5 ໜ່ວຍພັກທີ່ຂຶ້ນກັບຄະນະພັກຮາກຖານ ສາງ ອ.8 ສະຫຼຸບຖອດຖອນບົດຮຽນ
ການປັບປຸງກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024

    ວັນທີ 19 ມິຖຸນາ 2024 ນີ້, 5 ໜ່ວຍພັກທີ່ຂຶ້ນກັບຄະນະພັກຮາກຖານ ສາງ ອ.8 ໄດ້ສະຫຼຸບຖອດຖອນບົດຮຽນການປັບປຸງກໍ່ສ້າງໜ່ວຍ
ພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024 ໂດຍການເປັນປະທານຂອງ ສະຫາຍ ພົນຈັດຕະວາ ທອງພັນ ສຸທໍາມະວົງ ຄະນະພັກກະຊວງ
ປ້ອງກັນປະເທດ ຮັກສາການຫົວໜ້າກົມໃຫຍ່ເຕັກນິກກອງທັບ, ມີສະຫາຍ ພັນໂທ ເພັດສະໄໝ ສີສຸລາດ ເລຂາຄະນະພັກຮາກຖານ ຫົວໜ້າການ
ເມືອງ ສາງ ອ.8 ພ້ອມດ້ວຍຄະນະ, ມີຄະນະກວດກາການປັບປຸງກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຄະນະໜ່ວຍພັກທັງ 5 ໜ່ວຍ
ແລະ ພະແພກການ ຕະຫຼອດຮອດພະນັກງານສະມາຊິກພັກ ເຂົ້າຮ່ວມ.

     ສະຫາຍ ພັນໂທ ເພັດສະໄໝ ສີສຸລາດ ເລຂາຄະນະພັກຮາກຖານ ຫົວໜ້າການເມືອງ ສາງ ອ.8 ໄດ້ຂຶ້ນລາຍງານຜົນການຕີລາຄາການປັບປຸງ
ກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ທັງ 5 ໜ່ວຍພັກ ເຊິ່ງຄະນະພັກຮາກຖານສາງ ອ.8 ມີສະມາຊິກພັກທັງໝົດ 56 ສະຫາຍ, ຍິງ
6 ສະຫາຍ, ສະມາຊິກພັກສຳຮອງ 1 ສະຫາຍ, ລວມມີ 3 ໜ່ວຍພັກທີ່ຂຶ້ນກັບຄະນະພັກຮາກຖານ ແຕ່ລະໜ່ວຍພັກໄດ້ຈັດແບ່ງປະເພດສະມາ
ຊິກພັກຖືກຕ້ອງຕາມລະບຽບ ຫຼັກການຂອງພັກ, ເຊິ່ງມີສະມາຊິກພັກແຂງກວມເອົາສ່ວນຫຼາຍຢູ່ໃນແຕ່ລະໜ່ວຍພັກ ແລະ ສະເໜີຮັບຮອງເປັນ
ໜ່ວຍພັກແຂງຫຼາຍສະໄໝຕິດຕໍ່ກັນ, ໃນກອງປະຊຸມ ສະຫາຍ ພັນເອກ ວຽງທອງ ພັດທະສິດ ຮອງຫ້ອງການເມືອງ ກົມໃຫ່ຍເຕັກນິກກອງທັບ
ຍັງໄດ້ຂຶ້ນອ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການເລື່ອນຊັ້ນ, ທຽບຊັ້ນໃຫ້ນາຍທະຫານ ຢູ່ກົມໃຫຍ່ເຕັກນິກ ອີງຕາມ ກົດໝາຍ
ນາຍທະຫານກອງທັບປະຊາຊົນລາວ. ສະບັບເລກທີ 43/ ສພຊ ລົງທີ 14 ມິຖຸນາ 2018 ໃນພາກທີ ii ແລະ ໜວດທີ 3 ມາດຕາ 22 ແລະ ມາດ
ຕາ 23 ວ່າດ້ວຍການເລື່ອນຊັ້ນ ນາຍທະຫານ ແລະ ຂໍ້ຕົກລົງ ວ່າດ້ວຍການອະນຸມັດໃຫ້ນາຍທະຫານພັກການຮັບບໍານານ ອີງຕາມກົດໝາຍວ່າດ້ວຍ
ນາຍທະຫານກອງທັບປະຊາຊົນລາວ ເລກທີ 43/ສພຊ ລົງວັນທີ 14/06/2018 ອີງຕາມຂໍ້ຕົກລົງ ລັດຖະມົນຕີກະຊວງປ້ອງກັນປະເທດເລກທີ
3071/08/2017 ອີງຕາມການຄົ້ນຄ້ວາ ແລະນໍາສະເໝີ ຂອງກົມໃຫ່ຍການເມືອງກອງທັບ. ໃນນີ້ເລື່ອນຊັ້ນ ທຽບຊັ້ນຮ້ອຍໂທ. ຂຶ້ນເປັນຊັ້ນ ຮ້ອຍ
ເອກ ຈຳນວນ 05 ສະຫາຍ, ເລື່ອນຊັ້ນ, ຮ້ອຍຕີ ຂຶ້ນເປັນຊັ້ນ ຮ້ອຍໂທ ຈຳນວນ 03 ສະຫາຍ. ແລະ ພັກການ ຮັບບໍານານ ຈໍານວນ 02 ສະຫາຍຄື:
ສະຫາຍ ພົນໂທ ສາຍຝົນ ຮອງຫົວໜ້າພະແນກພະລາທິການ ແລະ ສະຫາຍ ພັນຕີ ນາງ ວີນາ ແສນມະນີ ຊ່ວຍວຽກພະແນກການເມືອງ.

     ໂອກາດນີ້, ສະຫາຍ ພົນຈັດຕະວາ ທອງພັນ ສຸທໍາມະວົງ ຄະນະພັກກະຊວງປ້ອງກັນປະເທດ ຮັກສາການຫົວໜ້າ ກົມໃຫຍ່ເຕັກນິກກອງທັບ
ກໍ່ໄດ້ມີຄໍາເຫັນໂອ້ລົມຕໍ່ກອງປະຊຸມ ເຊິ່ງກ່ອນອື່ນໜົດສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ບັນດາໜ່ວຍພັກຍາດມາໄດ້ພ້ອມທັງ
ຮຽກຮ້ອງໃຫ້ຄະນະພັກ-ຄະນະບັນຊາທຸກຂັ້ນແລະສະມາຊິກພັກແຕ່ລະສະຫາຍ ເອົາໃຈໃສ່ກໍາແໜ້ນຄວາມໝາຍ, ຄວາມສຳຄັນໃນການປັບປຸງກໍ່
ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ໂດຍປະຕິບັດຕາມ 5 ຫຼັກການ 3ທິດນຳຂອງພັກ, ພະນັກງານໃນການຈັດຕັ້ງປະຕິບັດ ໃຫ້ຖືກ
ຕ້ອງຕາມລະບຽບຫຼັກການ, ແນໃສ່ໃຫ້ການຈັດແບ່ງປະເພດສະມາຊິກພັກ, ໜ່ວຍພັກໃຫ້ໄດ້ຮັບຄຸນນະພາບດີ, ເປັນເຈົ້າການສຶກສາອົບຮົມຄຸນທາດ
ການເມືອງນຳພາແນວຄິດໃຫ້ໜັກແໜ້ນເຂັ້ມແຂງຮອບດ້ານ, ເຮັດໃຫ້ສະມາຊິກພັກແຕ່ລະຂັ້ນມີຄວາມອຸນອ່ຽນທຸ່ນທ່ຽງ, ບໍ່ຫວັ່ນໄຫວຄອນແຄນ
ຕໍ່ກົນອຸບາຍການຫັນປ່ຽນໂດຍສັນຕິຂອງສັດຕູ, ມີສະຕິຕໍ່ການຈັດຕັ້ງປະຕິບັດຂໍ້ກຳນົດກົດລະບຽບຂອງກົມກອງວາງອອກຢ່າງເຂັ້ມງວດ, ຍົກສູງຄວາມ
ຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງກວ່າເກົ່າ, ສ້າງຄວາມສາມັກຄີພາຍໃນ, ພາຍນອກໃຫ້ເປັນເອກະພາບ, ລວມສູນປະຊາທິປະໄຕ ເຮັດ
ວຽກເປັນໝູ່ຄະນະ, ແບ່ງຄວາມຮັບຜິດຊອບໃຫ້ບຸກຄົນຢ່າງຈະແຈ້ງ, ພ້ອມກັນປະກອບສ່ວນປັບປຸງກໍ່ສ້າງກົມກອງໃຫ້ມີຄວາມປອດໃສ, ເຂັ້ມແຂງ,
ໜັກແໜ້ນຮອບດ້ານ.

ແຫຼ່ງຂ່າວໂດຍ ນ. ບົວທອນ ສຸທໍາມະວົງ
ວັນທີ 21/06/2024