ກົມ ວສ-ປສ ການທະຫານ ປາຖະກະຖາວັນສຳຄັນຕ່າງໆ ຂອງຊາດ
ວັນທີ 16 ຕຸລາ 2024 ນີ້, ກົມວິທະຍາປະຫວັດສາດ (ວສ-ປສ) ການທະຫານ ໄດ້ຈັດພິທີປາຖະກະຖາວັນສຳຄັນຂອງຊາດ ຄືວັນປະກາດ
ເອກະລາດ 12 ຕຸລາ ຄົບຮອບ 79 ປີ ແລະ ວັນສ້າງຕັ້ງສາຍພົວພັນການທູດລາວ ຄົບຮອບ 79 ປີ (12 ຕຸລາ 1945-12 ຕຸລາ 2024 ), ໂດຍ
ການເປັນປະທານ ແລະ ປາຖະກະຖາຂອງ ສະຫາຍ ພັນເອກ ໂພນທອງ ພັນຈະເລີນພົນ ແລະ ສະຫາຍ ພັນເອກ ຄຳໄຊ ສະນີແກ້ວ ຮອງຫົວ
ໜ້າກົມ ວສ-ປສ ການທະຫານ, ມີຄະນະພັກ-ຄະນະບັນ ຊາກົມ, ຫົວໜ້າຫ້ອງ, ຮອງຫົວໜ້າຫ້ອງ, ຫົວໜ້າພະແນກ, ຮອງຫົວໜ້າພະແນກ
ແລະ ພະນັກງານ-ນັກຮົບພາຍໃນກົມ ເຂົ້າຮ່ວມ.
ສະຫາຍ ພັນເອກ ຄຳໄຊ ສະນີແກ້ວ ໄດ້ເລົ່າຄືນເຖິງມູນເຊື້ອວັນປະກາດເອກະລາດ 12 ຕຸລາ 1945 ໂດຍຍົກໃຫ້ເຫັນເຖິງຄວາມໝາຍ
ຄວາມສຳຄັນ ເຊິ່ງການປະກາດເອກະລາດ ນີ້ໄດ້ເຮັດໃຫ້ຊາວໂລກຮັບຮູ້ກ່ຽວກັບຄວາມເປັນຊາດລາວຂອງພວກເຮົາ, ຮັບຮູ້ອະທິປະໄຕ ແລະ
ເຂດນ້ຳແດນດິນຂອງລາວ, ຮັບຮູ້ວ່າຊາດລາວຄົນລາວເປັນຄົນມີກຽດສັກສີຄືຊາດອື່ນໆ ທີ່ຢາກມີອິດສະຫຼະພາບ, ເປັນເຈົ້າຊາຕາກຳຂອງຕົນເອງ
ແລະ ຢາກມີການພັດທະນາຕົນ ເພື່ອຄວາມຢູ່ດີກິນດີ ແລະ ຄວາມຈະເລີນວັດທະນາ. ຈາກນັ້ນ, ສະຫາຍ ພັນເອກ ໂພນທອງ ພັນຈະເລີນພົນ
ກໍໄດ້ເລົ່າເຖິງປະຫວັດຄວາມເປັນມາຂອງ ວັນສ້າງຕັ້ງສາຍພົວພັນການທູດລາວ ຄົບຮອບ 79 ປີ, ໂດຍຍົກໃຫ້ເຫັນເຖິງການເຄື່ອນໄຫວການຕ່າງ
ປະເທດ ພາຍໃຕ້ການນຳພາຂອງພັກກ່ອນປົດປ່ອຍ ແລະ ສືບຕໍ່ຜັນຂະຫຍາຍນະໂຍບາຍການຕ່າງປະເທດ, ການພົວພັນການຕ່າງປະເທດແບບ
ຫຼາຍຮູບແບບ ບົນພື້ນຖານການເສີມຂະຫຍາຍນ້ຳໃຈເອກະລາດ, ເປັນເຈົ້າຕົນເອງ, ນຳໃຊ້ກຳລັງພາຍໃນຂອງຕົນເພື່ອສ້າງປະເທດຊາດເຮົາໃຫ້ມີ
ຄວາມເຂັ້ມແຂງ ແລະ ກຳແໜ້ນຂໍ້ກຳນົດ, ກົດລະບຽບ ລະດັບມາດຖານສາກົນ ເພື່ອຮັບປະກັນຜົນປະໂຫຍດຂອງປະເທດຊາດ ພ້ອມກັນຕ້ານ
ທຸກກົນອຸບາຍຫັນປ່ຽນໂດຍສັນຕິ ແລະ ການແຊກແຊງເຂົ້າວຽກງານພາຍໃນຂອງລາວເຮົາ, ສືບຕໍ່ມີບາດກ້າວທີ່ໜັກແໜ້ນ ແລະ ມີຜົນສຳເລັດ
ທີ່ເປັນຮູບປະທຳຢ່າງຈະແຈ້ງ, ສາມາດຢັ້ງຢືນໄດ້ວ່າສາຍພົວພັນທາງການທູດຂອງລາວ ມີການເຕີບໃຫຍ່ຂະຫຍາຍຕົວທັງປະລິມານ ແລະ ຄຸນ
ນະພາບ ຈົນເປັນທີ່ເອກອ້າງທະນົງໃຈຂອງຄົນລາວ ຢ່າງມີໝາກຜົນຕົວຈິງ.
ແຫຼ່ງຂ່າວໂດຍ ຂກທ
ວັນທີ 22/10/2024