ກົມ ວິທະຍາສາດ-ປະຫວັດສາດ ການທະຫານ
ປາຖະກະຖາຫວນຄືນມູນເຊື້ອວັນສ້າງຕັ້ງ ຄົບຮອບ 21 ປີ

    ວັນທີ13 ມິຖຸນາ 2024 ນີ້ ກົມ ວິທະຍາສາດ-ປະຫວັດສາດ ການທະຫານ ໄດ້ປາຖະກະຖາເລົ່າຄືນມູນເຊື້ອວັນສ້າງຕັ້ງຂອງກົມ ຄົບຮອບ
21 ປີ (10/6/2003-10/6/2024) ໂດຍພາຍໃຕ້ການເປັນປະທານຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະ
ຫວັດສາດ ການທະຫານ ມີຄະນະພັກ-ຄະນະບັນຊາ, ຄະນະຫ້ອງ, ພະແນກການ ແລະ ພະນັກງານ-ນັກຮົບພາຍໃນກົມ ເຂົ້າຮ່ວມ.

     ໃນພິທີ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າ ກົມ ວິທະຍາສາດ-ປະຫວັດສາດ ການທະຫານ ໄດ້ເລົ່າປະຫວັດມູນເຊື້ອຂອງ
ກົມ ກ່ຽວກັບການກໍາເນີດ ແລະ ການເຕີບໃຫຍ່ຂະຫຍາຍຕົວ ໃນແຕ່ລະໄລຍະຂຶ້ນ ໂດຍແມ່ນການສືບທອດມາຈາກ ອົງການຄົ້ນຄ້ວາສະຫຼຸບສົງ
ຄາມ ຂອງກະຊວງປ້ອງກັນປະເທດ ໃນເມື່ອກ່ອນ ພາຍຫຼັງກອງປະຊຸມໃຫຍ່ທົ່ວກອງທັບຄັ້ງທີ I ປີ 1979 ໄດ້ວາງບັນດາໜ້າທີ່ໃຫຍ່ ເພື່ອກໍາ
ນົດແຜນງານຕ່າງໆ ໃນທົ່ວກອງທັບ ແລະ ໜຶ່ງໃນນັ້ນກໍ່ແມ່ນໜ້າທີ່ໃນການຄົ້ນຄ້ວາວິທະຍາສາດ-ປະຫວັດສາດ ການທະຫານ ຖືວ່າແມ່ນວຽກ
ງານໜຶ່ງທີ່ສຳຄັນຍິ່ງໃນການກໍ່ສ້າງກອງທັບ ຂອງພວກເຮົາໃນປະຈຸບັນ, ຍ້ອນແນວນັ້ນມາເຖິງປີ 1983-1986 ກະຊວງປ້ອງກັນປະເທດ ຈຶ່ງໄດ້ມີ
ມະຕິຕົກລົງ ສ້າງຕັ້ງຫ້ອງການຄົ້ນຄ້ວາສະຫຼຸບສົງຄາມປະຊາຊົນ ພາຍໃຕ້ການຊີ້ນໍາ ນໍາພາຂອງລັດຖະມົນຕີກະຊວງປ້ອງກັນປະເທດ. ມາຮອດ
ປີ 1993 ຍ້ອນໜ້າທີ່ການເມືອງ ແລະ ຄວາມຮຽກຮ້ອງຕ້ອງການຂອງວຽກງານການຄົ້ນຄ້ວາສະຫຼຸບສົງຄາມ ມີການເຕີບໃຫຍ່ຂະຫຍາຍຕົວ ກະ
ຊວງປ້ອງກັນປະເທດ ຈຶ່ງໄດ້ຕົກລົງ ສ້າງຕັ້ງ 2 ກົມຂຶ້ນກັບ: ສ້າງຕັ້ງກົມຄົ້ນຄ້ວາປະຫວັດສາດກອງທັບ ຂຶ້ນກັບກົມໃຫຍ່ການເມືອງກອງທັບເປັນ
ຜູ້ຊີ້ນຳ ແລະ ສ້າງຕັ້ງກົມວິທະຍາສາດ ການທະຫານ ຂຶ້ນກັບກົມໃຫຍ່ເສນາທິການກອງທັບເປັນຜູ້ຊີ້ນຳ. ພ້ອມດຽວກັນນີ້ ຢູ່ບັນດາກອງບັນຊາ
ການແຂວງ, ກອງພົນ, ກອງພັນໃຫຍ່ ແລະ ບັນດາກົມກອງ ທີ່ຂື້ນກັບກະຊວງປ້ອງກັນປະເທດ ກໍ່ໄດ້ຈັດຕັ້ງໃຫ້ມີພະແນກຄົ້ນຄ້ວາປະຫວັດສາດ
ການທະຫານ ແລະ ພະແນກຄົ້ນຄ້ວາ ວິທະຍາສາດ ການທະຫານ ຂຶ້ນກັບ. ອີງໃສ່ການເຕີບໃຫຍ່ຂະຫຍາຍຕົວທາງດ້ານວຽກງານຄົ້ນຄວ້າວິທະ
ຍາສາດ ແລະ ຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ມາຮອດວັນທີ 10 ມິຖຸນາ 2003 ກະຊວງປ້ອງກັນປະເທດ ໄດ້ມີ
ມະຕິຕົກລົງ ໂຮມເອົາ 2 ກົມຄື: ກົມ ວິທະຍາສາດການທະຫານ ແລະ ກົມ ຄົ້ນຄວ້າປະຫວັດສາດກອງທັບ ເຂົ້າເປັນກົມດຽວ ແລະ ໃສ່ຊື່ກົມ
ວ່າ: ”ກົມ ວິທະຍາສາດ-ປະຫວັດສາດ ການທະຫານ” ຂື້ນຢ່າງເປັນທາງການ ເຄື່ອນໄຫວພາຍໃຕ້ການຊີ້ນຳ ໂດຍກົງຮອບດ້ານຂອງກະຊວງປ້ອງ
ກັນປະເທດ, ເພື່ອເປັນເສນາທິການໃຫ້ກະຊວງປ້ອງກັນປະເທດ ໃນການຄົ້ນຄ້ວາສະຫຼຸບສົງຄາມ, ຄົ້ນຄ້ວາ ວສ-ປສ ການທະຫານ ແລະ ຊ່ວຍ
ຊີ້ນຳດ້ານວຽກງານວິທະຍາສາດ ການທະຫານ ໃນຂອບເຂດທົ່ວປະເທດ. ພາຍຫຼັງສ້າງຕັ້ງເປັນກົມ ວິທະຍາສາດ-ປະຫວັດສາດ ການທະຫານ
ມາຮອດປະຈຸບັນຄົບຮອບ 21 ປີ ໂດຍປະກອບມີຄະນະພັກຄະນະບັນຊາມາແລ້ວ 4 ລຸ້ນ ເຊີ່ງຊີ້ນໍາບັນຊາເຮັດວຽກວິຊາສະເພາະສຳເລັດຫຼາຍ
ໂຄງການໄດ້ເປັນຢ່າງດີ ໃນນັ້ນ ມີວຽກງານວິທະຍາສາດ, ວຽກງານປະຫວັດສາດ, ວຽກງານຍຸດທະສາດ ແລະ ວຽກງານຂໍ້ມູນ-ຂ່າວສານ ຈົນສາ
ມາດຍາດໄດ້ຫຼຽນໄຊ, ຫຼຽນກາ ແລະ ໃບຍ້ອງຍໍ ຈາກພັກ-ລັດ ແລະ ກອງທັບເປັນຢ່າງດີ.

ແຫຼ່ງຂ່າວໂດຍ ຈັນທະພອນ
ວັນທີ 17/06/2024