ມອບ-ຮັບ ໜ້າທີ່ ຫົວໜ້າກົມໂຄສະນາອົບຮົມ ຜູ້ເກົ່າ ແລະ ຜູ້ໃໝ່

    ວັນທີ 10 ກັນຍາ 2024 ນີ້, ຢູ່ທີ່ກົມໃຫຍ່ການເມືອງກອງທັບ ໄດ້ມີພິທີ ມອບ-ຮັບໜ້າທີ່ ລະຫວ່າງ ສະຫາຍ ພົນຈັດຕະວາ ແປ້ນຄຳ ບຸດ
ຈັນແພງ ຫົວໜ້າກົມໂຄສະນາອົບຮົມ (ຜູ້ເກົ່າ) ແລະ ສະຫາຍ ພັນເອກ ແກ້ວສຸວັນ ຜາງພິລາວົງ ຫົວໜ້າກົມໂຄສະນາອົບຮົມ (ຜູ້ໃໝ່), ໂດຍ
ເປັນກຽດເຂົ້າຮ່ວມເປັນປະທານຂອງ ສະຫາຍ ພົນຕີ ສອນທອງ ພົມລາວົງ ກໍາມະການຄະນະປະຈໍາພັກ ກະຊວງປ້ອງກັນປະເທດ, ຮອງຫົວ
ໜ້າກົມໃຫຍ່ການເມືອງກອງທັບ, ມີບັນດາສະຫາຍ ຄະນະນໍາກົມໃຫຍ່ການເມືອງກອງທັບ, ຄະນະກົມ, ຫ້ອງການ, ພ້ອມດ້ວຍພະນັກງານຫຼັກ
ແຫຼ່ງກົມໂຄສະນາອົບຮົມ ເຂົ້າຮ່ວມ.

     ໂດຍປະຕິບັດຕາມກົດໝາຍນາຍທະຫານ ກໍຄືທິດທາງກໍ່ສ້າງກໍາລັງປະກອບອາວຸດ ໃນສະພາບການໃໝ່ ອີງຕາມດໍາລັດຂອງນາຍົກລັດຖະ
ມົນຕີ ວ່າດ້ວຍ ການແຕ່ງຕັ້ງຫົວໜ້າການເມືອງວິທະຍາຄານປ້ອງກັນຊາດ ແລະ ຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຫົວ
ໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ. ດັ່ງນັ້ນ ກົມໂຄສະນາອົມຮົມ ກົມໃຫຍ່ການເມືອງກອງທັບ ຈຶ່ງໄດ້ຈັດຕັ້ງພິທີ ມອບ-ຮັບ
ໜ້າທີ່ ລະຫວ່າງ ຫົວໜ້າກົມອົບຮົມຜູ້ເກົ່າ ແລະ ຜູ້ໃໝ່ຂຶ້ນຢ່າງເປັນທາງການ. ໃນພິທີ ໄດ້ມີການຜ່ານສະພາບຈຸດພິເສດ, ທີ່ຕັ້ງພາລະບົດບາດ,
ໜ້າທີ່, ການຈັດຕັ້ງປະກອບ ແລະ ການປະຕິບັດໜ້າທີ່ວຽກງານໃນໄລຍະຜ່ານມາ.

     ໂອກາດນີ້ ສະຫາຍປະທານ ກໍໄດ້ໂອ້ລົມຫຼາຍບັນຫາສໍາຄັນ ແລະ ຍ້ອງຍໍຊົມເຊີຍ ຕໍ່ຜົນສໍາເລັດໃນການປະຕິບັດໜ້າທີ່ວຽກງານໄລຍະຜ່ານ
ມາຂອງຫົວໜ້າກົມ ຜູ້ເກົ່າ, ພ້ອມທັງໄດ້ເນັ້ນໃຫ້ຫົວໜ້າກົມ ຜູ້ໃໝ່ສືບຕໍ່ປະຕິບັດໜ້າທີ່ວຽກງານຕາມໜ້າທີ່ພາລະບົດບາດ ຂອບເຂດຄວາມຮັບ
ຜິດຊອບຂອງຕົນໃຫ້ສໍາເລັດຕາມການມອບໝາຍຂອງຂັ້ນເທິງ, ສຸມໃສ່ຄົ້ນຄວ້າຊອກຫາຄວາມຮູ້ໃໝ່ ເພື່ອມາພັດທະນາກົມກອງຂອງຕົນ, ເຮັດ
ວຽກຕ້ອງມີແບບແຜນລ່ວງໜ້າ, ເຮັດວຽກເປັນໝູ່ຄະນະ, ຮັກສາຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ. ສະຫາຍ ພັນເອກ ແກ້ວສຸວັນ
ຜາງພິລາວົງ ໄດ້ສະແດງຄວາມຂອບໃຈ ຕໍ່ຄໍາຊີ້ນໍາຂອງສະຫາຍປະທານ ແລະ ຂອບໃຈ ສະຫາຍ ພົນຈັດຕະວາ ແປ້ນຄໍາ ບຸດຈັນແພງ ທີ່ຕະຫຼອດ
ໄລຍະຜ່ານມາສະຫາຍໄດ້ແບ່ງປັນຄວາມຮູ້, ບົດຮຽນໃນການເຮັດວຽກ, ແລກປ່ຽນວິທີການເຮັດວຽກປະສົບການຕ່າງໆ ແລະ ເປັນແບບຢ່າງທີ່ດີ
ໃນຫຼາຍໆ ດ້ານ, ພ້ອມທັງໃຫ້ຄໍາໝັ້ນສັນຍາວ່າ ຈະສືບຕໍ່ເຝິກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ຈະຕັ້ງ
ໜ້າສຶກສາອົບຮົມການເມືອງ-ນໍາພາແນວຄິດໃຫ້ພະນັກງານຫຼັກແຫຼ່ງ, ຈະສົມທົບພ້ອມກັບໝູ່ຄະນະເອົາໃຈໃສ່ຄົ້ນຄວ້າຮໍ່າຮຽນຫາປະສົບການນໍາ
ໝູ່ຄະນະ, ຈະຕັ້ງໜ້າສົມທົບກັບໝູ່ຄະນະ, ບັນດາກົມກອງໃນການຄົ້ນຄວ້າປັບປຸງບັນດານິຕິກຳ, ຂໍ້ກຳນົດ ຕ່າງໆ ທີ່ມີຢູ່ແລ້ວໃຫ້ແທດເໝາະກັບ
ລະບຽບຫຼັກການ ແລະ ສອດຄ່ອງກັບໜ້າທີ່ວຽກງານ ໃນແຕ່ລະໄລຍະຕາມຄວາມເໝາະສົມ.

ແຫຼ່ງຂ່າວໂດຍ ຂກທ
ວັນທີ 11/09/2024