ເປີດຊຸດອົບຮົມວຽກງານສິ່ງແວດລ້ອມໃຫ້ພະນັກງານວິຊາການດ້ານສິ່ງແວດລ້ອມທົ່ວກອງທັບ

    ພິທີເປີດຊຸດອົບຮົມວຽກງານສິ່ງແວດລ້ອມ ໃຫ້ພະນັກງານວິຊາການດ້ານສິ່ງແວດລ້ອມທົ່ວກອງທັບ ໄດ້ຈັດຂຶ້ນຢູ່ທີ່ ກົມວິທະຍາສາດ-ປະ
ຫວັດສາດ ການທະຫານ ກະຊວງປ້ອງກັນປະເທດ ໃນວັນທີ 17 ທັນວາ 2024 ນີ້, ໂດຍພາຍໃຕ້ການເປັນປະທານ ຂອງສະຫາຍ ພົນຈັດຕະ
ວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດ ການທະຫານ, ມີຄະນະພັກ-ຄະນະບັນຊາ, ຄະນະຫ້ອງ, ຄະນະພະແນກ, ຄະ
ນະຄູເຝິກຈາກຄະນະວິທະຍາສາດສິ່ງແວດລ້ອມ ມະຫາວິທະຍາໄລແຫ່ງຊາດ, ມີວິຊາການພະແນກສິ່ງແວດລ້ອມຂອງກົມ, ສຳມະນາກອນ
ຈາກ 18 ກອງບັນຊາການ, 5 ກອງພົນ, 2 ໂຮງຮຽນກໍ່ສ້າງນາຍສິບ, 5 ວິທະຍາຄານ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

     ສະຫາຍ ພັນໂທ ບຸນຍາວົງ ດວງປັນຍາ ຫົວໜ້າພະແນກສິ່ງແວດລ້ອມ ຫ້ອງວິທະຍາສາດເຕັກໂນໂລຊີ ແລະ ສິ່ງແວດລ້ອມ ໄດ້ກ່າວວ່າ:
ຈຸດປະສົງ ຂອງການເປີດຊຸດອົບຮົມວຽກງານສິ່ງແວດລ້ອມໃນຄັ້ງນີ້ ເພື່ອອົບຮົມໃຫ້ສຳມະນາກອນທີ່ເຮັດວຽກງານດ້ານສິ່ງແວດລ້ອມທົ່ວກອງ
ທັບ ໄດ້ຮັບຮູ້ ແລະ ເຂົ້າໃຈວຽກງານກ່ຽວກັບສະພາບການລວມກ່ຽວກັບສິ່ງແວດລ້ອມ, ສະພາບການຈັດການຂີ້ເຫຍື້ອຂອງໂລກ, ສະພາບການ
ຈັດການຂີ້ເຫຍື້ອ ຂອງແຕ່ລະກົມກອງ, ການນຳສະເໜີການຈັດການຂີ້ເຫຍື້ອ ຢູ່ໃນຄະນະວິທະຍາສາດສິ່ງແວດລ້ອມ (ທະນາຄານຂີ້ເຫຍື້ອ)ນອກ
ນັ້ນ, ຍັງໄດ້ຮັບຮູ້ກ່ຽວກັບສະພາບການຈັດການນໍ້າເປື້ອນຂອງໂລກ, ສະພາບການຈັດການນ້ຳເປື້ອນ ຂອງແຕ່ລະກົມກອງ, ການນຳສະເໜີການຈັດ
ການນ້ຳເປື້ອນ ຢູ່ຄະນະວິທະຍາສາດສິ່ງແວດລ້ອມ, ຮັບຮູ້ເສດຖະກິດໝູນວຽນກ່ຽວກັບວຽກງານສິ່ງແວດລ້ອມ, ຫຼັກການໃນການສ້າງແຜນການ
ຄຸ້ມຄອງສິ່ງແວດລ້ອມ ແລະ ຕົວຢ່າງ ຂອງແຜນການຄຸ້ມຄອງສິ່ງແວດລ້ອມ ແລະ ອື່ນໆ. ທັງນີ້, ເພື່ອເຮັດໃຫ້ສຳມະນາກອນທີ່ເຮັດວຽກງານດ້ານ
ສິ່ງແວດລ້ອມແຕ່ລະກົມກອງທົ່ວກອງທັບ ສາມາດກຳໄດ້ບົດຮຽນຈາກຄູ-ອາຈານ ເພື່ອນຳໄປຈັດຕັ້ງຜັນຂະຫຍາຍນຳໃຊ້ເຂົ້າໃນວຽກງານຕົວຈິງໃນ
ຊີວິດປະຈຳວັນ ເພື່ອສ້າງໃຫ້ກົມກອງຂອງຕົນມີສະພາບແວດລ້ອມທີ່ດີ ເປັນຕົ້ນແມ່ນສະພາບນ້ຳທີ່ດີ, ດິນທີ່ດີ, ອາກາດທີ່ດີ ເປັນສາເຫດເຮັດໃຫ້
ພະນັກງານ-ນັກຮົບພາຍໃນກົມກອງ ມີສຸຂະພາບທີ່ດີ. ການເຝິກອົບຮົມໃນຄັ້ງນີ້ ຈະໄດ້ດຳເນີນເປັນເວລາ 3 ວັນ ຈຶ່ງຈະສໍາເລັດ.

     ໃນໂອກາດນີ້, ສະຫາຍຫົວໜ້າ ກົມວິທະຍາສາດ-ປະຫວັດສາດ ການທະຫານ ໄດ້ມີຄຳເຫັນໂອ້ລົມຕໍ່ກອງປະຊຸມ ພ້ອມທັງຮຽກຮ້ອງໃຫ້ສຳ
ມະນາກອນເອົາໃຈໃສ່ຄົ້ນຄວ້າຮ່ຳຮຽນໃຫ້ໄດ້ຮັບຜົນເປັນຢ່າງດີ, ນຳເອົາບົດຮຽນທີ່ໄດ້ຮຽນຈາກຄູ-ອາຈານໄປຈັດຕັ້ງຜັນຂະຫຍາຍຢູ່ບັນດາກົມກອງ
ຂອງຕົນໃຫ້ເກີດປະໂຫຍດສູງສຸດ ແລະ ພ້ອມກັນສ້າງກົມກອງໃຫ້ກາຍເປັນກົມກອງສີຂຽວ ສະອາດງາມຕາ ແລະ ຍືນຍົງທາງດ້ານສິ່ງແວດລ້ອມ,
ຫວັງຢ່າງຍິ່ງວ່າການເຝິກອົບຮົມໃນຄັ້ງນີ້ ຈະເປັນໄປຢ່າງມີປະສິດທິພາບ ແລະ ໄດ້ຮັບຜົນສຳເລັດຢ່າງສູງ.

ແຫຼ່ງຂ່າວໂດຍ ຈັນທະພອນ
ວັນທີ 18/12/2024