ໂຮງຮຽນກໍ່ສ້າງນາຍສິບເຫຼົ່າຮົບ ໄຂສົກຮຽນໃໝ່ 2024-2025

    ວັນທີ 20 ກັນຍາ 2024 ນີ້, ໂຮງຮຽນກໍ່ສ້າງນາຍສິບເຫຼົ່າຮົບ ໄດ້ໄຂສົກຮຽນໃໝ່ 2024-2025 ໂດຍການເຂົ້າຮ່ວມເປັນປະທານຂອງ
ສະຫາຍ ພົນຕີ ວັນທອງ ບຸດຕະວົງ ຮອງຫົວໜ້າກົມໃຫຍ່ເສນາທິການກອງທັບ, ມີສະຫາຍ ສີວິໄລ ແສງຈະເລີນ ຮອງເຈົ້າແຂວງ ແຂວງ ຊຽງ
ຂວາງ, ມີບັນດາຕາງໜ້າຫົວໜ້າກົມ, ຮອງກົມ, ຄະນະພັກ-ຄະນະອໍານວຍການ, ແຂກຖືກເຊີນ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.

     ສະຫາຍ ພັນໂທ ລັດສະໝີ ແສງດາວັນ ຫົວໜ້າອົບຮົມໂຮງຮຽນກໍ່ສ້າງນາຍສິບເຫຼົ່າຮົບ ໄດ້ຜ່ານຂໍ້ຕົກລົງ ຂອງກົມໃຫຍ່ເສນາທິການກອງ
ທັບ ວ່າດ້ວຍການອະນຸມັດເປີດຮຽນກໍ່ສ້າງນາຍສິບ 3 ລະບົບ ຊຸດທີ I ສົກຮຽນ 2024 2025 ແລະ ແຜນການອົບຮົມກໍ່ສ້າງນາຍສິບລະບົບ
1 ປີ ເຊິ່ງມີນັກຮຽນທັງໝົດ 180 ສະຫາຍ ທີ່ມາຈາກກໍາລັງຫຼວງ ແລະ ກໍາລັງທ້ອງຖິ່ນ ເນື້ອໃນທີ່ນໍາມາອົບຮົມກໍ່ສ້າງມີທັງໝົດ 3 ເຫຼົ່າຮົບຄື:
ເຫຼົ່າຮົບປ້ອງກັນອາກາດ ມີນັກຮຽນທັງໝົດ 60 ສະຫາຍ, ແບ່ງອອກເປັນ 2 ສາຍຄື: ສາຍປືນປ້ອງກັນອາກາດ ມີ 6 ວິຊາ, ສາຍແຕ້ມການບິນ
ມີ 6 ວິຊາ, ລວມທັງໝົດ 672 ຊົ່ວໂມງ, ປືນໃຫຍ່ໜ້າດິນ ມີນັກຮຽນ 60 ສະຫາຍ, ມີ 5 ວິຊາ ລວມທັງໝົດ 672 ຊົ່ວໂມງ, ລົດຕັງ-ຍານ
ເກາະ 60 ສະຫາຍ, ມີ 7 ວິຊາ ລວມທັງໝົດ 762 ຊົ່ວໂມງ, ຈຸດປະສົງເພື່ອແນໃສ່ຮັບປະກັນຈັດຕັ້ງປະຕິບັດແຜນການກໍ່ສ້າງນາຍສິບ ໃຫ້ໄດ້
ຕາມໂຄງການຫຼັກສູດກໍ່ສ້າງນາຍສິບ ຂອງກົມໃຫຍ່ເສນາທິການກອງທັບວາງອອກ, ເພື່ອປັບປຸງກໍ່ສ້າງແຕ່ລະເຫຼົ່າຮົບ ໃຫ້ມີລະດັບຄວາມຮູ້,
ຄວາມສາມາດທາງດ້ານວິຊາສະເພາະ, ມີຄວາມໜັກແໜ້ນທາງດ້ານແນວຄິດ-ການເມືອງ, ມີຄວາມສາມາດ ຕອບສະໜອງໄດ້ຕາມຄວາມຮຽກ
ຮ້ອງຕ້ອງການຂອງໜ້າທີ່ວຽກງານໃນສະເພາະໜ້າ ແລະ ຍາວນານ, ແນໃສ່ເຝິກຝົນຫຼໍ່ຫຼອມຄຸນສົມບັດສິນທຳປະຕິວັດ, ແບບແຜນວິທີເຮັດ
ວຽກຂອງພະນັກງານບັນຊາ ຂັ້ນໝູ່ໃຫ້ເປັນລະບົບ ແລະ ມີວິທະຍາສາດ.

     ໂອກາດນີ້, ສະຫາຍ ພົນຕີ ວັນທອງ ບຸດຕະວົງ ໄດ້ໂອ້ລົມ ແລະ ເນັ້ນໜັກໃຫ້ຄະນະພັກ-ຄະນະອໍານວຍການ, ພະນັກງານ, ຄູ-ອາຈານ ຈົ່ງ
ພ້ອມກັນສືບຕໍ່ປັບປຸງໂຄງການຫຼັກສູດການຮຽນ-ການສອນ ໃຫ້ມີຄຸນນະພາບ, ຮຽກຮ້ອງໃຫ້ນັກຮຽນ-ນັກສຶກສາ ທຸກຄົນຈົ່ງພ້ອມກັນຍົກສູງ
ຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ເຂົ້າໃນການຄົ້ນຄວ້າຮ່ຳຮຽນແລກປ່ຽນຄວາມຮູ້ນຳຄູ-ອາຈານ, ຕັ້ງໜ້າເຝິກຝົນຫຼໍ່ຫຼອມຕົນເອງ
ໃຫ້ມີຄຸນສົມບັດສິນທຳປະຕິວັດ, ມີຄຸນທາດການເມືອງໜັກແໜ້ນ, ປະຕິບັດກົດລະບຽບຂອງກອງທັບ ແລະ ໂຮງຮຽນວາງອອກຢ່າງເຂັ້ມງວດ
ເພື່ອສ້າງຕົວເອງໃຫ້ກາຍເປັນພະນັກງານສືບທອດທີ່ດີຂອງກອງທັບ.

ແຫຼ່ງຂ່າວໂດຍ ຂກທ
ວັນທີ 24/09/2024