ມອບ-ຮັບໜ້າທີ່ຫົວໜ້າກົມນໍ້າມັນເຊື້ອໄຟກອງທັບ ລະຫວ່າງ ຜູ້ເກົ່າ ກັບ ຜູ້ໃໝ່
ພິທີມອບ-ຮັບໜ້າທີ່ຫົວໜ້າ ກົມນໍ້າມັນເຊື້ອໄຟ ກົມໃຫຍ່ພະລາທິການກອງທັບ ລະຫວ່າງ ສະຫາຍ ພົນຈັດຕະວາ ຈັນທະຈັກ ໄຊຍະວົງສາ ຫົວໜ້າກົມນໍ້າມັນເຊື້ອໄຟ
ກົມໃຫຍ່ພະລາທິການກອງທັບ ຜູ້ເກົ່າ ແລະ ສະຫາຍ ພັນເອກ ເພັດທອງຄູນ ວົງຜາຈັນ ຫົວໜ້າກົມນໍ້າມັນເຊື້ອໄຟກົມໃຫຍ່ພະລາທິການກອງທັບ ຜູ້ໃໝ່
ວັນທີ 18 ມິຖຸນາ 2024 ນີ້, ກົມໃຫຍ່ພະລາທິການກອງທັບ ໄດ້ມອບ-ຮັບໜ້າທີ່ ຫົວໜ້າກົມນໍ້າມັນເຊື້ອໄຟກົມໃຫຍ່ພະລາທິການກອງທັບ
ລະຫວ່າງ ສະຫາຍ ພົນຈັດຕະວາ ຈັນທະຈັກ ໄຊຍະວົງສາ ຫົວໜ້າກົມນໍ້າມັນເຊື້ອໄຟກົມໃຫຍ່ພະລາທິການກອງທັບ ຜູ້ເກົ່າ ເຊິ່ງໄດ້ຖືກໄປຮັບໜ້າ
ທີ່ໃໝ່ເປັນຮອງຫົວໜ້າກົມໃຫຍ່ພະລາທິການກອງທັບ ກັບ ສະຫາຍ ພັນເອກ ເພັດທອງຄູນ ວົງຜາຈັນ ຫົວໜ້າກົມນໍ້າມັນເຊື້ອໄຟກົມໃຫຍ່ພະລາ
ທິການກອງທັບ ຜູ້ໃໝ່, ພິທີດັ່ງກ່າວໄດ້ຈັດຂຶ້ນຢູ່ຫ້ອງປະຊຸມກົມນໍ້າມັນເຊື້ອໄຟ, ໂດຍການເຂົ້າຮ່ວມເປັນສັກຂີພະຍານຂອງ ສະຫາຍ ພົນຕີ ຄໍາເພັດ
ສີຊານົນ ກໍາມະການຄະນະປະຈໍາພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ, ມີຄະນະນໍາກົມ, ຫ້ອງການ, ພະແນກການ
ແລະ ກົມກອງທີ່ຂຶ້ນກັບເຂົ້າຮ່ວມ.
ສະຫາຍ ພົນຈັດຕະວາ ຈັນທະຈັກ ໄຊຍະວົງສາ ຫົວໜ້າກົມນໍ້າມັນເຊື້ອໄຟກົມໃຫຍ່ພະລາທິການກອງທັບ, ຜູ້ເກົ່າໄດ້ຜ່ານບົດບັນທຶກມອບ-ຮັບ
ໜ້າທີ່, ຕະຫຼອດໄລຍະຊຸມປີຜ່ານມາ ຄະນະພັກ-ຄະນະບັນຊາ ກົມນໍ້າມັນເຊື້ອໄຟ ກົມໃຫຍ່ພະລາທິການກອງທັບ ໄດ້ເອົາໃສ່ຕໍ່ການສຶກສາອົບຮົມ
ການເມືອງນໍາພາ-ແນວຄິດໃຫ້ພະນັກງານສະມາຊິກພັກ ແລະ ນັກຮົບທຸກສະຫາຍ ໃນທຸກຂະແໜງການວິຊາສະເພາະນໍ້າມັນເຊື້ອໄຟ ໃຫ້ມີສະຕິລະ
ວັງຕົວຕໍ່ກົນອຸບາຍທໍາລາຍມ້າງເພຂອງສັດຕູ, ເຊື່ອມຊຶມກໍາແໜ້ນຕໍ່ແນວທາງນະໂຍບາຍຂອງພັກ, ປະຕິບັດທຸກມະຕິຄໍາສັ່ງ, ຂໍ້ກໍານົດ, ກົດລະບຽບຂອງ
ພັກ, ກົດໝາຍຂອງລັດ ແລະ ຂອງກອງທັບວາງອອກຢ່າງເຂັ້ມງວດ, ຊີ້ນໍາບັນດາສາງນໍ້າມັນທີ່ຂຶ້ນ ກັບຈັດຕັ້ງກໍາລັງປະຈຳການໃຫ້ເປັນປົກກະຕິ, ເຄື່ອນ
ໄຫວຕາມພາລະບົດບາດຕາມການຈັດຕັ້ງຂັ້ນເທິງມອບໃຫ້, ດ້ານວຽກງານວິຊາສະເພາະ ໄດ້ເປັນເສນາທິການໃຫ້ແກ່ກົມໃຫຍ່ພະລາທິການກອງທັບ, ກໍ
ຄື ກະຊວງປ້ອງກັນປະເທດ ໃນການສະຫຼຸບ-ສັງລວມ, ເກັບກໍາສະຖິຕິ, ຂຶ້ນແຜນງົບປະມານຄວາມຕ້ອງການນໍ້າມັນເຊື້ອໄຟ, ອຸປະກອນເຕັກນິກ ແລະ
ບົວລະບັດສ້ອມແປງສາງນໍ້າມັນ ກໍຄືພາຫະນະເຕັກນິກ, ພົວພັນປະສານ ກັບພາກສ່ວນກ່ຽວຂ້ອງໃນການຈັດຊື້ນໍາເຂົ້ານໍ້າມັນເຊື້ອໄຟ ຮັບໃຊ້ກອງທັບ
ໄດ້ຕາມແຜນການທີ່ຂັ້ນເທິງອະນຸມັດ, ປັບປຸງ ແລະ ສ້າງນິຕິກຳໃນການຄຸ້ມຄອງ-ນໍາໃຊ້ນໍ້າມັນໃນກອງທັບ, ເບີກຈ່າຍສະໜອງຮັບປະກັນນໍ້າມັນເຊື້ອໄຟ
ໃຫ້ທຸກການເຄື່ອນໄຫວຂອງກອງທັບ ພ້ອມກັນນັ້ນ ກໍມີສ່ວນແຮສໍາຮອງໄວ້ ເພື່ອຮັບປະກັນໃຫ້ວຽກງານຮີບດ່ວນບັງເອີນຂອງຂັ້ນເທິງ, ຈັດຊື້ ແລະ ປະ
ກອບອຸປະກອນນໍ້າມັນເຊື້ອໄຟໃຫ້ບັນດາກົມກອງໄດ້ຢ່າງທົ່ວເຖິງ, ຟື້ນຟູສ້ອມແປງລົດຊີແຕັກ 6 ຄັນ ເພື່ອເຄື່ອນທີ່ເບີກຈ່າຍນໍ້າມັນ ໄດ້ 6 ຄັນ, ສະເໜີ
ຂັ້ນເທິງດັດແປງລົດຂົນສົ່ງ 10 ລໍ້ເປັນຊີແຕັກໄດ້ 13 ຄັນ, ກໍ່ສ້າງປໍ້ານໍ້າມັນທັນສະໄໝຂັ້ນກະຊວງໄດ້ 1 ແຫ່ງ ແລະ ກົມກອງໄດ້ 5 ກົມກອງ, ກໍ່ສ້າງເພີ່ມ
ເຕີມຖັງບັນຈຸນໍ້າມັນ ແລະ ຟື້ນຟູ ສາງນໍ້າມັນຂັ້ນຍຸດທະສາດ ໄດ້ 3 ແຫ່ງ, ມີບໍລິມາດບັນຈຸໄດ້ 3.000.000 ລິດ. ຈາກນັ້ນ, ສະຫາຍ ພົນຈັດຕະວາ
ຈັນທະຈັກ ໄຊຍະວົງສາ ກັບ ສະຫາຍ ພັນເອກ ເພັດທອງຄູນ ວົງຜາຈັນ ກໍໄດ້ເຊັນບົດບັກທຶກມອບ-ໜ້າທີ່ຢ່າງທາງການ.
ໂອກາດນີ້, ສະຫາຍ ພົນຕີ ຄໍາເພັດ ສີຊານົນ ປະທານພິທີກໍໄດ້ໃຫ້ກຽດໂອ້ລົມຕໍ່ພິທີມອບ-ຮັບໜ້າທີ່ໃໝ່, ກ່ອນອື່ນໄດ້ກ່າວສະແດງຄວາມຍ້ອງຍໍ
ຊົມເຊີຍມາຍັງ ຄະນະກົມນໍ້າມັນເຊື້ອຜູ້ເກົ່າ ທີ່ໄດ້ເອົາໃຈໃສ່ຕັ້ງໜ້າປະກອບສ່ວນອັນສໍາຄັນເຂົ້າວຽກງານການເມືອງຂອງກົມກອງ ທີ່ການຈັດຕັ້ງພັກ-ລັດ
ແລະ ກອງທັບມອບໝາຍໃຫ້ຢ່າງມີຜົນສໍາເລັດຈົບງາມ ແລະ ການມອບ-ຮັບໜ້າທີ່ໃໝ່ໃນຄັ້ງນີ້, ໂດຍອີງໃສ່ຄວາມຮຽກຮ້ອງຕ້ອງການຂອງໜ້າທີ່ການ
ເມືອງຂອງພັກ ໃນໄລຍະໃໝ່, ເປັນການບູລະນະປັບປຸງກົງຈັກການຈັດຕັ້ງໃນແຕ່ລະຂັ້ນ ໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ, ທັງເປັນການ
ມອບໝາຍໜ້າທີ່ ໃຫ້ພະນັກງານປະຕິບັດຕາມທິດຂອງຂັ້ນເທິງວາງອອກຢ່າງເຂັ້ມງວດ ແລະ ສັບປ່ຽນບ່ອນປະຈໍາການຂອງພະນັກງານຕາມຄວາມຮຽກ
ຮ້ອງຕ້ອງການຂອງວຽກງານ ແລະ ຄວາມຮູ້, ຄວາມສາມາດຕົວຈິງ ເພື່ອສ້າງເງື່ອນໄຂໃຫ້ພະນັກງານຜູ້ສືບທອດ, ປ່ຽນແທນ ໄດ້ຝຶກຝົນຫຼໍ່ຫຼອມຕົນເອງ
ແລະ ທົດສອບໃນວຽກງານຕົວຈິງຫຼາຍດ້ານໃຫ້ມີຜົນສໍາເລັດ, ພ້ອມທັງຍົກສູງຄວາມຮັບຜິດຊອບຂອງຕົນເອງເຂົ້າໃນໜ້າທີ່ວຽກງານວິຊາສະເພາະ ກໍ່ຄື
ການປະຕິບັດໜ້າທີ່ການເມືອງຂອງກົມກອງຕົນ ທີ່ການຈັດຕັ້ງຂັ້ນເທິງພັກ-ລັດ ແລະ ກອງທັບມອບໝາຍໃຫ້ມີຜົນສໍາເລັດຈົບງາມຕະຫຼອດໄປ.
ແຫຼ່ງຂ່າວໂດຍ ຄໍາປະສົງ ລາດຊະວົງ
ວັນທີ 19/06/2024