ກົມໃຫຍ່ການເມືອງກອງທັບ ປະກາດການແຕ່ງຕັ້ງຫົວໜ້າກົມ ແລະ ຫົວໜ້າຫ້ອງການ

    ວັນທີ 17 ກໍລະກົດ 2024 ນີ້, ກົມໃຫຍ່ການເມືອງກອງທັບ ໄດ້ປະກາດການແຕ່ງຕັ້ງຫົວໜ້າກົມກົດ ໝາຍ ແລະ ຫົວໜ້າຫ້ອງການ, ໂດຍ
ການເປັນປະທານຂອງ ສະຫາຍ ພົນຕີ ສອນທອງ ພົມລາວົງ ຮອງຫົວໜ້າກົມໃຫຍ່ການເມືອງກອງທັບ, ມີບັນດາຜູ້ຕາງໜ້າກົມ, ຫ້ອງການ ແລະ
ພາກສ່ວນກ່ຽວຂ້ອງ ເຂົ້າຮ່ວມ.

     ສະຫາຍ ພັນເອກ ວົງເພັດ ວົງສະຫວັນ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງ ຂອງຂອງກະຊວງປ້ອງ
ກັນປະເທດ ວ່າດ້ວຍການແຕ່ງຕັ້ງ ຫົວໜ້າກົມກົດໝາຍ ແລະ ຫົວໜ້າຫ້ອງການ ອີງຕາມ ກົດໝາຍນາຍທະຫານ ກອງທັບປະຊາຊົນລາວ ໃນພາກ
ທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ; ອີງຕາມ ທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນໍາ
ພາ-ບັນຊາ ໃນກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ; ກະ
ຊວງປ້ອງກັນປະເທດ ຕົກລົງແຕ່ງຕັ້ງ: ສະຫາຍ ພັນເອກ ບົວສີ ສີວົງສາ ເປັນຫົວໜ້າກົມກົດໝາຍ ແລະ ສະຫາຍ ພັນເອກ ວັນໄຊ ຄໍາພາວົງ ເປັນ
ຫົວໜ້າຫ້ອງການ ກົມໃຫຍ່ການເມືອງກອງທັບ.

     ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ໂອ້ລົມ ແລະ ເນັ້ນໜັກໃຫ້ບັນດາສະຫາຍທີ່ໄດ້ຮັບການແຕ່ງຕັ້ງໜ້າທີ່ໃໝ່ໃນຄັ້ງນີ້ ຈົ່ງ
ເພີ່ມທະວີຄວາມຮູ້, ຄວາມສາມາດຂອງຕົນໃຫ້ສູງຂຶ້ນກວ່າເກົ່າ, ສືບຕໍ່ເຝິກຝົນຫຼໍ່ຫຼອມຕົນເອງໃຫ້ມີຄວາມໜັກແໜ້ນທາງດ້ານການເມືອງ-ແນວ
ຄິດ, ຊອກຮູ້ຮ່ຳຮຽນໃນດ້ານຕ່າງໆ ເພື່ອພັດທະນາຕົນເອງ ແລະ ກົມກອງ ພ້ອມກັນນັ້ນ, ຕ້ອງເພີ່ມທະວີຮັດແໜ້ນຄວາມສາມັກຄີພາຍໃນ ແລະ
ພາຍນອກ ໃຫ້ເປັນປຶກແຜ່ນ, ປັບປຸງແບບແຜນວິທີນຳພາ-ບັນຊາ ແລະ ແບບແຜນວິທີເຮັດວຽກໃຫ້ສອດຄ່ອງຕາມໜ້າທີ່ການເມືອງຂອງກົມກອງ
ເພື່ອພ້ອມກັນເຮັດສຳເລັດໜ້າທີ່ຕາມການຈັດຕັ້ງຂັ້ນເທິງມອບໝາຍໃຫ້.

ແຫຼ່ງຂ່າວໂດຍ ອານຸສອນ ສິມວົງສາ
ວັນທີ 19/07/2024