ກອງປະຊຸມ ວຽກງານເຮັດໃຫ້ສະພາບມີຄວາມສະຫງົບ 05 ແຂວງ ເຂດໃຈກາງ

    ໃນວັນທີ 19 ພະຈິກ 2024 ນີ້, ໄດ້ຈັດກອງປະຊຸມວຽກງານ ເຮັດໃຫ້ສະພາບມີຄວາມສະຫງົບ 05 ແຂວງ ເຂດໃຈກາງ ປະ
ຈຳໄຕມາດ III ແລະ ທິດທາງແຜນການ ປະຈຳໄຕມາດ IV ປີ 2024 ຂຶ້ນ, ຢູ່ທີ່ຫ້ອງປະຊຸມສຳນັກງານບັນຊາກອງພົນທີ 1 ໂດຍ
ການເປັນປະທານ ຂອງ ສະຫາຍ ພົນຕີ ວັນທອງ ບຸດຕະວົງ ຄະນະປະຈໍາພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິ
ການກອງທັບ, ເຂົ້າຮ່ວມມີກົມສູ້ຮົບກົມໃຫຍ່ເສນາທິການກອງທັບ, ກົມໃຫຍ່ສັນຕິບານກະຊວງປ້ອງກັນຄວາມສະຫງົບ, ມີບັນດາ
ຄະນະນຳ 05 ຫົວໜ່ວຍກົມກອງ ຄື: ກອງບັນຊາການທະຫານແຂວງວຽງຈັນ, ກອງບັນຊາການທະຫານແຂວງໄຊສົມບູນ, ກອງບັນ
ຊາການທະຫານແຂວງຫຼວງພະບາງ, ກອງບັນຊາການທະຫານແຂວງຊຽງຂວາງ, ບັນຊາການທະຫານແຂວງບໍລິຄໍາໄຊ ເຂົ້າຮ່ວມ.

     ໃນກອງປະຊຸມບັນດາຕົວແທນແຕ່ລະພາກສ່ວນ ກໍໄດ້ຂຶ້ນສ່ອງແສງລາຍງານຫຍໍ້ ສະພາບຈຸດພິເສດ ແລະ ການເຄື່ອນໄຫວຈັດ
ຕັ້ງປະຕິບັດບັນດາວຽກງານດ້ານຕ່າງໆ ຕາມພາລະບົດບາດ, ຂອບເຂດສິດ, ໜ້າທີ່ ແລະ ຄວາມຮັບຜິດຊອບຂອງຕົນໃນໄລຍະຜ່ານ
ມາ ທີ່ໄດ້ຮັບການມອບໝາຍຈາກການຈັດຕັ້ງຂັ້ນເທິງ ເປັນຕົ້ນແມ່ນ: ວຽກງານການເມືອງ, ວຽກງານເສດຖະກິດ, ວຽກງານວັດທະ
ນະທຳ-ສັງຄົມ, ວຽກງານເຮັດໃຫ້ສະພາບມີຄວາມສະຫງົບ, ວຽກງານຕ້ານສະກັດກັ້ນ ແລະ ໄກ້ໄຂປະກົດການຫຍໍ້ທໍ້ຢູ່ພາຍໃນຂອບ
ເຂດຮັບຜິດຊອບໃຫ້ຫລຸດໜ້ອຍຖອຍລົງ; ພ້ອມທັງຍົກໃຫ້ເຫັນສະພາບການພາຍໃນສັງຄົມ, ຊີວິດການເປັນຢູ່ຂອງພໍ່ແມ່ປະຊາຊົນ
ບັນດາເຜົ່າ ແລະ ບັນດາວຽກງານທີ່ຈະຕ້ອງໄດ້ພ້ອມກັນປະຕິບັດ, ປັບປຸງແກ້ໄຂໃນຕໍ່ໜ້າ ກ່ຽວກັບຂໍ້ສະດວກ, ຂໍ້ຫຍຸ້ງຍາກ ປະກົດ
ການຫຍໍ້ທໍ້ຕ່າງໆ ເພື່ອເປັນການປັບປຸງແກ້ໄຂບັນຫາດັ່ງກ່າວ ໃຫ້ໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງ ແລະ ສະ
ພາບຄວາມເປັນຈິງ, ເພື່ອເປັນການສ້າງພື້ນຖານຂອງວຽກງານໃຫ້ມີຄວາມໜັກແໜ້ນເຂັ້ມແຂງທາງດ້ານການເມືອງ ແລະ ການຈັດ
ຕັ້ງ, ເປັນໃຈກາງ ແລະ ເສົາຫຼັກທີ່ແໜ້ນແກ່ນໃຫ້ແກ່ຂັ້ນເທິງ ເພື່ອພ້ອມກັນກ້າວເດີນເຮັດສໍາເລັດໜ້າທີ່ອັນມີກຽດສະຫງ່າທີ່ພັກ-ລັດ,
ປະເທດຊາດ ກໍ່ຄືປະຊາຊົນມອບໝາຍໃຫ້ໄດ້ຕາມຈຸດປະສົງຄາດໝາຍ ແລະ ໄດ້ຮັບຄວາມໄວ້ວາງໃຈຈາກສັງຄົມຢ່າງແທ້ຈິງ.

     ຜ່ານການສ່ອງແສງລາຍງານຈາກບັນດາຕົວແທນຂອງແຕ່ລະພາກສ່ວນ ໂດຍສັງລວມແລ້ວວຽກງານດ້ານຕ່າງໆ ແມ່ນມີຄວາມ
ຮັບປະກັນ, ມີທ່າກ້າວທີ່ດີ ແລະ ມີຄວາມສະຫງົບປອດໄພໂດຍພື້ນຖານ; ພ້ອມທັງໄດ້ສະເໜີ ຂໍ້ຫຍຸ້ງຍາກຂອງຕົນ ຕໍ່ຂັ້ນເທິງ ເພື່ອໃຫ້
ຂັ້ນເທິງຕອບສະໜອງໃຫ້ທ່ວງທັນເວລາ ແລະ ມີປະສິດທິພາບສູງຂຶ້ນກວ່າເກົ່າ. ໃນກອງປະຊຸມທີ່ມີຄວາມໝາຍຄວາມສໍາຄັນນີ້, ສະ
ຫາຍປະທານ ໄດ້ກ່າວຍ້ອງຍໍຊົມເຊີຍຕໍ່ຜົນງານອັນໂດດເດັ່ນ ໃນການຈັດຕັ້ງປະຕິບັດໜ້າທີ່ຂອງແຕ່ລະພາກສ່ວນທີ່ຜ່ານມາ ດ້ວຍ
ຄວາມເອົາໃຈໃສ່, ໂດຍຄໍານຶງເຖິງຄວາມສີວິໄລຂອງປະເທດຊາດ, ຄວາມຢູ່ເຢັນເປັນສຸກຂອງພໍ່ແມ່ນປະຊາຊົນບັນດາເຜົ່າ ເຮັດໃຫ້ຂອບ
ເຂດດັ່ງກ່າວມີຄວາມສະຫງົບໂດຍພື້ນຖານ ແລະ ມີການພັດທະນາຂຶ້ນເລື້ອຍໆ. ສະຫາຍຍັງໄດ້ເໜັ້ນໜັກໃຫ້ບັນດາຜູ້ແທນແຕ່ລະຫົວ
ໜ່ວຍກົມກອງ ພ້ອມກັນເພີ່ມທະວີຄວາມຮັບຜິດຊອບໃນການນຳພາ-ຊີ້ນຳຈັດຕັ້ງປະຕິບັດແຜນການໃນຕໍ່ໜ້າໃຫ້ໄດ້ຮັບຜົນດີ ແລະ ມີ
ທ່າກ້າວຂະຫຍາຍຕົວກວ່າເກົ່າ, ໃຫ້ຖືວຽກງານປ້ອງຊາດ-ປ້ອງກັນຄວາມສະຫງົບ ເປັນບັນຫາສໍາຄັນ ເພື່ອເຮັດໃຫ້ພື້ນທີ່ມີຄວາມສະຫງົບ,
ເຮັດວຽກຕ້ອງຢຶດໝັ້ນຄວາມສາມັກຄີເປັນຫຼັກ, ມີແບບແຜນວິທີເຮັດວຽກຢ່າງລະອຽດຈະແຈ້ງ, ມີແນວຄິດການເມືອງໜັກແໜ້ນ, ເຊື່ອ
ໝັ້ນຕໍ່ແນວທາງນະໂຍບາຍຂອງພັກ-ລັດ ແລະ ການຈັດຕັ້ງໄປຄຽງຄູ່ກັບຄວາມຢຶດໝັ້ນກັບແນວຄິດຮັກຊາດ ແລະ ພັດທະນາ, ພ້ອມທັງ
ເນັ້ນໜັກໃຫ້ 02 ກໍາລັງປະກອບອາວຸດ ເອົາໃຈໃສ່ປະສານກັນໃຫ້ລະອຽດຈະແຈ້ງ ຈັດຕັ້ງປະຕິບັດຕາມການຈັດຕັ້ງມອບໝາຍ, ພ້ອມກັນ
ຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ເພື່ອພ້ອມກັນເຮັດສໍາເລັດໜ້າທີ່ອັນສຸດທີ່ສໍາຄັນ ເພື່ອເຮັດໃຫ້ປະເທດຊາດມີຄວາມສະຫງົບ
ສີວິໄລ.

ແຫຼ່ງຂ່າວໂດຍ ຊັນໂດ ລາດຊະພູມີ
ວັນທີ 22/11/2024