຍົກສູງຄວາມຮັບຜິດຊອບຕໍ່ໜ້າທີ່ການ
ເມືອງຂອງຕົນໃຫ້ສູງກວ່າເກົ່າ, ສ້າງຄວາມສາມັກຄີພາຍໃນ-ພາຍນອກໃຫ້ເປັນເອກະພາບ, ລວມສູນປະຊາທິປະໄຕ ເຮັດວຽກເປັນໝູ່ຄະນະ, ແບ່ງຄວາມ
ຮັບຜິດຊອບໃຫ້ບຸກຄົນຢ່າງຈະແຈ້ງ, ພ້ອມກັນປະກອບສ່ວນປັບປຸງກໍ່ສ້າງກົມກອງໃຫ້ມີຄວາມປອດໃສ, ເຂັ້ມແຂງ, ໜັກແໜ້ນຮອບດ້ານ.

ແຫຼ່ງຂ່າວໂດຍນ. ບົວທອນ ສຸທໍາມະວົງ
ວັນທີ 25/06/2024