ປະກາດການແຕ່ງຕັ້ງ ຮອງຫົວໜ້າ ກົມເສນາພະລາ
ແລະ ຫົວໜ້າພະແນກພະລາທິການ ກອງພັນໃຫຍ່ 661

    ພິທີປະກາດການແຕ່ງຕັ້ງ ຮອງຫົວໜ້າກົມເສນາພະລາ ກົມໃຫຍ່ພະລາທິການກອງທັບ ແລະ ແຕ່ງຕັ້ງ ຮອງກອງພັນໃຫຍ່ ຮັບຜິດຊອບວຽກງານ
ພະລາທິການ ທັງເປັນຫົວໜ້າພະແນກພະລາທິການ ກອງພັນໃຫຍ່ 661 ໄດ້ຈັດຂຶ້ນໃນວັນທີ 8 ສິງຫາ 2024 ນີ້, ຢູ່ທີ່ກອງພັນໃຫຍ່ 661, ໂດຍການ
ເປັນປະທານຂອງ ສະຫາຍ ພົນຕີ ຄຳເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ, ມີບັນດາກົມ, ຫ້ອງການທີ່ຂຶ້ນກັບກົມໃຫຍ່ພະລາທິການ
ກອງທັບ, ມີຄະນະພັກ-ຄະນະບັນຊາ ກອງພັນໃຫຍ່ 661, ບັນດາກອງພັນ, ພະແນກການທີ່ກ່ຽວຂ້ອງ ແລະ ພະນັກງານ-ນັກຮົບ ເຂົ້າຮ່ວມ.

     ສະຫາຍ ພັນເອກ ພູວຽງ ດາວັນນະຮັກ ຮອງຫົວໜ້າກົມເສນາພະລາ ກົມໃຫຍ່ພະລາທິການກອງທັບ ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະ
ເທດ ວ່າດ້ວຍການຍົກຍ້າຍ ສະຫາຍ ພັນໂທ ວຽງແກ້ວ ວົງວຽງຄໍາ ຮອງຫົວໜ້າກອງພັນໃຫຍ່ ຮັບຜິດຊອບວຽກງານພະລາທິການ, ຫົວໜ້າພະແນກ
ພະລາທິການ ກອງພັນໃຫຍ່ 661 ໄປຮັບໜ້າທີ່ໃໝ່ ຢູ່ກົມເສນາພະລາ ກົມໃຫຍ່ພະລາທິການກອງທັບ, ຜ່ານຂໍ້ຕົກລົງຂອງກະຊວງປ້ອງກັນປະເທດ
ວ່າດ້ວຍການແຕ່ງຕັ້ງ ສະຫາຍ ພັນໂທ ວຽງແກ້ວ ວົງວຽງຄໍາ ເປັນຮອງຫົວໜ້າກົມເສນາພະລາ ກົມໃຫຍ່ພະລາທິການກອງທັບ ແລະ ຜ່ານຂໍ້ຕົກລົງ
ຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ສະຫາຍ ພັນໂທ ຄໍາຕ້ອຍ ຄໍາອິດທະວົງ ເປັນຮອງຫົວໜ້າກອງພັນໃຫຍ່ ຮັບຜິດຊອບວຽກງານພະ
ລາທິການ ທັງເປັນຫົວໜ້າພະແນກພະລາທິການ ກອງພັນໃຫຍ່ 661. ທັງນີ້, ກໍເພື່ອປະຕິບັດຕາມທິດທາງ ກ່ຽວກັບການປັບປຸງບູລະນະກົງຈັກການ
ຈັດຕັ້ງນໍາພາ-ບັນຊາ ໃນກຳລັງປະກອບອາວຸດ ໃຫ້ເຂັ້ມແຂງ, ໜັກແໜ້ນ ຮອບດ້ານ ເພື່ອເຮັດສໍາເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ.
ຈາກນັ້ນ, ກໍໄດ້ລົງນາມບົດບັນທຶກການມອບ-ຮັບໜ້າທີ່ ລະຫວ່າງ ສະຫາຍ ສະຫາຍ ພັນໂທ ວຽງແກ້ວ ວົງວຽງຄໍາ ຮອງຫົວໜ້າກອງພັນໃຫຍ່ ຮັບຜິດ
ຊອບວຽກງານພະລາທິການ, ຫົວໜ້າພະແນກພະລາທິການ ກອງພັນໃຫຍ່ 661 ຜູ້ເກົ່າ ແລະ ສະຫາຍ ພັນໂທ ຄໍາຕ້ອຍ ຄໍາອິດທະວົງ ຮອງຫົວໜ້າກອງ
ພັນໃຫຍ່ ຮັບຜິດຊອບວຽກງານພະລາທິການ, ຫົວໜ້າພະແນກພະລາທິການ ກອງພັນໃຫຍ່ 661 ຜູ້ໃໝ່. ໂອກາດນີ້, ສະຫາຍ ພົນຕີ ຄຳເພັດ ສີຊານົນ
ໄດ້ມີຄຳເຫັນໂອ້ລົມ ພ້ອມທັງເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ ຈົ່ງຍົກສູງພາລະບົດບາດການຊີ້ນຳ-ບັນຊາຂອງຕົນ ຕໍ່ໜ້າທີ່ການເມືອງທີ່ໄດ້ຮັບມອບໝາຍ
ໂດຍສະເພາະແມ່ນ ການນໍາພາຈັດຕັ້ງປະຕິບັດ ໜ້າທີ່ວຽກງານວິຊາສະເພາະ ໃຫ້ມີປະສິດທິຜົນສູງ, ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ
ໃຫ້ພະນັກງານວິຊາສະເພາະ ມີແນວຄິດການເມືອງໜັັກແໜ້ນ, ມີຄວາມສາມັກຄີພາຍໃນເປັນປຶກແຜ່ນ ແລະ ປັບປຸງແບບແຜນການນຳພາ, ວິທີເຮັດວຽກ
ບົນພື້ນຖານປະຕິບັດຕາມຫຼັກການລວມສູນປະຊາທິປະໄຕ, ເປັນໝູ່ຄະນະ, ແບ່ງໃຫ້ບຸກຄົນຮັບຜິດຊອບ ຢ່າງຈະແຈ້ງ ເພື່ອພ້ອມກັນເຮັດສຳເລັດໜ້າທີ່ ທີ່
ການຈັດຕັ້ງຂັ້ນເທິງມອບໝາຍໃຫ້ ແລະ ພ້ອມກັນພັດທະນາກົມກອງກ້າວຂຶ້ນຕາມແບບແຜນທັນສະໄໝ.

ແຫຼ່ງຂ່າວໂດຍ ສຸເວດ
ວັນທີ 09/08/2024