ປະກາດການແຕ່ງຕັ້ງ ຫົວໜ້າກົມ 213

ສະຫາຍ ພົນໂທ ສຈ ປອ ທອງລອຍ ສິລິວົງ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ ​ເປັນ​ປະທານ

    ພິທີປະກາດການແຕ່ງຕັ້ງ ຫົວໜ້າກົມ 213 ໄດ້ຈັດຂຶ້ນໃນວັນທີ 14 ສິງຫາ 2024 ນີ້, ໂດຍການເປັນປະທານຂອງ ສະຫາຍ ພົນໂທ ສຈ ປອ
ທອງລອຍ ສິລິວົງ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີຄະນະກົມ 213,
ຫ້ອງການ, ກອງ, ສູນ, ໂຮງຮຽນ ແລະ ພະນັກງານຫຼັກແຫຼ່ງ ເຂົ້າຮ່ວມ.

     ສະຫາຍ ພັນເອກ ສອນໄຊ ຈັນຍາລາດ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານດຳລັດ ຂອງນາຍົກລັດຖະມົນຕີ
ວ່າດ້ວຍການອະນຸມັດໃຫ້ນາຍທະຫານ ພັກການ-ຮັບອຸດໜູນບໍານານ ແລະ ດຳລັດ ວ່າດ້ວຍການແຕ່ງຕັ້ງ ຫົວໜ້າກົມ 213 ໃນນີ້, ນາຍົກລັດຖະມົນ
ຕີ ອອກດຳລັດ ອະນຸມັດໃຫ້ ສະຫາຍ ພົນຕີ ທອງວັນ ຈັນທະວົງ ຫົວໜ້າກົມ 213 ພັກການ-ຮັບອຸດໜູນບໍານານ ແລະ ແຕ່ງຕັ້ງ ສະຫາຍ ພົນຈັດຕະ
ວາ ບົວວັນ ອາດຖະໜາໄຊ ເປັນຫົວໜ້າກົມ 213. ໂອກາດນີ້, ສະຫາຍ ພົນໂທ ສຈ ປອ ທອງລອຍ ສີລິວົງ ໄດ້ໂອ້ລົມຫຼາຍບັນຫາທີ່ສຳຄັນ ພ້ອມທັງ
ເນັ້ນໃຫ້ຜູ້ທີ່ໄດ້ຮັບການມອບໝາຍໜ້າທີ່ໃໝ່ ສືບຕໍ່ສຶກສາອົບຮົມການເມືອງ-ນຳພາແນວຄິດ, ເຝິກຜົນຫຼໍ່ຫຼອມຕົນເອງ ໃຫ້ມີຄຸນທາດການເມືອງໜັກ
ແໜ້ນ, ມີຄຸນສົມບັດສິນທໍາປະຕິວັດ, ມີແບບແຜນການດຳລົງຊີວິດທີ່ດີ, ມີແບບແຜນວິທີເຮັດວຽກ ທີ່ມີວິທະຍາສາດ, ເຮັດວຽກເປັນໝູ່ຄະນະ, ແບ່ງ
ໃຫ້ບຸກຄົນຮັບຜິດຊອບ, ກ້າເຮັດກ້າຕັດສິນໃຈ ແລະ ຍ້ອມຮັບໃນສິ່ງທີ່ຖືກຕ້ອງ, ເສີມຂະຫຍາຍມູນເຊື້ອການນໍາພາ ຂອງພັກ ໃຫ້ເລິກເຊິ່ງເຖິງຖອງ,
ສ້າງໃຫ້ໄດ້ຄວາມສາມັກຄີພາຍໃນເປັນປຶກແຜ່ນແໜ້ນໜາບົນພື້ນຖານຮ່ວມແຮງຮ່ວມໃຈຈັດຕັ້ງປະຕິບັດຕາມແນວທາງນະໂຍບາຍ ຂອງພັກ-ລັດ, ມີ
ແບບແຜນວິທີເຮັດວຽກ, ວິທີນໍາພາແບບວິທະຍາສາດ-ປະດິດສ້າງ, ຕັ້ງໜ້າປະກອບສ່ວນປັບປຸງກຳລັງ, ກົມກອງໃຫ້ກາຍເປັນໜ່ວຍພັກປອດໃສ, ເຂັ້ມ
ແຂງ, ໜັກແໜ້ນ, ກົມກອງ 3 ປອດ, ກົມກອງວັດທະນະທໍາ-ນັກຮົບວັດທະນະທຳ, ຕັ້ງໜ້າເຝິກຝົນຫຼໍ່ຫຼອມຕົນເອງໃຫ້ມີຄວາມຮູ້-ຄວາມສາມາດ,
ມີຄວາມສະດຸ້ງໄວຕໍ່ສະພາບການເພື່ອສ້າງກອງທັບໃຫ້ເຂັ້ມແຂງ, ມີແບບແຜນ ແລະ ທັນສະໄໝເທື່ອລະກ້າວ.

ແຫຼ່ງຂ່າວໂດຍ ຂກທ
ວັນທີ 14/08/2024