ໂຮງຮຽນທະຫານຊາຍແດນ 712 ເປີດສົກຮຽນ 2024-2025
ວັນທີ 17 ກັນຍາ 2024 ນີ້, ໂຮງຮຽນທະຫານຊາຍແດນ 712 ໄດ້ຈັດພິທີເປີດສົກຮຽນໃໝ່ 2024-2025 ໂດຍການເປັນປະທານຂອງ
ສະຫາຍ ພົນຕີ ວັນທອງ ບຸດຕະວົງ ຮອງຫົວໜ້າກົມໃຫຍ່ເສນາທິການກອງທັບ, ມີຕາງໜ້າບັນດາກົມ, ຫ້ອງການ, ຄະນະພັກ-ຄະນະອໍານວຍ
ການ, ແຂກຖືກເຊີນ, ພະນັກງານ ຄູ-ອາຈານ ຕະຫຼອດຮອດນັກຮຽນ-ນັກສຶກສາ ເຂົ້າຮ່ວມ.
ສະຫາຍ ພັນໂທ ລອນ ແສນດາວເຮືອງ ຮອງຫົວໜ້າພະແນກອົບຮົມ-ກໍ່ສ້າງໂຮງຮຽນທະຫານ ຊາຍແດນ 712 ໄດ້ຜ່ານແຜນການອົບ
ຮົມ-ຫັດແອບ ແລະ ຂໍ້ຕົກລົງ, ຄຳສັ່ງຂອງກົມໃຫຍ່ເສນາທິການກອງທັບ ວ່າດ້ວຍການເປີດ ກໍ່ສ້າງນາຍທະຫານຊັ້ນກາງ ສາຂາວິຊາຄຸ້ມຄອງຊາຍ
ແດນຊຸດທີ 3, ບໍາລຸງພະນັກງານບັນຊາຂັ້ນໝວດ, ກອງຮ້ອຍທະຫານຊາຍແດນ ຊຸດທີ 6, ກໍ່ສ້າງນາຍສິບທະຫານຊາຍແດນ ຊຸດທີ 7 ແລະ ກໍ່
ສ້າງນາຍສິບສືບຂ່າວທະຫານຊາຍແດນ ຊຸດທີ 2. ໃນນີ້ເນື້ອໃນອົບຮົມກໍ່ສ້າງຊັ້ນກາງ ສາຂາວິຊາຄຸ້ມຄອງຊາຍແດນຊຸດທີ 3 ມີ 24 ວິຊາ ແບ່ງ
ເປັນ 3 ໝວດຄວາມຮູ້ ເທົ່າກັບ 55 ໜ່ວຍກິດ, ເນື້ອໃນອົບຮົບບໍາລຸງພະນັກງານບັນຊາຂັ້ນໝວດ, ກອງຮ້ອຍທະຫານຊາຍແດນ ຊຸດທີ 6 ລະ
ບົບ 6 ເດືອນ ແບ່ງເປັນ 7 ວິຊາຮຽນ, ເນື້ອໃນອົບຮົມກໍ່ສ້າງນາຍສິບທະຫານຊາຍແດນ ຊຸດທີ 7 ມີ 19 ວິຊາ ແບ່ງເປັນ 3 ໝວດຄວາມຮູ້ ແລະ
ເນື້ອໃນອົບຮົມກໍ່ສ້າງນາຍສິບສືບຂ່າວທະຫານຊາຍແດນ ຊຸດທີ 2 ມີ 19 ວິຊາຮຽນ ແບ່ງເປັນ 3 ໝວດຄວາມຮູ້. ຈຸດປະສົງເພື່ອແນໃສ່ຮັບປະ
ກັນຈັດຕັ້ງປະຕິບັດແຜນການກໍ່ສ້າງນາຍສິບໃຫ້ຕາມໂຄງການຫຼັກສູດກໍ່ສ້າງນາຍສິບທະຫານຊາຍແດນ ລະບົບ 1 ປີ ຂອງກົມໃຫຍ່ເສນາທິການ
ກອງທັບວາງອອກ, ເພື່ອກໍ່ສ້າງປັບປຸງທະຫານຊາຍແດນໃຫ້ມີລະດັບຄວາມຮູ້, ຄວາມສາມາດທາງດ້ານວິຊາສະເພາະ, ມີຄວາມໜັກແໜ້ນທາງ
ດ້ານແນວຄິດການເມືອງ, ມີຄວາມສາມາດ ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນສະເພາະໜ້າ ແລະ ຍາວ
ນານ, ແນໃສ່ເຝິກຝົນຫຼໍ່ຫຼອມຄຸນສົມບັດສິນທຳປະຕິວັດ, ແບບແຜນວິທີເຮັດວຽກ ຂອງພະນັກງານບັນຊາ ຂັ້ນໝູ່ໃຫ້ເປັນລະບົບ ແລະ ມີວິທະ
ຍາສາດ.
ໂອກາດນີ້, ສະຫາຍ ພົນຕີ ວັນທອງ ບຸດຕະວົງ ກໍໄດ້ໂອ້ລົມ ແລະ ເນັ້ນໜັກໃຫ້ຄະນະພັກ-ຄະນະອໍານວຍການ, ພະນັກງານ, ຄູ-ອາຈານ
ຈົ່ງພ້ອມກັນສືບຕໍ່ປັບປຸງໂຄງການຫຼັກສູດການຮຽນ-ການສອນໃຫ້ມີຄຸນນະພາບ, ຮຽກຮ້ອງໃຫ້ນັກຮຽນ-ນັກສຶກສາທຸກຄົນຈົ່ງພ້ອມກັນຍົກສູງ
ຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ເຂົ້າໃນການຄົ້ນຄວ້າຮ່ຳຮຽນແລກປ່ຽນຄວາມຮູ້ນຳຄູ-ອາຈານ, ຕັ້ງໜ້າເຝິກຝົນຫຼໍ່ຫຼອມຕົນເອງ
ໃຫ້ມີຄຸນສົມບັດສິນທຳປະຕິວັດ, ມີຄຸນທາດການເມືອງໜັກແໜ້ນ, ປະຕິບັດກົດລະບຽບຂອງກອງທັບ ແລະ ໂຮງຮຽນວາງອອກຢ່າງເຂັ້ມງວດ
ເພື່ອສ້າງຕົວເອງໃຫ້ກາຍເປັນພະນັກງານສືບທອດທີ່ດີຂອງກອງທັບ.
ແຫຼ່ງຂ່າວໂດຍ ຂກທ
ວັນທີ 19/09/2024