ປະກາດການແຕ່ງຕັ້ງຄະນະກົມ, ກອງ ແລະ ສູນ ທີ່ຂຶ້ນກັບກົມໃຫຍ່ການເມືອງກອງທັບ

    ວັນທີ 6 ກັນຍາ ນີ້, ກົມໃຫຍ່ການເມືອງກອງທັບ ໄດ້ຈັດຕັ້ງພິທີປະກາດແຕ່ງຕັ້ງຄະນະກົມ, ກອງ ແລະ ສູນທີ່ຂຶ້ນກັບກົມໃຫຍ່ການເມືອງ
ກອງທັບ, ໂດຍການເປັນປະທານຂອງສະຫາຍ ພົນຕີ ສອນທອງ ພົມລາວົງ ຄະນະປະຈໍາພັກ ກະຊວງປ້ອງກັນປະເທດ ຮອງຫົວໜ້າກົມໃຫຍ່
ການເມືອງກອງທັບ, ມີບັນດາຕາງໜ້າຄະນະພັກ-ຄະນະບັນຊາ ຄະນະກົມ, ຫ້ອງການ, ກອງ, ສູນ ພ້ອມດ້ວຍບັນດາສະຫາຍທີ່ໄດ້ຮັບໜ້າທີ່ໃໝ່
ເຂົ້າຮ່ວມ.

     ສະຫາຍ ພົນຈັດຕະວາ ສີທາ ດວງມາລາ ຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງ ວ່າດ້ວຍ ແຕ່ງຕັ້ງ ຄະນະ
ກົມ, ກອງ ແລະ ສູນ ທີ່ຂຶ້ນກັບກົມໃຫຍ່ການເມືອງກອງທັບ ອີງຕາມກົດໝາຍນາຍທະຫານ ກອງທັບປະຊາຊົນລາວ ໃນພາກທີ II ໝວດທີ 4
ມາດຕາ 26 ວ່າດ້ວຍ ການແຕ່ງຕັ້ງ, ຍົກຍ້າຍນາຍທະຫານ, ອີງຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນຳພາ-ບັນຊາ ໃນ
ກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສໍາເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ, ອີງຕາມການຄົ້ນ
ຄວ້າຕົກລົງເຫັນດີເປັນເອກະພາບຂອງກອງປະຊຸມຄະນະປະຈໍາພັກ ກະຊວງປ້ອງກັນປະເທດ, ອີງຕາມການຄົ້ນຄວ້າ ແລະ ນໍາສະເໜີຂອງກົມ
ໃຫຍ່ການເມືອງກອງທັບ, ກະຊວງປ້ອງກັນປະເທດຕົກລົງ ແຕ່ງຕັ້ງ ສະຫາຍ ພັນເອກ ແກ້ວສຸວັນ ຜາງພິລາວົງ ເປັນຫົວໜ້າກົມໂຄສະນາອົບຮົມ,
ສະຫາຍ ພັນໂທ ສາກົນໄຊ ກົມມະເມືອງ ເປັນຮອງຫົວໜ້າກົມຈັດຕັ້ງພັກ, ສະຫາຍ ພັນໂທ ຈິດຕະວົງ ນັນທະວົງ ເປັນຮອງຫົວໜ້າກົມປະກັນ
ສັງຄົມ, ສະຫາຍ ພັນໂທ ສີສະໝອນ ແສນມິດ ເປັນຮອງຫົວໜ້າການເມືອງ ກອງວິທະຍຸກະຈາຍສຽງກອງທັບ, ສະຫາຍ ພັນໂທ ຊາຍສົມສັກ
ວິໄລສັນ ເປັນຮອງຫົວໜ້າການທະຫານ ກອງໂທລະພາບກອງທັບ, ສະຫາຍ ພັນໂທ ນາງ ບຸນດາວັນ ບົວລະພາ ເປັນຮອງຫົວໜ້າການທະຫານ
ກອງສິລະປະກອນກອງທັບ, ສະຫາຍ ພັນໂທ ພູທອງ ເພັດສີບູນ ເປັນຮອງຫົວໜ້າການເມືອງ ກອງສິລະປະກອນກອງທັບ, ສະຫາຍ ພັນຕີ ພົງ
ພັນ ສີວົງສາ ເປັນຮອງຫົວໜ້າການທະຫານສູນເສຍອົງຄະທຽມ ແລະ ຟື້ນຟູສະມັດທະພາບ 686 ແລະ ຜ່ານຂໍ້ຕົກລົງວ່າດ້ວຍການແຕ່ງຕັ້ງ ຂັ້ນ
ພະແນກການ ຂອງບັນດາກົມກອງທີ່ຂຶ້ນກັບກົມໃຫຍ່ການເມືອງກອງທັບ ໃນນີ້ ກົມໃຫຍ່ການເມືອງກອງທັບຕົກລົງແຕ່ງຕັ້ງ ສະຫາຍ ພັນໂທ ພູວົງ
ພົມມະລາດ ເປັນຫົວໜ້າ ພະແນກສື່ມວນຊົນ ກົມໂຄສະນາອົບຮົມ, ສະຫາຍ ພັນຕີ ນາງ ຕິກສະໝອນ ຫຼ້າຄຳຟອງ ເປັນຫົວໜ້າພະແນກຄຸ້ມຄອງ
ກອງທຶນ ກົມປະກັນສັງຄົມ, ສະຫາຍ ຮ້ອຍເອກ ສະເຫຼີມໄຊ ບຸນປະເສີດ ເປັນຮອງຫົວໜ້າພະແນກເສນາທິ ການສູນອົງຄະທຽມ ແລະ ຟື້ນຟູສະ
ມັດທະພາບ 686.

     ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ສະແດງຄວາມຍ້ອງຍໍຊົມເຊີຍບັນດາສະ ຫາຍ ທີ່ໄດ້ຮັບໜ້າທີ່ໃໝ່ ພ້ອມທັງເນັ້ນໜັກໃຫ້ບັນ
ດາສະຫາຍທີ່ໄດ້ຮັບໜ້າໃໝ່ສືບຕໍ່ຕັ້ງໜ້າເຝິກຝົນຫຼໍ່ຫຼອມຕົນເອງດ້ານຄຸນສົມບັດສິນທໍາປະຕິວັດ, ຍົກສູງຄວາມຮູ້-ຄວາມສາມາດດ້ານວິຊາສະເພາະ,
ມີຄວາມສາມັກຄີພາຍໃນ, ດໍາລົງຊີວິດໃຫ້ປອດໃສ, ມີທັດສະນະມະຫາຊົນກວ້າງຂວາງ ແລະ ເອົາໃຈໃສ່ປັບປຸງພັດທະນາກົມກອງຂອງຕົນເອງໃຫ້ນັບ
ມື້ເຕີບໃຫຍ່ຂະຫຍາຍຕົວ.

ແຫຼ່ງຂ່າວໂດຍ ສົມຄິດ ພູມມີຈິດ
ວັນທີ 09/09/2024