ປະກາດແຕ່ງຕັ້ງ ຫົວໜ້າຫ້ອງພະລາທິການ ກອງພົນທີ 3

ສະຫາຍ ພົນຕີ ຄໍາເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ ​ເປັນ​ປະທານ

    ປະກາດການແຕ່ງຕັ້ງຫົວໜ້າຫ້ອງພະລາທິການ ກອງພົນທີ 3 ໄດ້ຈັດຂຶ້ນ ວັນທີ 16 ທັນວາ 2024 ນີ້, ໂດຍການເປັນປະທານຂອງ ສະຫາຍ
ພົນຕີ ຄໍາເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ, ມີຄະນະພັກ-ຄະນະບັນຊາອົງການ ແລະ ພະນັກງານຫຼັກແຫຼ່ງ ຈາກກອງພັນໃຫຍ່,
ກອງຮ້ອຍເອກະລາດ ເຂົ້າຮ່ວມ.

     ສະຫາຍ ພັນເອກ ປອ ພູວຽງ ດາວັນນະຮັກ ຫົວໜ້າກົມເສນາພະລາ ກົມໃຫຍ່ພະລາທິການກອງທັບ ໄດ້ຜ່ານຂໍ້ຕົກລົງ ກະຊວງປ້ອງກັນປະ
ເທດ ວ່າດ້ວຍການອະນຸມັດໃຫ້ນາຍທະຫານ ຢູ່ກອງພົນທີ 3 ພັກການ ຮັບບຳນານ, ກະຊວງປ້ອງກັນປະເທດ ຕົກລົງ ອະນຸມັດໃຫ້ ສະຫາຍ ພັນ
ເອກ ດາວວັນດີ ວົງພະຈິດ ຫົວໜ້າຫ້ອງພະລາທິການ ພັກການ ຮັບບຳນານ, ພ້ອມທັງຜ່ານຂໍ້ຕົກລົງກະຊວງປ້ອງກັນປະເທດ ວ່າດ້ວຍການແຕ່ງຕັ້ງ
ສະຫາຍ ພັນໂທ ວິໄຊ ຫຼວງໄຊສຸກ ຂຶ້ນເປັນຮອງຫົວໜ້າກອງພົນ, ຮັບຜິດຊອບວຽກງານພະລາທິການ ທັງເປັນຫົວໜ້າຫ້ອງພະລາທິການ ກອງພົນ
ທີ 3.

     ສະຫາຍ ພົນຕີ ຄຳເພັດ ສີຊານົນ ໄດ້ເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ ຍົກສູງພາລະບົດບາດການຊີ້ນຳ-ບັນຊາ ແລະ ຈັດຕັ້ງປະຕິບັດໜ້າທີ່
ວຽກງານວິຊາສະເພາະ ໃຫ້ມີປະສິດທິຜົນສູງ, ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ມີແນວຄິດການເມືອງ
ໜັັກແໜ້ນ, ມີຄວາມສາມັກຄີພາຍໃນເປັນປຶກແຜ່ນ ແລະ ປັບປຸງແບບແຜນການນຳພາ, ວິທີເຮັດວຽກບົນພື້ນຖານປະຕິບັດຕາມຫຼັກການລວມ
ສູນປະຊາທິປະໄຕ, ເຮັດວຽກເປັນໝູ່ຄະນະ, ແບ່ງໃຫ້ບຸກຄົນຮັບຜິດຊອບຢ່າງຈະແຈ້ງ ເພື່ອພ້ອມກັນເຮັດສໍາເລັດໜ້າທີ່ການເມືອງທີ່ຂັ້ນເທິງມອບ
ໝາຍໃຫ້.

ແຫຼ່ງຂ່າວໂດຍ ລີໂດ ດວງສະຫວັນ
ວັນທີ 17/12/2024