ປະກາດຮັບຮອງເອົາຄະນະບໍລິຫານງານພັກ ກອງພັນໃຫຍ່ 645 ຊຸດໃໝ່

ສະຫາຍ ພົນຈັດຕະວາ ພູມີ ດາລາເພັດ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ ​ເປັນ​ປະທານ

    ວັນທີ 9 ສິງຫາ 2024 ນີ້, ຢູ່ທີ່ກອງພັນໃຫຍ່ 645 ໄດ້ຈັດພິທີປະກາດຮັບຮອງເອົາຄະນະບໍລິຫານງານພັກ ກອງພັນໃຫຍ່ 645 ສະໄໝ
ທີ VII, ປະກາດໃຫ້ພະນັກງານກຽມຮັບບຳນານ ແລະ ປະກາດການແຕ່ງຕັ້ງພະນັກງານຂັ້ນພະແນກການຈຳນວນໜຶ່ງ, ໂດຍການເປັນປະທານຂອງ
ສະຫາຍ ພົນຈັດຕະວາ ພູມີ ດາລາເພັດ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີຕາງໜ້າກົມ
ຈັດຕັ້ງພັກ, ກົມປ້ອງກັນອາກາດ, ຄະນະພັກ-ຄະນະບັນຊາກອງພັນໃຫຍ່ 645, ພະແນກການ, ກອງພັນ, ກອງຮ້ອຍເອກະລາດ ເຂົ້າຮ່ວມ.

     ສະຫາຍ ພັນເອກ ໃຈເພັດ ວົງແສນສົມ ຮອງຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົງຂອງຄະນະພັກກະຊວງ
ປ້ອງກັນປະເທດ ວ່າດ້ວຍການຮັບຮອງເອົາຄະນະບໍລິຫານງານພັກ ກອງພັນໃຫຍ່ 645 ສະໄໝທີ VII ຈຳນວນ 9 ສະຫາຍ ມີ: ສະຫາຍ ພັນໂທ ສຸ
ບິນ ດວງໂສພາ, ສະຫາຍ ພັນໂທ ບຸນມີສຸກ ພຸດສະດີ, ສະຫາຍ ພັນໂທ ທອງຄຳ ໄຊວົງສາ, ສະຫາຍ ພັນໂທ ພູຄຳ ຄຳທອງໃບ, ສະຫາຍ ພູທົງ ສົນ
ສັນຍາ, ສະຫາຍ ພັນໂທ ພູວຽງ ນ້ອຍບຸນຊູ, ສະຫາຍ ພັນໂທ ໄກຍະກອນ ລ້ອມດາລາ, ສະຫາຍ ພັນໂທ ຈັນທາ ແກ້ວພິລາໄລ ແລະ ສະຫາຍ ພັນ
ໂທ ຄຳແຜ່ນ ວັນກອງແກ້ວ. ໃນນັ້ນ ຮັບຮອງເອົາ ສະຫາຍ ພັນໂທ ສຸບິນ ດວງໂສພາ ເປັນເລຂາຄະນະພັກ, ສະຫາຍ ພັນໂທ ບຸນມີສຸກ ພຸດສະດີ ເປັນ
ຮອງເລຂາຄະນະພັກ ແລະ ຮັບຮອງຄະນະປະຈຳພັກມີ: ສະຫາຍ ພັນໂທ ສຸບິນ ດວງໂສພາ, ສະຫາຍ ພັນໂທ ບຸນມີສຸກ ພຸດສະດີ ແລະ ສະຫາຍ ພັນ
ໂທ ທອງຄຳໄຊວົງສາ; ໃນພິທີ ຍັງໄດ້ປະກາດການແຕ່ງຕັ້ງຄະນະບັນຊາຂັ້ນພະແນກການ, ຂັ້ນກອງພັນ ທີ່ຂຶ້ນກັບກອງພັນໃຫຍ່ 645 ແລະ ປະກາດ
ໃຫ້ພະນັກງານພັກການກຽມຮັບບຳນານ.

     ໂອກາດນີ້, ສະຫາຍ ພົນຈັດຕະວາ ພູມີ ດາລາເພັດ ໄດ້ສະແດງຄວາມຍ້ອງຍໍຊົມເຊີຍຕໍ່ສະຫາຍທີ່ພັກການກຽມຮັບບຳນານ ທີ່ເຮັດສຳເລັດໜ້າ
ທີ່ການເມືອງທີ່ຂັ້ນເທິງມອບໝາຍໃຫ້, ພ້ອມທັງເນັ້ນໜັກໃຫ້ບັນດາສະຫາຍທີ່ໄດ້ຮັບຮອງເປັນຄະນະບໍລິຫານງານພັກຊຸດໃໝ່ ແລະ ສະຫາຍທີ່ໄດ້ຮັບ
ໜ້າທີ່ໃໝ່ ກຳແໜ້ນ, ເຊື່ອມຊຶມແນວທາງນະໂຍບາຍຂອງພັກ, ມະຕິ, ຄຳສັ່ງ, ກົດລະບຽບຂອງພັກ, ກົດໝາຍຂອງລັດຢ່າງເຂັ້ມງວດ, ມີຄວາມເປັນ
ເອກະພາບສູງນຳແນວທາງປ່ຽນແປງໃໝ່ຂອງພັກ, ຢຶດໝັ້ນຈຸດໝາຍສັງຄົມນິຍົມສະເໝີຕົ້ນສະເໝີປາຍ, ມີແບບແຜນໃນການເຮັດວຽກ, ມີປະຊາທິ
ປະໄຕ ເປັນເຈົ້າການຕ້ານພະຍາດອາດຍາສິດ, ສໍ້ລາດບັງຫຼວງ, ສືບຕໍ່ເຝິກຝົນຫຼໍ່ຫຼອມຕົນເອງໃນທຸກດ້ານພ້ອມກັນເຮັດສຳເລັດໜ້າທີ່.

ແຫຼ່ງຂ່າວໂດຍ ຂກທ
ວັນທີ 13/08/2024