ສະຫາຍ ພົນຕີ ຄໍາເພັດ ສີຊານົນ ລົງຊີ້ນໍາເຫຼົ່າຮົບເສນາຮັກ ຢູ່ພາກສະໜາມຫັດແອບ

    ວັນທີ 19 ພະຈິກ 2024 ນີ້, ສະຫາຍ ພົນຕີ ຄໍາເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ, ຫົວໜ້າຄະນະຊີ້ນໍາລວມ ການ
ຫັດແອບເຝິກຊ້ອມຊ່ວຍເຫຼືອມະນຸດສະທຳ ແລະ ບໍລິການດ້ານການແພດ ຮ່ວມກອງທັບ ລາວ-ຈີນ " ຂະບວນລົດໄຟສັນຕິພາບ 2024 "
ພ້ອມຄະນະ ໄດ້ລົງຕິດຕາມ ແລະ ຊີ້ນໍາກໍາລັງເຫຼົ່າຮົບເສນາຮັກ ກອງທັບປະຊາຊົນລາວ, ທີ່ກໍາລັງຫັດແອບເຝິກຊ້ອມ ຊ່ວຍເຫຼືອມະນຸດສະທຳ
ແລະ ບໍລິການດ້ານການແພດ ຮ່ວມກອງທັບ ລາວ-ຈີນ ພາຍໃຕ້ຫົວຂໍ້ " ຂະບວນລົດໄຟສັນຕິພາບ -2024 " ຢູ່ທີ່ສະໜາມຫັດແອບສະຖາ
ນີລົດໄຟ ເມືອງໂພນໂຮງ.

     ສະຫາຍ ພົນຕີ ຄໍາເພັດ ສີຊານົນ ໄດ້ຮຽກຮ້ອງໃຫ້ນາຍ ແລະ ພົນທະຫານ ທຸກສະຫາຍ ໃນກໍາລັງເຫຼົ່າຮົບເສນາຮັກກອງທັບປະຊາຊົນ
ລາວ ທີ່ເຂົ້າເຝິກຊ້ອມ ພ້ອມກັນເອົາໃຈໃສ່ປະຕິບັດຕາມແຜນການຫັດແອບເຝິກຊ້ອມ, ພ້ອມທັງປະຕິບັດຂໍ້ກໍານົດ, ກົດລະບຽບ ແລະ ຟັງ
ຄໍາສັ່ງຂອງຜູ້ບັນຊາໃນພາກສະໜາມ ຢ່າງເຂັ້ມງວດ ເພື່ອຮັບປະກັນການເຝິກຊ້ອມໃນການຮ່ວມມື ດ້ານການແພດລະຫວ່າງ ກອງທັບລາວ
-ຈີນ ໃຫ້ເປັນຮູບປະທໍາ ທັງເປັນການລົງເລິກຂະຫຍາຍການຮ່ວມມືທາງດ້ານສາທາລະນະສຸກ ກອງທັບລາວ-ຈີນ ໃຫ້ປະກົດຜົນເປັນຈິງ,
ພ້ອມກັນນັ້ນ, ພະນັກງານເຫຼົ່າຮົບເສນາຮັກທຸກສະຫາຍ ກໍຕ້ອງຍົກສູງມະນາຈິດ, ສຸມທຸກສະຕິປັນຍາ, ເຫື່ອແຮງຂອງຕົນເອງເຂົ້າໃນການ
ເຝິກຊ້ອມຢ່າງເຕັມສ່ວນ, ເປັນການແລກປ່ຽນບົດຮຽນຮ່ວມມືດ້ານການແພດການທະຫານລະຫວ່າງ ຝ່າຍລາວ-ຈີນ, ຈີນ-ລາວ, ພ້ອມທັງ
ຮຽກຮ້ອງໃຫ້ບັນດາສະຫາຍອົດທົນຜ່ານຜ່າອຸປະສັກຄວາມຫຍຸ້ງຍາກຕ່າງໆ ເພື່ອເປັນການທົດສອບສ້າງໄດ້ຜົນງານອັນໃຫ່ຍຫຼວງໃຫ້ບັນ
ດາສະຫາຍກໍຄືກົມກອງ, ພ້ອມກັນນັ້ນກໍຕ້ອງຮັກສາສຸຂະພາບຂອງຕົນໃຫ້ມີສຸຂະພາບແຂງແຮງ ເພື່ອໃຫ້ສາມາດປະກອບສ່ວນເຂົ້າໃນການ
ຫັດແອບເຝິກຊ້ອມ ຂະບວນລົດສັນຕິພາບ 2024 ໃຫ້ເປັນໄປຕາມແຜນການທີ່ວາງໄວ້ ແລະ ໄດ້ຮັບໝາກຜົນສູງ.

ແຫຼ່ງຂ່າວໂດຍ ຂກທ
ວັນທີ 19/11/2024