ກອງພັນໃຫ່ຍ 642 ປະກາດຮັບຮອງເອົາຄະນະບໍລິຫານງານພັກຊຸດໃໝ່

ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ ​ເປັນ​ປະທານ

    ໃນຕອນເຊົ້າວັນທີ 7 ມິຖຸນາ ປີ 2024 ນີ້, ກອງພັນໃຫ່ຍ 642 ໄດ້ປະກາດຮັບຮອງເອົາຄະນະບໍລິຫານງານພັກຊຸດໃໝ່ ( ຊຸດທີ VII ) ພາຍ
ໃຕ້ການເປັນປະທານຂອງ ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການ
ເມືອງກອງທັບ, ມີບັນດາສະຫາຍຄະນະພັກ-ຄະນະບັນຊາ, ຄະນະພັກຮາກຖານ, ບັນດາໜ່ວຍພັກ, ຕະຫຼອດຮອດແຂກທີ່ຖືກເຊີນເຂົ້າຮ່ວມ.

     ໃນພິທີ ສະຫາຍ ພັນເອກ ໃຈເພັດ ວົງແສນສົມ ຮອງຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບກໍ່ໄດ້ຂຶ້ນຜ່ານມະຕິຕົກລົງຂອງ ຄະ
ນະພັກກະຊວງປ້ອງກັນປະເທດ ສະບັບເລກທີ 3399/ຄພກປທ ນະຄອນຫຼວງວຽງຈັນ ລົງວັນທີ 22/05/2024 ວ່າດ້ວຍການຮັບຮອງເອົາຄະນະ
ບໍລິຫານງານພັກ ກອງພັນໃຫຍ່ 642 ສະໄໝທີ VII ໃນນັ້ນຮັບຮອງແຕ່ງຕັ້ງຄະນະບໍລິຫານງານພັກປະກອບມີ 9 ສະຫາຍຄື: ສະຫາຍ ພັນເອກ
ຄໍາໃສ ແພງຄູນ, ສະຫາຍ ພັນເອກ ຈັນທອນ ຄໍາປັນຍາ, ພັນໂທ ຄໍາປິ່ງ ຄູນສົມເຮືອງ, ພັນໂທ ສີນວນ ສັກຕິເດດ, ພັນໂທ ສຸກສະໄຫວ ສຸກກະເສີມ,
ພັນໂທ ຈັນສະໝອນ ໄຊຍະກຸມມານ, ພັນໂທ ບຸນປັນ ແກ້ວອຸດອນ, ພັນໂທ ບຸນລັບ ທໍາມະວົງ, ພັນໂທ ສໍສິນໄຊ ຈັນທະແສງ. ໃນນັ້ນຮັບຮອງແຕ່ງ
ຕັ້ງ ສະຫາຍ ພັນເອກ ຄຳໃສ ແພງຄູນ ເປັນເລຂາຄະນະພັກ, ພັນເອກ ຈັນທອນ ຄຳປັນຍາ ເປັນຮອງເລຂາຄະນະພັກ, ພັນໂທ ຄໍາປິ່ງ ຄູນສົມເຮືອງ
ເປັນປະທານຄະນະກວດກາພັກ. ພັນໂທ ກູ່ ໄຊລົງວັນ ເປັນຮອງປະທານຄະນະກວດກາພັກ ແລະ ພັນໂທ ວືຊົງ ໄຊຊົ່ວຕົ່ງ ເປັນຮອງປະທານຄະນະ
ກວດກາພັກ.

     ໃນຕອນທ້າຍຂອງພິທີຍັງໄດ້ຮັບຟັງການໂອ້ລົມຈາກ ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະ
ເທດ ຮອງຫົວໜ້າກົມໃຫຍ່ການເມືອງກອງທັບ, ສະຫາຍໄດ້ເນັ້ນໜັກມາຍັງຄະນະບໍລິຫານງານພັກຊຸດໃໝ່ຈົ່ງເຊີດຊູຄວາມສາມະຄີພາຍໃນໝູ່
ຄະນະໃຫ້ແໜ້ນແຟ້ນ, ແບ່ງໜ້າທີ່ວຽກງານໃຫ້ຈະແຈ້ງ, ນໍາເອົາມະຕິກອງປະຊຸມມາເປັນແຜນການລະອຽດ, ກ້າເຮັດ, ກ້າທຳ, ກ້າສະແດງອອກ,
ສຸມທຸກສະຕິປັນຍາເຂົ້າໃນພາລະກິດ ສອງໜ້າທີ່ຍຸດທະສາດ, ພ້ອມກັນຊີ້ນໍາໆພາກົມກອງໃຫ້ກ້າວຂຶ້ນຢ່າງຕໍ່ເນື່ອງ.

ແຫຼ່ງຂ່າວໂດຍ ຂກທ
ວັນທີ 11/06/2024