ພິທີມອບ-ຮັບອຸປະກອນ ຮັບໃຊ້ການຮຽນ-ການສອນ
ແລະ ພາຫະນະຮັບໃຊ້ສະຖານີລູກສອນໄຟ-ຣາດາ

ມອບ-ຮັບອຸປະກອນຮັບໃຊ້ການຮຽນ-ການສອນ, ພາຫະນະຮັບໃຊ້ສະຖານີຣາດາ-ລູກສອນໄຟ ແລະ ເຮືອນປົກຣາດາ

    ວັນທີ 10 ພຶດສະພາ 2024 ນີ້, ຢູ່ທີ່ ວິທະຍາຄານເຕັກນິກການທະຫານ ໄດ້ມອບ-ຮັບອຸປະກອນຮັບໃຊ້ການຮຽນ-ການສອນ, ພາຫະນະ
ຮັບໃຊ້ສະຖານີຣາດາ-ລູກສອນໄຟ ແລະ ເຮືອນປົກຣາດາ ໂດຍການເປັນປະທານຂອງ ສະຫາຍ ພົນຈັດຕະວາ ຄອນສະຫວັນ ມິ່ງຈໍາປາບານ ຄະ
ນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເຕັກນິກກອງທັບ, ມີບັນດາສະຫາຍຕາງໜ້າກົມວິຊາສະເພາະທີ່ກ່ຽວຂ້ອງ, ຄະນະພັກ-
ຄະນະອໍານວຍການ, ຄະນະ ຫ້ອງ, ຄະນະວິຊາ, ສູນເຝິກຫັດທົດລອງທົ່ວ ວຕກ ເຂົ້າຮ່ວມ.

     ສະຫາຍ ພົນຈັດຕະວາ ປະລິຍາເອກ ຟອງສະໝຸດ ພົນທິລາດ ຫົວໜ້າກົມເຕັກນິກ ເຫຼົ່າຮົບ ກົມໃຫຍ່ເຕັກນິກກອງທັບ ໄດ້ຂຶ້ນກ່າວມອບ
ອຸປະກອນຮັບໃຊ້ການຮຽນການສອນ, ພາຫະນະຮັບໃຊ້ຣາດາ-ລູກສອນໄຟ ແລະ ເຮືອນປົກ. ເຊິ່ງໄດ້ເລີ່ມກໍ່ສ້າງເຮືອນປົກຣາດາຕັ້ງແຕ່ ວັນທີ 23
ມັງກອນ 2024 ເປັນຕົ້ນມາໄດ້ສໍາເລັດເປັນທີ່ຮຽບຮ້ອຍ ສາມາດນຳໃຊ້ພາຫະນະດັ່ງກ່າວ ເພື່ອໝູນໃຊ້ເຂົ້າພາກປະຕິບັດຕົວຈິງ ໃນການຮຽນການ
ສອນ ພ້ອມກັນນັ້ນຍັງໄດ້ມອບອຸປະກອນການຮຽນ-ການສອນວິຊາຣາດາ-ລູກສອນໄຟ ຈໍານວນໜຶ່ງ ໃນນັ້ນມີເຮືອນປົກຣາດາຈໍານວນ 2 ຫຼັງ, ລົດ
ຢີນ 131 ຈໍານວນ 2 ຄັນ, ລົດອຸລານຈໍານວນ 4 ຄັນ, ຕີນລົດ(ມືສອງ) ຈໍານວນ 5 ຊຸດ, ສະຖານີລູກສອນໄຟ E125M ຈໍານວນ 1 ຊຸດ, ສະຖານີຣາ
ດາ18 ຈໍານວນ 2 ຊຸດ.

     ໃນໂອກາດກ່າວຮັບ ສະຫາຍ ພັນເອກ ສີສະຫມອນ ໂນລະສິນ ຫົວໜ້າການທະຫານ ວຕກ ໄດ້ສະແດງຄວາມຂອບອົກຂອບໃຈ ແລະ ຮູ້ບຸນ
ຄຸນເປັນຢ່າງສູງທີ່ຂັ້ນເທິງຍາມໃດກໍໄດ້ເອົາໃຈໃສ່, ເຫັນໄດ້ຄວາມສໍາຄັນຂອງວຽກງານການຮຽນ-ການສອນ ຂະແໜງການເຕັກນິກ ແລະ ອຸດສາຫະ
ກໍາປ້ອງກັນຊາດ ຢູ່ວິທະຍາຄານເຕັກນິກການທະຫານ ເວົ້າລວມ ເວົ້າສະເພາະແມ່ນ ວິຊາເຣດາ-ລູກສອນໄຟ ທີ່ເປັນຫຼັກສູດເປີດໃໝ່ ໃຫ້ມີຄວາມ
ສະດວກ ແລະ ປະຈັກຕາໃນການຮຽນ-ການສອນ ເພື່ອແນໃສ່ຊຸບຫຼໍ່ກໍ່ສ້າງເຫຼົ່າຮົບເຕັກນິກ ປ້ອງກັນນ່ານຟ້າໃຫ້ແກ່ກອງທັບມີປະສິດທິພາບສູງ
ພ້ອມທັງໃຫ້ຄໍາໝັ້ນສັນຍາວ່າ ຈະປົກປັກຮັກສາ, ນໍາໃຊ້ສະຖານີ ແລະ ອຸປະກອນການຮຽນ-ການສອນ ດັ່ງກ່າວເຂົ້າໃນວຽກງານການຄົ້ນຄວ້າສຶກ
ສາຮໍ່າຮຽນ ຮຸ່ນຕໍ່ຮຸ່ນໃຫ້ໄດ້ຮັບຜົນສູງ ຕາມທິດກໍ່ສ້າງກອງທັບໃຫ້ມີແບບແຜນ ແລະ ທັນສະໄໝເທື່ອລະກ້າວ.

ແຫຼ່ງຂ່າວໂດຍ ເພັດນາລີ
ວັນທີ 14/05/2024