ກອງປະຊຸມໃຫຍ່ສະມາຊິກພັກ ຄັ້ງທີ I ຂອງໜ່ວຍພັກ ກອງໂທລະພາບກອງທັບ

    ວັນທີ 20 ພະຈິກ 2024 ນີ້, ໜ່ວຍພັກ ກອງໂທລະພາບກອງທັບ ໄດ້ສໍາເລັດກອງປະຊຸມໃຫຍ່ສະມາຊິກພັກ ຄັ້ງທີ I, ໂດຍການ
ເປັນປະທານຂອງ ສະຫາຍ ພົນຕີ ສອນທອງ ພົມລາວົງ ກໍາມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການ
ເມືອງກອງທັບ, ມີ ຄະນະພັກ-ຄະນະບັນຊາ, ພະແນກຈັດຕັ້ງພັກ, ແຂກຖືກເຊີນ ແລະ ສະມາຊິກພັກ ເຂົ້າຮ່ວມ.

     ສະຫາຍ ພັນເອກ ບຸນເພັງ ພົມມະຈັນ ເລຂາໜ່ວຍພັກ, ຫົວໜ້າການເມືອງ ກອງໂທລະພາບກອງທັບ ໄດ້ຜ່ານບົດລາຍງານການ
ເມືອງທັງສອງພາກ ເຊິ່ງຍົກໃຫ້ເຫັນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ V ຂອງ
ຄະນະພັກກະຊວງປ້ອງກັນປະເທດ ແລະ ມະຕິກອງປະຊຸມໃຫຍ່ ຄັ້ງທີ V ຂອງຄະນະພັກກົມໃຫຍ່ການເມືອງກອງທັບ, ຄະນະພັກ-ຄະນະ
ບັນຊາ ໄດ້ຖືເອົາການສຶກສາອົບຮົມການເມືອງ-ນຳພາແນວຄິດເປັນກົກໃຫ້ບັນດາສະມາຊິກພັກ, ພະນັກງານ-ນັກຮົບ ໂດຍການເຜີຍແຜ່
ເຊື່ອມຊຶມແນວທາງນະໂຍບາຍຂອງພັກ-ລັດ, ສອດຫ້ອຍເຂົ້າໃນທຸກຂົງເຂດວຽກງານ ກຳແໜ້ນບັນດາມະຕິຕ່າງໆຂອງພັກ ເຮັດໃຫ້ ສະ
ມາຊິກພັກ, ພະນັກງານ-ນັກຮົບ ມີຄວາມໜັກແໜ້ນ, ມີຄຸນທາດການເມືອງ ມີຄຸນສົມບັດສິນທຳປະຕິວັດ, ມີແບບແຜນວິທີເຮັດວຽກ,
ຕໍ່ກັບການນຳພາ-ຊີ້ນຳ ວຽກງານວິຊາສະເພາະນັບແຕ່ມື້ເປີດສະຖານີເປັນຕົ້ນມາໄດ້ມີລາຍການອອກອາກາດທັງໝົດ 18.720 ລາຍການ,
ກວດແກ້ຂ່າວທັງໝົດ 8.132 ຂ່າວ, ລົງເຄື່ອນໄຫວເອົາຂ່າວຢູ່ກົມກອງອ້ອມຂ້າງ ແລະ ຕ່າງແຂວງ 2.064 ຄັ້ງ, ຕິດຕາມການນຳໄປຕ່າງ
ປະເທດ 22 ຄັ້ງ, ຜະລິດລາຍການອອກອາກາດ 4.920 ຄັ້ງ, ຕັດຕໍ່ຂ່າວ 8.812 ຂ່າວ, ຮັບຂ່າວຈາກຕາໜ່າງຂ່າວ 3.444 ຂ່າວ, ຜະລິດ
ລາຍການສ້າງອອກໂທລະພາບແຫ່ງຊາດ 192 ຄັ້ງ, ສຳພາດ ແລະ ສົນທະນາ 788 ຄັ້ງ, ໂຄສະນາອອກອາກາດ 1.372 ຄັ້ງ, ຮັບລາຍການ
ນອກ 504 ຄັ້ງ, ເພງ ແລະ ຂັບລຳຕ່າງໆ ອອກອາກາດ 94.100 ຄັ້ງ, ຕິດຕັ້ງ ແລະ ສ້ອມແປງອຸປະກອນເຕັກນິກ 944 ຄັ້ງ, ມີຄົນຕິດຕາມ
ເຟສບຸກ 87.646 ຄົນ, ຖ່າຍທອດສົດກອງປະຊຸມ ແລະ ວຽກງານຕ່າງໆ 28 ຄັ້ງ, ປະຈຳການອອກອາກາດ 736 ຄັ້ງ, ສະເໜີຂ່າວ ແລະ
ລາຍການ 6.832 ຄັ້ງ, ຈາກຜົນງານການເຄື່ອນໄຫວດັ່ງກ່າວນັ້ນ ມີຫຼາຍສະຫາຍໄດ້ຮັບການຍ້ອງຍໍຄື: ໄດ້ຮັບຫຼຽນໄຊແຮງງານ, ຫຼຽນໄຊ
ພິລະອາດຫານ 09 ສະຫາຍ, ຍ້ອງຍໍກະຊວງປ້ອງກັນປະເທດ 16 ສະຫາຍ, ຍ້ອງຍໍກົມໃຫຍ່ການເມືອງກອງທັບ 26 ສະຫາຍ.

     ກອງປະຊຸມ ບັນດາສະມາຊິກພັກ ໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະພັກຊຸດໃໝ່, ເຊິ່ງກອງປະຊຸມຄັ້ງປະຖົມມະລຶກ
ເຫັນດີເປັນເອກະສັນເລືອກເອົາ ສະຫາຍ ພັນເອກ ບຸນເພັງ ພົມມະຈັນ ເປັນເລຂາຄະນະພັກ, ສະຫາຍ ພັນໂທ ສອນອຸໄທ ພົມອຸໄທ ເປັນ
ຮອງເລຂາ, ສະຫາຍ ພັນໂທ ອຳພອນ ອານຸວົງ ເປັນກຳມະການກວດກາພັກ, ສະຫາຍ ພັນໂທ ທອງນຶກ ທອງປະເສີດ ແລະ ສະຫາຍ ພັນ
ໂທ ຊາຍສົມສັກ ວິໄລສັນ ເປັນຄະນະ. ພ້ອມດຽວກັນນັ້ນ, ຍັງໄດ້ປ່ອນບັດຄັດເລືອກເອົາ ຜູ້ແທນສົມບູນ ແລະ ສໍາຮອງເຂົ້າຮ່ວມກອງ
ປະຊຸມໃຫຍ່ຄະນະພັກຂັ້ນເທິງ ໄດ້ຕາມຄາດໝາຍ.

     ສະຫາຍ ພົນຕີ ສອນທອງ ພົມລາວົງ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສ້າງໄດ້ໃນໄລຍະຜ່ານມາ, ພ້ອມທັງເນັ້ນໜັກໃຫ້
ຄະນະພັກຊຸດໃໝ່ ຈົ່ງພ້ອມກັນເອົາໃຈໃສ່ຍົກສູງພາລະບົດບາດ, ໜ້າທີ່ການເມືອງ, ຄວາມຮັບຜິດຊອບຂອງຕົນ, ແກ້ໄຂບັນຫາຂໍ້ຄົງຄ້າງ
ແລະ ສືບຕໍ່ນຳພາພະນັກງານ, ສະມາຊິກພັກ-ນັກຮົບ ພາຍໃນໜ່ວຍພັກໃຫ້ໄດ້ຮັບການພັດທະນາຍິ່ງໆ, ປັບປຸງແບບແຜນວິທີເຮັດວຽກ
ໂດຍປະຕິບັດຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະ ແບ່ງຄວາມຮັບຜິດຊອບໃຫ້ບຸກຄົນຢ່າງຈະແຈ້ງ, ມີສະຕິຕື່ນຕົວປະ
ຕິບັດກົດໝາຍຂອງລັດ, ລະບຽບວິໄນຂອງພັກ, ຂອງກອງທັບ ຢ່າງເຂັ້ມງວດ, ເປັນເຈົ້າການຈັດຕັ້ງຜັນຂະຫຍາຍທິດທາງແຜນການຄາດ
ໝາຍສູ້ຊົນວຽກງານການນຳພາຂອງພັກໃຫ້ປະກົດຜົນເປັນຈິງ.

ແຫຼ່ງຂ່າວໂດຍ ຂກທ
ວັນທີ 21/11/2024