ກົມໃຫຍ່ເສນາທິການກອງທັບ ປະກາດໃຫ້ນາຍທະຫານພັກການຮັບບໍານານ

ສະຫາຍ ພົນຕີ ວັນທອງ ບຸດຕະວົງ ຮອງຫົວໜ້າກົມໃຫຍ່ເສນາທິການກອງທັບ ​ເປັນ​ປະທານ

    ວັນທີ 23 ກໍລະກົດ 2024 ນີ້, ກົມໃຫຍ່ເສນາທິການກອງທັບ ໄດ້ປະກາດໃຫ້ນາຍທະຫານພັກການຮັບບໍານານ. ໂດຍການເປັນປະທານຂອງ
ສະຫາຍ ພົນຕີ ວັນທອງ ບຸດຕະວົງ ຮອງຫົວໜ້າກົມໃຫຍ່ເສນາທິການກອງທັບ, ມີບັນດາກົມ, ຫ້ອງການ, ພະແນກການ, ຄະນະພັກ-ຄະນະບັນຊາ
ກົມກອງ ແລະ ພາກສ່ວນທີ່ກຽມຮັບເບ້ຍບໍານານເຂົ້າຮ່ວມ.

     ສະຫາຍ ພັນເອກ ສັນຕິ ເພັດດວງສິດ ຮອງຫົວໜ້າຫ້ອງການເມືອງ ກົມໃຫຍ່ເສນາທິການກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະ
ເທດ ວ່າດ້ວຍການອະນຸມັດໃຫ້ນາຍທະຫານພັກການ ຮັບບໍານານ ແລະ ລຸລ່ວງພັກການ ເພື່ອກຽມຮັບເບ້ຍບໍານານ, ອີງຕາມ ກົດໝາຍນາຍທະຫານ
ກອງທັບປະຊາຊົນລາວ ( ສະບັບປັບປຸງ ) ວ່າດ້ວຍອາຍຸກະສຽນຮັບບໍານານຂອງນາຍທະຫານ, ອີງຕາມການຄົ້ນຄວ້າ ແລະ ນໍາສະເໜີ ຂອງກົມໃຫຍ່
ການເມືອງກອງທັບ, ກະຊວງປ້ອງກັນປະເທດ ຕົກລົງ: ອະນຸມັດໃຫ້ ສະຫາຍ ພັນໂທ ຄໍາຄູ່ ອິນທິລາດ, ພັນໂທ ນາງ ພົມມາ ສິງເທບ, ພັນໂທ ວິໄລ
ພອນ ວຽງສະຫວັນ, ພັນໂທ ພອນຈັນ ພິມມະວົງ, ພັນໂທ ຄໍາພັນ ໄຊຍະສິດ, ພັນໂທ ບັນຊາ ທອງສະ ຫວັນ, ພັນໂທ ໄກ່ແກ້ວ ວົງພະຈັນ, ພັນໂທ
ສົມຮັກ ພົມມະນິນ, ພັນໂທ ທອງປັນ ມະນີຮ່ວງ, ພັນໂທ ຄໍາໂຫຼຍ ສີບຸນສົງ, ພັນໂທ ສິນໄຊ ພິລາວັນ, ພັນຕີ ວຽງພອນ ສົມໄຊວັນ, ພັນຕີ ທັດສາມາດ
ວົງຫາຈັກ, ພັນຕີ ນາງ ຈັນທາ ພິລາວັນ ແລະ ຮ້ອຍເອກ ນາງ ອິນ ວົງຫາຈັກ ພັກການຮັບບໍານານ ແລະ ຜ່ານຂໍ້ຕົກລົງ ວ່າດ້ວຍອານຸມັດ ໃຫ້ນາຍທະ
ຫານພັກການ ເພື່ອກຽມຮັບເບ້ຍບໍານານ ກົມໃຫຍ່ເສນາທິການກອງທັບ ຕົກລົງ: ໃຫ້ນາຍທະຫານພັກການ ເພື່ອກຽມຮັບບໍານານ ຈໍານວນ 21 ສະ
ຫາຍຕື່ມອີກ.

     ໂອກາດນີ້, ສະຫາຍ ພົນຕີ ວັນທອງ ບຸດຕະວົງ ໄດ້ມີຄໍາເຫັນໂອ້ລົມ ແລະ ໄດ້ເນັ້ນໜັກໃຫ້ບັນດາສະຫາຍ ທີພັກການຮັບບໍານານຈົ່ງສືບຕໍ່ຊີ້ນໍາ-ນໍາ
ພາສຶກສາອົບຮົມລູກຫຼານ ປະຕິບັດລະບຽບກົດໝາຍຂອງບ້ານເມືຶອງ ເຂົ້າຮ່ວມທຸກການເຄື່ອນໄຫວຢູ່ຮາກຖານ ເຮັດໃຫ້ຮາກຖານມີຄວາມສະຫງົບ,
ມີຄວາມເປັນລະບຽບຮຽບຮ້ອຍເປັນຫຼັກແຫຼງຊຸກຍູ້ໃຫ້ເຂົາເຈົ້າ ເປັນເຈົ້າການປະກອບສ່ວນເຮັດ ວຽກງານປ້ອງກັນຊາດ-ປ້ອງກັນຄວາມສະຫງົບ ຢ່າງ
ແຂງແຮງ ແລະ ມີຄວາມຈະເລີນກ້າວໜ້າຢ່າງບໍ່ຢຸດຢັ້ງ.

ແຫຼ່ງຂ່າວໂດຍ ຂກທ
ວັນທີ 24/07/2024