ປິດຊຸດເຝິກອົບຮົມວຽກງານສື່ມວນຊົນ ໄລຍະສັ້ນທົ່ວກອງທັບ ຄັ້ງທີ I

    ພິທີປິດຊຸດເຝິກອົບຮົມວຽກງານສື່ມວນຊົນ ໄລຍະສັ້ນທົ່ວກອງທັບ ຄັ້ງທີ I ໄດ້ຈັດຂຶ້ນໃນວັນທີ 9 ສິງຫາ 2024 ນີ້, ຢູ່ທີ່ໂຮງຮຽນທິດ
ສະດີການເມືອງກອງທັບ, ໂດຍການເປັນປະທານ ຂອງສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈໍາພັກກະຊວງປ້ອງກັນປະ
ເທດ, ຮອງຫົວໜ້າກົມໃຫຍ່ການເມືອງກອງທັບ, ມີ ສະຫາຍ ພົນຈັດຕະວາ ແປ້ນຄຳ ບຸດຈັນເເພງ ຫົວໜ້າກົມໂຄສະນາອົບຮົມກົມໃຫຍ່ການ
ເມືອງກອງທັບ, ມີ ຄະນະກົມໂຄສະນາອົບຮົມກົມໃຫຍ່ການເມືອງກອງທັບ, ຄະນະໂຮງຮຽນທິດສະດີການເມືອງກອງທັບ, ຄະນະຮັບຜິດຊອບ,
ຄູ-ອາຈານ ແລະ ນັກເຝິກອົບຮົມ ເຂົ້າຮ່ວມ.

     ສະຫາຍ ພັນເອກ ທີມສາວ ດວງຈຳປາ ຮອງຫົວໜ້າກົມໂຄສະນະອົບຮົມ ກົມໃຫຍ່ການເມືອງກອງທັບ ໄດ້ສະຫຼຸບຜົນສຳເລັດການເຝິກ
ອົບຮົມວຽກງານສື່ມວນຊົນ ໄລຍະສັ້ນ ທົ່ວກອງທັບ ຄັ້ງທີ l ເຊິ່ງໄດ້ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ, ດ້ານດີ, ດ້ານອ່ອນຂໍ້ຄົງຄ້າງ ແລະ ບົດ
ຮຽນທີ່ຖອດຖອນໄດ້ ໃນການເຝິກອົບຮົມຕົວຈິງ ເຫັນວ່າ: ຄະນະຊີ້ນຳ, ຄະນະຮັບຜິດຊອບແຕ່ລະພາກສ່ວນ ໄດ້ຍົກສູງຄວາມຮັບຜິດຊອບ ຕໍ່
ໜ້າທີ່ການເມືອງທີ່ໄດ້ຮັບມອບໜາຍ, ນັກເຝິກອົບຮົມທຸກສະຫາຍ ມີຄວາມຮັບຮູ້, ເຊື່ອມຊຶມກຳແໜ້ນ ແລະ ເຂົ້າໃຈຕໍ່ບັນຫາ ທີ່ນໍາມາເຝິກອົບ
ຮົມໃນຄັ້ງນີ້, ຕື່ນຕົວຫ້າວຫັນປະຕິບັດມະຕິຄຳສັ່ງ, ຂໍ້ກຳນົດກົດລະບຽບຂອງກອງທັບ ຢ່າງເຂັ້ມງວດ ເວົ້າສະເພາະການປະຕິບັດຂໍ້ກໍານົດກົດລະ
ບຽບຕ່າງໆຂອງໂຮງຮຽນ, ມີຄວາມຮັບຜິດຊອບສູງຕໍ່ການຮ່ຳຮຽນ, ຮັບຟັງການເຜີຍແຜ່ເອກະສານ, ອະທິບາຍໄຈ້ແຍກປະກອບຄຳເຫັນ ແລະ
ອື່ນໆ ສາມາດສູ້ຊົນ ບັນລຸຕາມລະດັບຄາດໝາຍ 100%. ຈາກນັ້ນ, ກໍໄດ້ມອບໃບຢັ້ງຢືນໃຫ້ນັກເຝິກອົບຮົບ ຈໍານວນ 116 ສະຫາຍ, ໂດຍການ
ມອບຂອງ ສະຫາຍ ພົນຈັດຕະວາ ແປ້ນຄຳ ບຸດຈັນເພັງ ຫົວໜ້າກົມໂຄສະນາອົບຮົມກົມໃຫຍ່ການເມືອງກອງທັບ.

     ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ໂອ້ລົມຫຼາຍບັນຫາສຳຄັນ ພ້ອມທັງເນັ້ນໜັກໃຫ້ນັກເຝິກອົບຮົມແຕ່ລະສະຫາຍສືບຕໍ່
ຈັດຕັ້ງປະຕິບັດວຽກງານວິຊາສະເພາະສື່ມວນຊົນ ໃຫ້ມີປະສິດທິຜົນ, ກຳແໜ້ນມະຕິຄຳສັ່ງ ຂອງຜູ້ນໍາພາ-ບັນຊາກົມກອງ-ທ້ອງຖິ່ນ ໃນແຕ່ລະ
ໄລຍະ ໂດຍສະເພາະແມ່ນຄໍາສັ່ງແນະນຳ ກ່ຽວກັບການຈັດຕັ້ງປະຕິບັດວຽກງານສື່, ຕາມສະພາບການຕົວຈິງ, ຕາມໂອກາດທີ່ເໝາະສົມ ເພື່ອ
ສຶກສາອົບຮົມໃຫ້ພະນັກງານ-ນັກຮົບ ມີຄຸນທາດການເມືອງໜັກແໜ້ນ, ມີໂລກະທັດ-ວິທະຍາສາດທີ່ແທ້ຈິງ, ສ້າງໃຫ້ມີນ້ຳໃຈຮັກຊາດ, ຮັກລະ
ບອບໃໝ່, ຍຶດໝັ້ນລັດທິສັງຄົມນິຍົມ, ມີຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ, ຕໍ່ປະຊາຊົນ, ມີຄວາມກະຕັນຍູ-ຮູ້ບຸນຄຸນຕໍ່ຜູ້ນຳ, ຈຳແນກ
ມິດ-ສັດຕູຢ່າງຈະແຈ້ງ, ສາມາດສະກັດກັ້ນ ແລະ ຕອບຕ້ານຖ້ອຍທຳນອງໃສ່ຮ້າຍປ້າຍສີຂອງສັດຕູ, ມີສະຕິຕໍ່ການຈັດຕັ້ງ, ມີລະບຽບວິໄນເຂັ້ມ
ງວດ ຕັດສິນໃຈແກ້ໄຂ ທຸກປະກົດການຫຍໍ້ທໍ້ທີ່ເກີດຂຶ້ນໃນກອງທັບ; ມີຄວາມເດັດດ່ຽວໜຽວແໜ້ນ ເປັນແບບຢ່າງໃນທຸກໜ້າທີ່ວຽກງານ, ເປັນ
ປາຍປາກກາທີ່ແຫຼມຄົມຂອງພັກ, ເຝິກຝົນຫຼໍ່ຫຼອມຄຸນສົມບັດສິນທໍາປະຕິວັດ ແລະ ຮັກສາ ຈັນຍາບັນຂອງສື່ມວນຊົນ, ພ້ອມກັນເຮັດສຳເລັດໜ້າ
ທີ່ ທີ່ພັກ-ລັດ ແລະ ປະຊາຊົນມອບໝາຍໃຫ້.

ແຫຼ່ງຂ່າວໂດຍ ຈອນນີ້
ວັນທີ 12/08/2024