ກອງປະຊຸມທາບທາມບຸກຄະລາກອນຮັບສະໝັກເລືອກຕັ້ງ
ເຂົ້າຄະນະບໍລິຫານງານພັກອົງການກົມ 213 ສະໄໝທີ VI ຮອບທີ 1

ພົນຈັດຕະວາ ແສງມະນີວອນ ຄຳມະນີ ກໍາມະການຄະນະພັກກະຊວງ, ຮອງຫົວໜ້າກົມໃຫຍ່ການເມືອງກອງທັບ

    ວັນທີ 5 ກໍລະກົດ 2024 ນີ້, ກົມ 213 ໄດ້ດຳເນີນກອງປະຊຸມທາບທາມບຸກຄະລາກອນຮັບສະໝັກເລືອກຕັ້ງເຂົ້າໃນຄະນະບໍລິຫານງານ
ພັກ ອົງການກົມ 213 ສະໄໝທີ VI ຮອບທີ 1, ໂດຍການເປັນປະທານ ຂອງສະຫາຍ ພົນຈັດຕະວາ ແສງມະນີວອນ ຄຳມະນີ ກໍາມະການຄະ
ນະພັກກະຊວງ, ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ພົນຕີ ທອງວັນ ຈັນທະວົງ ເລຂາຄະນະພັກ, ຫົວໜ້າກົມ 213, ມີຄະ
ນະພັກອົງການກົມ 213, ຄະນະພັກຮາກຖານ, ຄະນະໜ່ວຍພັກ, ອານຸກຳມະການທາບທາມບຸກຄະລາກອນ ແລະ ຜູ້ແທນສະມາຊິກພັກສົມ
ບູນ-ສໍາຮອງ ເຂົ້າຮ່ວມ.

     ສະຫາຍ ພົນຕີ ທອງວັນ ຈັນທະວົງ ເລຂາຄະນະພັກກົມ 213 ໄດ້ກ່າວເປີດກອງປະຊຸມ ເເລະ ມີຄຳເຫັນແນະນຳ ໃຫ້ບັນດາສະຫາຍຜູ້
ເເທນກອງປະຊຸມ ຈົ່ງພ້ອມກັນເຊີດຊູຄວາມຮັບຜິດຊອບການເມືອງຂອງຕົນ, ໃຊ້ສິດປະຊາທິປະໄຕຢ່າງເຕັມສ່ວນ, ສຸມໃສ່ການຄົ້ນຄວ້າບຸກ
ຄະລາກອນ, ຜູ້ທີ່ມີມາດຖານ, ເງື່ອນໄຂ, ຄົບຖ້ວນ ເພື່ອຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກ ອົງການກົມ 213 ຊຸດໃໝ່ ໃຫ້
ໄດ້ຕາມລະດັບຄາດໝາຍ. ດັ່ງນັ້ນ, ຈຶ່ງຮຽກຮ້ອງໃຫ້ບັນດາສະຫາຍຜູ້ແທນກອງ ປະຊຸມຕ້ອງເປັນເຈົ້າຕົນເອງ, ມີທັດສະນະຈຸດຢືນທີ່ແນ່ນອນ
ໃນການເບິ່ງບັນຫາ, ມີວິໄສທັດຢ່າງ ສັດຈະວິພາກ, ບົນພື້ນຖານ ເພື່ອຜົນປະໂຫຍດລວມຂອງຊາດ, ຂອງກົມກອງ, ຫຼີກເວັ້ນເອົາໃຈຕົນເອງ,
ອັກຄະຕິ, ຈຸ້ມເຈື້ອ, ກຸ່ມກ້ອນ, ແນວຄິດຢ້ານລື່ນ ແລະ ອື່ນໆ... ຕ້ອງເລືອກເອົາພະນັກງານທີ່ສົມສ່ວນ, ທີ່ມີລັກສະນະສືບທອດປ່ຽນແທນ
ແບບຕໍ່ເນື່ອງ.ຈາກນັ້ນ, ອານຸກຳມະການທາບທາມບຸກຄະລາກອນ ກໍໄດ້ຜ່ານມາດຖານເງື່ອນໄຂຜູ້ທີ່ຈະສະໝັກເລືອກຕັ້ງເຂົ້າໃນຄະນະບໍລິ
ຫານງານພັກ ອົງການກົມ 213 ຊຸດໃໝ່ ຕ້ອງເປັນຜູ້ທີ່ມີມາດຖານເງື່ອນໄຂຄົບຖ້ວນ, ຍຶດໝັ້ນອຸດົມການສັງຄົມນິຍົມ, ມີຄຸນສົມບັດສິນທຳ
ປະຕິວັດ, ມີທັດສະນະການເມືອງໜັກແໜ້ນ, ມີຄວາມຈົງຮັກພັກດີຕໍ່ປະເທດຊາດຕໍ່ປະຊາຊົນ, ເປັນແບບຢ່າງໃນການປະຕິບັດກົດລະບຽບ
ຂອງພັກກົດໝາຍຂອງລັດຢ່າງເຂັ້ມງວດ, ມີຄວາມຮູ້ຄວາມສາມາດອັນແນ່ນອນ, ມີແບບແຜນວິທີເຮັດວຽກຖືກຕ້ອງ, ເຄົາລົບ ແລະ ປະຕິ
ບັດຫຼັກການລວມສູນປະຊາທິປະໄຕ, ມີສຸຂະພາບສົມບູນແຂງແຮງດີ.

     ໂອກາດນີ້, ສະຫາຍ ພົນຈັດຕະວາ ແສງມະນີວອນ ຄຳມະນີ ປະທານກອງປະຊຸມ ກໍໄດ້ມີຄຳເຫັນຊີ້ນໍາກອງປະຊຸມຫຼາຍບັນຫາທີ່ສຳຄັນ
ເພຶ່ອເຮັດໃຫ້ການຄັດເລືອກບຸກຄະລາກອນຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກ ອົງການກົມ 213 ຄັ້ງນີ້ ດໍາເນີນໄປຢ່າງຖືກ
ຕ້ອງຕາມກົດລະບຽບພັກ ແລະ ສຳເລັດຕາມຈຸດປະສົງ-ຄາດໝາຍ ບັນດາສະຫາຍຄະນະພັກ-ຄະນະບັນຊາ, ຜູ້ແທນກອງປະຊຸມ ຈົ່ງພ້ອມ
ກັນຍົກສູງຄວາມຮັບຜິດຊອບ ຕໍ່ໜ້າທີ່ການເມືອງຂອງຕົນ ເຂົ້າໃນການເລືອກເຟັ້ນໄຈ້ແຍກໃຫ້ລະອຽດຖີ່ຖ້ວນ ບຸກຄົນທີ່ຈະເຂົ້າມາເປັນຄະ
ນະພັກຊຸດໃໝ່ ຕ້ອງເບິ່ງທັດສະນະຄວາມຮູ້, ຄວາມສາມາດ ນໍາພາ-ບັນຊາກົມກອງ, ຕ້ອງມີຄຸນທາດການເມືອງໜັກແໜ້ນ, ມີຄຸນສົມບັດສິນ
ທຳປະຕິວັດ, ມີແບບແຜນວິທີເຮັດວຽກທີ່ດີ, ເຮັດວຽກເປັນໝູ່ຄະນະແບ່ງໃຫ້ບຸກຄົນຮັບຜິດຊອບ, ປະຕິບັດຫຼັກການລວມສູນປະຊາທິປະໄຕ,
ເຮັດສໍາເລັດໜ້າການເມືອງຂອງຕົນທີ່ການຈັດຕັ້ງຂັ້ນເທິງມອບໝາຍໃຫ້, ຢຶດໝັ້ນອຸດົມການສັງຄົມນິຍົມ ແລະ ຖືກກັບໂຄງປະກອບການກໍ່
ສ້າງພະນັກງານ 3 ຮຸ່ນ 3 ປະເພດ ທີ່ພັກ-ລັດໄດ້ກຳນົດໄວ້. ຈາກນັ້ນ, ພະນັກງານ-ສະມາຊິກພັກ ກໍໄດ້ພ້ອມກັນໃຊ້ສິດປະຊາທິປະໄຕຂອງຕົນ
ປ່ອນບັດທາບທາມເອົາບຸກຄະລາກອນທີ່ຈະສະໝັກເລືອກຕັ້ງເປັນຄະນະບໍລິຫານງານພັກ ອົງການກົມ 213 ຮອບທີ 1 ສະໄໝທີ VI ໄດ້ສຳ
ເລັດຕາມແຜນການ.

ແຫຼ່ງຂ່າວໂດຍ ຂກທ
ວັນທີ 08/07/2024